ਬੀਤੇ ਸ਼ਨਿਚਰਵਾਰ ਵਰਲਡ ਵਾਈਲਡ ਲਾਈਫ ਵਲੋਂ ਫੰਡ ਰੇਜ਼ ਕਰਨ ਲਈ ਸੀਐਨ ਟਾਵਰ ਦੀਆਂ ਪੌੜੀਆਂ ਚੜ੍ਹਨ ਦੇ ਮੁਕਬਲੇ ਰੱਖੇ ਗਏ ਸਨ। ਇਸ ਵਿਚ ਹਜ਼ਾਰਾਂ ਲੋਕ ਭਾਗ ਲਂੈਦੇ ਹਨ ਤੇ ਇਕੱਤਰ ਹੋਇਆ ਪੈਸਾ ਵਰਲਡ ਫਾਈਲਡ ਲਾਈਫ ਲਈ ਦਾਨ ਕੀਤਾ ਜਾਂਦਾ ਹੈ ਤਾਂ ਜੋ ਜੰਗਲਾਂ ਵਿਚ ਤੇ ਹੋਰ ਜਾਨਵਰਾਂ ਦੀ ਮੱਦਦ ਲਈ ਅਤੇ ਉਨ੍ਹਾਂ ਦੀ ਸੁਰੱਖਿਆ ਲਈ ਸਹੀ ਪ੍ਰਬੰਧ ਕੀਤੇ ਜਾਣ। ਗੁਰੂ ਗੋਬਿੰਦ ਸਿੰਘ ਚਿਲਡਰਨ ਫਾਊਡੇਸ਼ਨ ਤੇ ਟੋਰਾਂਟੋ ਏਅਰਪੋਰਟ ਰਨਰਜ਼ ਕਲੱਬ ਨੇ ਸਾਂਝੇ ਤੌਰ ਉਤੇ ਇਸ ਵਾਰ ਇਹ ਦੌੜ ਜਲਿਆਂਵਾਲੇ ਬਾਗ ਦੇ ਸਾਕੇ ਦੀ ਸ਼ਤਾਬਦੀ ਨੂੰ ਸਮਰਪਿਤ ਕੀਤੀ ਸੀ। ਇਸ ਵਿਚ 100 ਲੋਕਾਂ ਨੂੰ ਸੀਐਨ ਟਾਵਰ ਦੀਆ ਪੌੜੀਆਂ ਚੜ੍ਹਨ ਲਈ ਤਿਆਰ ਕੀਤਾ ਗਿਆ ਸੀ। 130 ਡਾਲਰ ਪ੍ਰਤੀ ਵਿਅਕਤੀ ਦੇ ਹਿਸਾਬ ਨਾਲ 100 ਲੋਕ ਸੀਐਨ ਟਾਵਰ ਦੀਆਂ ਪੌੜੀਆਂ ਚੜ੍ਹੇ ਤੇ 13 ਹਜ਼ਾਰ ਡਾਲਰ ਵਰਲਡ ਵਾਈਲਡ ਲਾਈਫ ਨੂੰ ਦਾਨ ਕਰਕੇ ਓਂਟਾਰੀਓ ਭਰ ਵਿਚੋਂ ਵੱਖ-ਵੱਖ ਸੰਸਥਾਵਾਂ ਵਲੋਂ ਕੀਤੇ ਦਾਨ ਵਿਚੋਂ ਦੂਜਾ ਸਥਾਨ ਹਾਸਿਲ ਕੀਤਾ।
ਗੁਰੂ ਗੋਬਿੰਦ ਸਿੰਘ ਚਿਲਡਰਨ ਫਾਊਡੇਸ਼ਨ ਵਲੋਂ ਪਿਛਲੇ 25 ਸਾਲਾਂ ਤੋਂ ਸੀਐਨ ਟਾਵਰ ਦੀਆਂ ਪੌੜੀਆਂ ਚੜ੍ਹੀਆਂ ਜਾਂਦੀਆਂ ਰਹੀਆਂ ਹਨ ਤੇ ਵਰਲਡ ਵਾਈਲਡ ਲਾਈਫ ਦੇ ਫੰਡ ਵਿਚ ਆਪਣਾ ਯੋਗਦਾਨ ਪਾਇਆ ਜਾਂਦਾ ਰਿਹਾ ਹੈ। ਇਸ ਸੰਸਥਾ ਨਾਲ ਦਰਜ ਹੋਏ ਨਾਵਾਂ ਵਿਚੋਂ ਤੇਜ਼ ਤਰਾਰ ਪੌੜੀਆਂ ਚੜ੍ਹਨ ਵਾਲਿਆਂ ਵਿਚ ਸਭ ਤੋਂ ਪਹਿਲਾਂ ਸੋਢੀ ਕੰਗ ਨੇ ਇਹ ਪੌੜੀਆਂ 15.09 ਮਿੰਟਾਂ ਵਿਚ, ਹਰਜੋਤ ਬੈਸ 15.29, ਮਨਵੀਰ ਸਾਹੀ 15.34, ਬਲਦੇਵ ਰੈਪਾ 18.04 ਤੇ ਰਜਿੰਦਰ ਪੰਨੂ ਨੇ 18.30 ਮਿੰਟਾਂ ਵਿਚ 1776 ਪੌੜੀਆਂ ਚੜ੍ਹ ਕੇ ਆਪਣਾ ਰਿਕਾਰਡ ਬਣਾਇਆ। ਕੌਨਿਕਸ ਇੰਸ਼ੋਰੈਸ ਕੰਪਨੀ ਦੇ ਤੇਜ ਬੇਦੀ ਵਲੋਂ ਜਿਥੇ ਇਸ ਵਾਰ ਸਪਾਂਸਰਸਿ਼ਪ ਦਿੱਤੀ ਗਈ ਉਸ ਦੇ ਨਾਲ-ਨਾਲ ਗਰੇਟਰ ਟੋਰਾਂਟੋ ਮੌਰਗੇਜ ਵਲੋਂ ਲੰਚ, ਟੋਰਾਂਟੋ ਏਅਰਪੋਰਟ ਰਨਰਜ਼ ਕਲੱਬ ਵਲੋਂ ਬ੍ਰੇਕਫਸਟ ਅਤੇ ਹਰਦੀਪ ਸਿੰਘ ਗਰੇਵਾਲ ਵਲੋਂ ਬਾਅਦ ਵਿਚ ਕਾਫੀ ਆਦਿ ਦਾ ਖਾਸ ਪ੍ਰਬੰਧ ਕੀਤਾ ਗਿਆ ਸੀ।