Welcome to Canadian Punjabi Post
Follow us on

05

June 2020
ਮਨੋਰੰਜਨ

ਇੱਕ ਹੋਰ ਬਾਇਓਪਿਕ ਬਣਾਏਗੀ ਚਿਤਰਾਂਗਦਾ

October 02, 2018 07:47 AM

ਫਿਲਮ ‘ਸੂਰਮਾ' ਨਾਲ ਚਿਤਰਾਂਗਦਾ ਸਿੰਘ ਫਿਲਮ ਨਿਰਮਾਤਾ ਵੀ ਬਣ ਗਈ ਹੈ ਅਤੇ ਉਹ ਇੱਕ ਅਪਾਹਜ ਮਹਿਲਾ ਤੈਰਾਕ 'ਤੇ ਬਾਇਓਪਿਕ ਬਣਾਉਣ ਦੀ ਯੋਜਨਾ ਬਣਾ ਰਹੀ ਹੈ। ਇੱਕ ਸੂਤਰ ਅਨੁਸਾਰ ‘‘ਉਹ ਇੱਕ ਅਪਾਹਜ ਤੈਰਾਕ ਦੀ ਕਹਾਣੀ ਤੋਂ ਬੇਹੱਦ ਪ੍ਰਭਾਵਤ ਹੈ, ਜਿਸ ਨੇ ਦੇਸ਼ ਦਾ ਨਾਂਅ ਉਚਾ ਕੀਤਾ ਹੈ। ਉਹ ਇੱਕ ਤੈਰਾਕ ਹੈ, ਜੋ ਦੱਖਣ ਤੋਂ ਹੈ। ਇਸ ਫਿਲਮ ਬਾਰੇ ਗੱਲਬਾਤ ਜਾਰੀ ਹੈ। ਬਾਇਓਪਿਕਸ 'ਚ ਸਮਾਂ ਲੱਗਦਾ ਹੈ ਕਿਉਂਕਿ ਤੁਹਾਨੂੰ ਕਈ ਲੋਕਾਂ ਤੋਂ ਇਸ ਦੇ ਲਈ ਇਜਾਜ਼ਤ ਲੈਣੀ ਪੈਂਦੀ ਹੈ।” ਫਿਲਮ ‘ਸੂਰਮਾ’ ਵਿੱਚ ਚਿਤਰਾਂਗਦਾ ਸਿੰਘ ਨੇ ਸਾਬਕਾ ਭਾਰਤੀ ਹਾਕੀ ਟੀਮ ਦੇ ਕਪਤਾਨ ਸੰਦੀਪ ਸਿੰਘ ਦੀ ਪ੍ਰੇਰਨਾਦਾਇਕ ਕਹਾਣੀ ਨੂੰ ਪਰਦੇ 'ਤੇ ਉਤਾਰਿਆ ਸੀ।
ਬਾਇਓਪਿਕਸ ਦੀ ਆਪਣੀ ਰੁਚੀ ਬਾਰੇ ਚਿਤਰਾਂਗਦਾ ਕਹਿ ਚੁੱਕੀ ਹੈ, ‘‘ਮੈਂ ਪੂਰੀ ਤਰ੍ਹਾਂ ਬਾਇਓਪਿਕਸ ਬਣਾਉਣ ਦੇ ਪੱਖ ਵਿੱਚ ਹਾਂ। ਲੋਕਾਂ ਨੂੰ ਸੱਚੀਆਂ ਕਹਾਣੀਆਂ ਦਾ ਪਤਾ ਲੱਗਣਾ ਚਾਹੀਦਾ ਹੈ। ਜੇ ਤੁਸੀਂ ਉਨ੍ਹਾਂ ਨੂੰ ਚੰਗੀ ਤਰ੍ਹਾਂ ਦਿਖਾਉਂਦੇ ਹੋ ਤਾਂ ਇਹ ਜ਼ਰੂਰ ਕੰਮ ਕਰਦੀਆਂ ਹਨ।” ਬਤੌਰ ਹੀਰੋਇਨ ਉਸ ਦੀਆਂ ਫਿਲਮਾਂ ਦੀ ਗੱਲ ਕਰੀਏ ਤਾਂ ਪਿਛਲੀ ਵਾਰ ਸੰਜੇ ਦੱਤ ਦੇ ਅਭਿਨੈ ਵਾਲੀ ਫਿਲਮ ‘ਸਾਹਿਬ ਬੀਵੀ ਔਰ ਗੈਂਗਸਟਰ 3’ ਵਿੱਚ ਨਜ਼ਰ ਆਈ ਚਿਤਰਾਂਗਦਾ ਦੀ ਅਗਲੀ ਫਿਲਮ ‘ਬਾਜ਼ਾਰ’ ਹੈ, ਜਿਸ 'ਚ ਉਹ ਸੈਫ ਅਲੀ ਖਾਨ ਦੇ ਆਪੋਜ਼ਿਟ ਹੈ।

Have something to say? Post your comment