Welcome to Canadian Punjabi Post
Follow us on

18

January 2021
ਕੈਨੇਡਾ

14 ਮਹੀਨਿਆਂ ਮਗਰੋਂ ਕੈਨੇਡਾ-ਅਮਰੀਕਾ ਤੇ ਮੈਕਸਿਕੋ ਵਿਚਾਲੇ ਤਿੱਪਖੀ ਡੀਲ ਸਿਰੇ ਚੜ੍ਹੀ

October 01, 2018 07:19 PM

ਓਟਵਾ, 1 ਅਕਤੂਬਰ (ਪੋਸਟ ਬਿਊਰੋ) : ਕੈਨੇਡਾ-ਅਮਰੀਕਾ ਤੇ ਮੈਕਸਿਕੋ ਵਿਚਾਲੇ ਤਿੱਪਖੀ ਡੀਲ ਆਖਿਰਕਾਰ 14 ਮਹੀਨਿਆਂ ਦੇ ਬਾਅਦ ਸਿਰੇ ਚੜ੍ਹ ਗਈ ਹੈ। ਇਸ ਦੇ ਪਹਿਲਾਂ ਵਾਲੇ ਹੀ ਤਿੰਨ ਭਾਈਵਾਲ ਕੈਨੇਡਾ, ਅਮਰੀਕਾ ਤੇ ਮੈਕਸਿਕੋ ਬਰਕਰਾਰ ਹਨ।
ਵਿਦੇਸ਼ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਤੇ ਯੂਐਸ ਦੇ ਟਰੇਡ ਰਿਪਰਜ਼ੈਂਟੇਟਿਵਜ਼ ਰੌਬਰਟ ਲਾਈਥਜ਼ਰ ਨੇ ਐਤਵਾਰ ਰਾਤ ਨੂੰ ਜਾਰੀ ਕੀਤੇ ਗਏ ਸਾਂਝੇ ਬਿਆਨ ਵਿੱਚ ਇਸ ਨਵੇਂ ਕਰਾਰ ਨੂੰ ਯੂਨਾਈਟਿਡ ਸਟੇਟਸ-ਮੈਕਸਿਕੋ-ਕੈਨੇਡਾ ਅਗਰੀਮੈਂਟ ਦਾ ਨਾਂ ਦਿੱਤਾ ਗਿਆ ਹੈ ਜਾਂ ਇਸ ਨੂੰ ਸਾਰੇ ਉਸਮਕਾ ਵਜੋਂ ਜਾਨਣਗੇ। ਬਿਆਨ ਵਿੱਚ ਆਖਿਆ ਗਿਆ ਕਿ ਉਸਮਕਾ ਸਾਡੇ ਕਾਮਿਆਂ, ਕਿਸਾਨਾਂ, ਰੈਂਚਰਜ਼ ਤੇ ਕਾਰੋਬਾਰੀਆਂ ਨੂੰ ਬਿਹਤਰ ਟਰੇਡ ਅਗਰੀਮੈਂਟ ਦਿਵਾਏਗਾ ਤੇ ਨਤੀਜਤਨ ਮੁਕਤ ਮੰਡੀਆਂ, ਸਹੀ ਟਰੇਡ ਤੇ ਸਾਡੇ ਇਲਾਕੇ ਵਿੱਚ ਆਰਥਿਕ ਵਿਕਾਸ ਵੀ ਖੁੱਲ੍ਹ ਕੇ ਹੋ ਸਕੇਗਾ। ਇਸ ਨਾਲ ਮੱਧਮ ਵਰਗ ਮਜ਼ਬੂਤ ਹੋਵੇਗਾ, ਉਨ੍ਹਾਂ ਨੂੰ ਚੰਗੀਆਂ ਤੇ ਚੰਗੀ ਆਮਦਨ ਵਾਲੀਆਂ ਨੌਕਰੀਆਂ ਤੇ ਨਵੇਂ ਮੌਕੇ ਮਿਲ ਸਕਣਗੇ। ਇਹ ਸਾਰਾ ਕੁੱਝ ਉਨ੍ਹਾਂ ਅੱਧਾ ਬਿਲੀਅਨ ਲੋਕਾਂ ਨੂੰ ਮਿਲਣਗੇ ਜਿਹੜੇ ਨੌਰਥ ਅਮੈਰਿਕਾ ਵਿੱਚ ਰਹਿੰਦੇ ਹਨ।
