Welcome to Canadian Punjabi Post
Follow us on

22

May 2019
ਮਨੋਰੰਜਨ

ਫੁੱਲ ਐਕਸ਼ਨ ਕਰੇਗੀ ਡਾਇਨਾ ਪੇਂਟੀ

October 02, 2018 07:45 AM


ਡਾਇਨਾ ਪੇਂਟੀ ਇਸ ਸਾਲ ਦੋ ਫਿਲਮਾਂ ‘ਪਰਮਾਣੂ’ ਅਤੇ ‘ਹੈਪੀ ਭਾਗ ਜਾਏਗੀ' ਦੀ ਰਿਲੀਜ਼ ਹੋਣ ਕਰ ਕੇ ਬਿਜ਼ੀ ਰਹੀ ਹੈ। 2012 ਵਿੱਚ ਫਿਲਮ ‘ਕਾਕਟੇਲ’ ਨਾਲ ਡੈਬਿਊ ਕਰਨ ਵਾਲੀ ਡਾਇਨਾ ਪੇਂਟੀ ਲਈ ਇਹ ਸਾਲ ਹਾਲੇ ਤੱਕ ਸਭ ਤੋਂ ਰੁਝੇਵਿਆਂ ਵਾਲਾ ਰਿਹਾ ਹੈ ਕਿਉਂਕਿ ਫਿਲਮਾਂ ਦੀ ਚੋਣ ਬਾਰੇ ਉਹ ਹਮੇਸ਼ਾ ਤੋਂ ਹੀ ਬੇਹੱਦ ਚੂਜ਼ੀ ਰਹੀ ਹੈ। ਪਹਿਲੀ ਹੀ ਫਿਲਮ ਤੋਂ ਬਾਅਦ ਉਸ ਨੇ ਚਾਰ ਸਾਲਾਂ ਦੀ ਬ੍ਰੇਕ ਲਈ ਸੀ ਤਾਂ ਕਿ ਇਹ ਤੈਅ ਕਰ ਸਕੇ ਕਿ ਉਹ ਆਪਣੇ ਕਰੀਅਰ ਨੂੰ ਕਿਸ ਅੰਦਾਜ਼ ਵਿੱਚ ਅੱਗੇ ਵਧਾਉਣਾ ਚਾਹੁੰਦੀ ਹੈ। ਉਹ ਕਹਿੰਦੀ ਹੈ, ‘‘ਇਹ ਸਭ ਜਾਣਬੁੱਝ ਕੇ ਨਹੀਂ ਹੋਇਆ। ਮੈਂ ਫਿਲਮ ਨਗਰੀ 'ਚ ਨਵੀਂ ਸੀ, ਮੇਰਾ ਕੋਈ ਫਿਲਮੀ ਬੈਕਗਰਾਊਂਡ ਵੀ ਨਹੀਂ ਸੀ। ‘ਕਾਕਟੇਲ’ ਤੋਂ ਪਿੱਛੋਂ ਮੈਨੂੰ ਗਾਈਡ ਕਰਨ ਵਾਲਾ ਕੋਈ ਨਹੀਂ ਸੀ ਕਿ ਮੈਨੂੰ ਕਿੱਦਾਂ ਦੀਆਂ ਫਿਲਮਾਂ ਕਰਨੀਆਂ ਚਾਹੀਦੀਆਂ ਹਨ। ਮੈਂ ਗੁਆਚੀ ਜਿਹੀ ਮਹਿਸੂਸ ਕਰਦੀ ਸੀ ਅਤੇ ਆਪਣੀ ਰਾਹ ਤਹਿ ਕਰਨ ਵਿੱਚ ਮੈਨੂੰ ਕੁਝ ਸਮਾਂ ਲੱਗਾ। ਸ਼ਾਇਦ ਇਸ 'ਚ ਲੋੜ ਤੋਂ ਕੁਝ ਜ਼ਿਆਦਾ ਸਮਾਂ ਲੱਗ ਗਿਆ।”
ਉਸ ਦੇ ਦੱਸਣ ਅਨੁਸਾਰ ਡੈਬਿਊ ਤੋਂ ਬਾਅਦ ਲੰਮਾਂ ਸਮਾਂ ਸੁਨਹਿਰੀ ਪਰਦੇ ਤੋਂ ਦੂਰ ਰਹਿਣ ਦੀ ਇੱਕ ਵਜ੍ਹਾ ਇਹ ਵੀ ਸੀ ਕਿ ‘ਕਾਕਟੇਲ' ਤੋਂ ਬਾਅਦ ਉਸ ਨੂੰ ਇੱਕੋ ਤਰ੍ਹਾਂ ਦੇ ਰੋਲ ਆਫਰ ਹੋਣ ਲੱਗੇ ਸਨ। ਉਹ ਖੁਦ ਨੂੰ ਇਹ ਸਿੱਧ ਕਰਨਾ ਚਾਹੁੰਦੀ ਸੀ ਕਿ ਉਹ ਕੁਝ ਵੱਖਰਾ ਕਰਨਾ ਚਾਹੁੰਦੀ ਹੈ। ਆਖਰ ਉਸ ਨੇ ਕਾਫੀ ਹੱਦ ਤੱਕ ਖੁਦ ਨੂੰ ਸਿੱਧ ਕਰ ਲਿਆ ਹੈ ਤਾਂ ਉਹ ਕੁਝ ਵੱਖਰਾ ਹੀ ਕਰਨਾ ਚਾਹੁੰਦੀ ਹੈ। ਉਸ ਨੇ ਕਿਹਾ, ‘‘ਮੈਂ ਫੁੱਲ ਐਕਸ਼ਨ ਕਰਨਾ ਚਾਹੁੰਦੀ ਹਾਂ। ਫਿਲਮ ‘ਪਰਮਾਣੂ' ਨੇ ਮੇਰੇ ਲਈ ਇਹ ਰਾਹ ਖੋਲ੍ਹ ਦਿੱਤਾ ਹੈ, ਜਿਸ ਤੋਂ ਬਾਅਦ ਮੈਨੂੰ ਅਹਿਸਾਸ ਹੋ ਗਿਆ ਹੈ ਕਿ ਇਹ ਕਿੰਨਾ ਐਕਸਾਈਟਿੰਗ ਹੈ। ਮੈਂ ਕੋਈ ਵੱਡੀ ਐਕਸ਼ਨ ਫਿਲਮ ਕਰਨਾ ਚਾਹੁੰਦੀ ਹਾਂ।”

Have something to say? Post your comment