ਟੋਰਾਂਟੋ, 27 ਸਤੰਬਰ (ਪੋਸਟ ਬਿਊਰੋ) : ਐਨਬ੍ਰਿੱਜ ਗੈਸ ਡਿਸਟ੍ਰੀਬਿਊਸ਼ਨ ਲਿਮਟਿਡ ਦਾ ਕਹਿਣਾ ਹੈ ਕਿ ਓਨਟਾਰੀਓ ਰੈਜ਼ੀਡੈਂਸ਼ੀਅਲ ਕਸਟਮਰਜ਼ ਦਾ ਨੈਚੂਰਲ ਗੈਸ ਬਿੱਲ ਸਾਲ ਵਿੱਚ 29 ਡਾਲਰ ਤੱਕ ਘੱਟ ਹੋ ਜਾਵੇਗਾ।
ਇਸ ਗੈਸ ਕੰਪਨੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਅਗਲੇ ਮਹੀਨੇ ਤੋਂ ਨਵੇਂ ਰੇਟ ਸ਼ੁਰੂ ਕਰਨ ਲਈ ਓਨਟਾਰੀਓ ਐਨਰਜੀ ਬੋਰਡ ਤੋਂ ਮਨਜ਼ੂਰੀ ਮਿਲ ਗਈ ਹੈ। ਓਨਟਾਰੀਓ ਸਰਕਾਰ ਵੱਲੋਂ ਕੈਪ ਐਂਡ ਟਰੇਡ ਪ੍ਰੋਗਰਾਮ ਨੂੰ ਰੱਦ ਕਰਨ ਨਾਲ ਦਰਾਂ ਵਿੱਚ 80 ਡਾਲਰ ਤੱਕ ਕਮੀ ਆਵੇਗੀ।
ਕੰਪਨੀ ਦਾ ਕਹਿਣਾ ਹੈ ਕਿ ਰੈਜ਼ੀਡੈਂਸ਼ੀਅਲ ਕਸਟਮਰਜ਼ ਦਾ ਸਾਲਾਨਾ ਬਿੱਲ ਲੱਗਭਗ 873 ਡਾਲਰ ਹੋਵੇਗਾ। ਐਨਬ੍ਰਿੱਜ ਓਨਟਾਰੀਓ ਵਿੱਚ ਦੋ ਮਿਲੀਅਨ ਗਾਹਕਾਂ ਨੂੰ ਨੈਚੂਰਲ ਗੈਸ ਸਪਲਾਈ ਕਰਦੀ ਹੈ।