ਇੱਕ ਉੱਚ ਪੱਧਰੀ ਅਮਰੀਕੀ ਸਰੋਤ ਅਨੁਸਾਰ ਇਹ ਡੀਲ ਐਤਵਾਰ ਰਾਤੀਂ 9:30 ਵਜੇ ਫਾਈਨਲ ਹੋਈ ਪਰ ਅਜੇ ਵੀ ਇਸ ਨੂੰ ਆਖਰੀ ਰੰਗ ਰੂਪ ਦੇਣਾ ਬਾਕੀ ਹੈ। ਅਜੇ ਇਸ ਵਿੱਚ ਜੇਤੂ ਤੇ ਹਾਰਨ ਵਾਲੀ ਟੀਮ ਨਿਰਧਾਰਤ ਹੋਣੀ ਵੀ ਬਾਕੀ ਹੈ। ਪਰ ਐਤਵਾਰ ਰਾਤ ਨੂੰ ਤਿੰਨਾਂ ਦੇਸ਼ਾਂ ਵੱਲੋਂ ਇਸ ਡੀਲ ਨੂੰ ਖੁਦ ਲਈ ਵਧੀਆ ਦੱਸਿਆ ਗਿਆ। ਇਸ ਡੀਲ ਦੀ ਜਾਣਕਾਰੀ ਰੱਖਣ ਵਾਲੇ ਇੱਕ ਸੀਨੀਅਰ ਕੈਨੇਡੀਅਨ ਅਧਿਕਾਰੀ ਨੇ ਦੱਸਿਆ ਕਿ ਚੈਪਟਰ 19, ਜਿਸ ਤਹਿਤ ਵਿਵਾਦ ਨੂੰ ਸੁਲਝਾਉਣ ਦੇ ਮੈਕੇਨਿਜ਼ਮ, ਨੂੰ ਛੇੜਿਆ ਨਹੀਂ ਗਿਆ, ਕੈਨੇਡਾ ਨੂੰ ਕਲਚਰਲ ਛੋਟ ਵੀ ਦਿੱਤੀ ਜਾਵੇਗੀ, ਇਸ ਤੋਂ ਇਲਾਵਾ ਕੈਨੇਡਾ ਦੇ ਸਪਲਾਈ ਮੈਨੇਜਡ ਡੇਅਰੀ ਸੈਕਟਰ ਵਿੱਚ ਵੀ ਛੋਟ ਦਿੱਤੀ ਜਾਵੇਗੀ।
ਹਾਲਾਂਕਿ ਸੀਨੀਅਰ ਅਮਰੀਕੀ ਪ੍ਰਸ਼ਾਸਕੀ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਕੈਨੇਡਾ ਵੱਲੋਂ ਡੇਅਰੀ ਵਿੱਚ ਦਿੱਤੀ ਜਾਣ ਵਾਲੀ ਛੋਟ ਅਮਰੀਕੀ ਕਿਸਾਨਾਂ ਲਈ ਵੱਡੀ ਜਿੱਤ ਹੈ। ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਵੱਲੋਂ ਆਟੋ ਟੈਰਿਫ ਲਾਏ ਜਾਣ ਦੀ ਧਮਕੀ ਦਿੱਤੇ ਜਾਣ ਦੇ ਮਾਮਲੇ ਵਿੱਚ ਪੁੱਛੇ ਸਵਾਲ ਦੇ ਜਵਾਬ ਵਿੱਚ ਇੱਕ ਕੈਨੇਡੀਅਨ ਸੂਤਰ ਨੇ ਆਖਿਆ ਕਿ ਆਟੋਜ਼ ਦੇ ਮਾਮਲੇ ਵਿੱਚ ਛੋਟ ਦਿੱਤੀ ਜਾਵੇਗੀ ਪਰ ਇਹ ਸਪਸ਼ਟ ਨਹੀਂ ਕੀਤਾ ਗਿਆ ਕਿ ਸਟੀਲ ਤੇ ਐਲੂਮੀਨੀਅਮ ਉੱਤੇ ਮੌਜੂਦਾ ਟੈਰਿਫਜ਼ ਦਾ ਕੀ ਬਣੇਗਾ।

