ਨਿਰਦੇਸ਼ਕ ਉਮੰਗ ਕੁਮਾਰ ਆਪਣੀ ਅਗਲੀ ਫਿਲਮ ‘ਯੂ ਬੀ ਲੁਕਪੀ’ ਨੂੰ ਲੈ ਕੇ ਇਨ੍ਹੀਂ ਦਿਨੀਂ ਬਹੁਤ ਉਤਸ਼ਾਹਤ ਨਜ਼ਰ ਆਉਂਦਾ ਹੈ। ਫਿਲਮ ਇਸੇ ਨਾਂਅ ਦੀ ਇੱਕ ਮਣੀਪੁਰੀ ਖੇਡ 'ਤੇ ਆਧਾਰਤ ਹੋਵੇਗੀ, ਜੋ ਕਾਫੀ ਕੁਝ ‘ਰਗਬੀ’ ਵਰਗੀ ਹੁੰਦੀ ਹੈ। ਭਾਰਤੀ ਮਹਿਲਾ ਬਾਕਸਿੰਗ ਚੈਂਪੀਅਨ ਐੱਮ ਸੀ ਮੈਰੀਕਾਮ ਦੀ ਬਾਇਓਪਿਕ ‘ਮੈਰੀਕਾਮ’ ਨਾਲ ਨਿਰਦੇਸ਼ਨ ਦੀ ਦੁਨੀਆ ਵਿੱਚ ਧਮਾਕੇਦਾਰ ਕਦਮ ਰੱਖਣ ਵਾਲੇ ਉਮੰਗ ਕੁਮਾਰ ਦਾ ਕਹਿਣਾ ਹੈ ਕਿ ਉਹ ਇਸ ਫਿਲਮ ਲਈ ਮਣੀਪੁਰ ਜਾਣ ਦੀ ਬੇਸਬਰੀ ਨਾਲ ਉਡੀਕ ਕਰ ਰਿਹਾ ਹੈ।
ਮਣੀਪੁਰ ਦੇ ਪਿਛੋਕੜ ਵਾਲੀ ਇਸ ਫਿਲਮ ਵਿੱਚ ਕਿਸੇ ਖੇਡ ਦੀ ਕਹਾਣੀ ਦਿਖਾਈ ਜਾਵੇਗੀ, ਜਿਸ ਨੂੰ ਨਾਰੀਅਲ ਨਾਲ ਖੇਡਿਆ ਜਾਂਦਾ ਹੈ। ਉਮੰਗ ਦੱਸਦਾ ਹੈ ਕਿ ‘ਯੂਬੀ ਰਗਬੀ’ ਇੱਕ ਜ਼ਬਰਦਸਤ ਖੇਡ ਹੈ। ਦਿਲਚਸਪ ਗੱਲ ਹੈ ਕਿ ਇਸ ਬਾਰੇ ਹੋਰ ਰਾਜਾਂ ਦੇ ਲੋਕਾਂ ਨੂੰ ਜ਼ਰਾ ਵੀ ਪਤਾ ਨਹੀਂ। ਇਸ ਫਿਲਮ ਰਾਹੀਂ ਮੈਂ ਭਾਰਤੀਆਂ ਨੂੰ ਦੱਸਾਂਗਾ ਕਿ ਅਸੀਂ ਵੀ ਰਗਬੀ ਖੇਡਦੇ ਹਾਂ। ‘ਯੂਬੀ ਲੁਕਪੀ’ ਨੂੰ ਮਣੀਪੁਰ ਦੇ ਲੋਕ ਨਾਰੀਅਲ ਨਾਲ ਖੇਡਦੇ ਹਨ।” ਕੀ ਇਸ ਫਿਲਮ 'ਚ ਉਹ ਮਣੀਪੁਰੀ ਕਲਾਕਾਰਾਂ ਨੂੰ ਹੀ ਲੈਣਗੇ, ਇਸ 'ਤੇ ਉਨ੍ਹਾਂ ਦਾ ਕਹਿਣਾ ਸੀ, ‘‘ਕਾਸਟਿੰਗ ਉਸੇ ਦੀ ਹੋਵੇਗੀ, ਜੋ ਰੋਲ ਨਾਲ ਮੇਲ ਖਾਏਗਾ।”