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਖਾਲਸਾ ਏਡ ਨੂੰ ਨੋਬਲ ਪੀਸ ਪ੍ਰਾਈਜ਼ ਦੇਣ ਦੀ ਟਿੰਮ ਉੱਪਲ ਨੇ ਕੀਤੀ ਸਿਫਾਰਿਸ਼
ਕੰਜ਼ਰਵੇਟਿਵ ਪਾਰਟੀ ਵਿੱਚ ਸੱਜੇ ਪੱਖੀ ਸੋਚ ਰੱਖਣ ਵਾਲਿਆਂ ਲਈ ਕੋਈ ਥਾਂ ਨਹੀਂ : ਓਟੂਲ
ਕੋਵਿਡ-19 ਟੀਕਾਕਰਣ ਦੇ ਦੂਜੇ ਗੇੜ ਵਿੱਚ ਹਰ ਹਫਤੇ ਡਲਿਵਰ ਕੀਤੀ ਜਾਵੇਗੀ 1 ਮਿਲੀਅਨ ਤੋਂ ਵੀ ਵੱਧ ਡੋਜ਼ : ਫੋਰਟਿਨ
ਐਡਮਿਰਲ ਮੈਕਡੌਨਲਡ ਨੇ ਕੈਨੇਡਾ ਦੇ ਨਵੇਂ ਚੀਫ ਆਫ ਦ ਡਿਫੈਂਸ ਸਟਾਫ ਵਜੋਂ ਚੁੱਕੀ ਸੰਹੁ
ਕੁੱਝ ਹੋਰ ਸਾਲਾਂ ਲਈ ਦੇਸ਼ ਤੇ ਲੋਕਾਂ ਦੀ ਸੇਵਾ ਕਰਨੀ ਚਾਹੁੰਦੇ ਹਨ ਟਰੂਡੋ
ਹੁਆਵੇ ਦੀ ਸੀਐਫਓ ਦੇ ਪਰਿਵਾਰ ਨੂੰ ਕੈਨੇਡਾ ਆਉਣ ਲਈ ਫੈਡਰਲ ਸਰਕਾਰ ਵੱਲੋਂ ਦਿੱਤੀ ਗਈ ਵਿਸ਼ੇਸ਼ ਛੋਟ
ਏਅਰ ਕੈਨੇਡਾ 1700 ਨੌਕਰੀਆਂ ਵਿੱਚ ਕਰੇਗਾ ਕਟੌਤੀ
ਟਰੂਡੋ ਨੇ ਕੈਬਨਿਟ ਵਿੱਚ ਕੀਤਾ ਫੇਰਬਦਲ
ਕੈਨੇਡਾ ਨੂੰ ਫਾਈਜ਼ਰ ਵੈਕਸੀਨ ਦੀਆਂ 20 ਮਿਲੀਅਨ ਹੋਰ ਡੋਜ਼ਾਂ ਹਾਸਲ ਹੋਣਗੀਆਂ
ਫੈਡਰਲ ਸਰਕਾਰ ਵੱਲੋਂ ਮੌਡਰਨਾ ਤੋਂ 16 ਮਿਲੀਅਨ ਹੋਰ ਡੋਜ਼ਾਂ ਨਾ ਖਰੀਦਣ ਦਾ ਫੈਸਲਾ