ਰਾਧਿਕਾ ਆਪਟੇ ਨੇ ਫਿਲਮਾਂ ਹੀ ਨਹੀਂ, ਇਨ੍ਹੀਂ ਦਿਨੀਂ ਇੱਕ ਤੋਂ ਬਾਅਦ ਇੱਕ ਵੈੱਬ ਸੀਰੀਜ਼ ਵਿੱਚ ਵੀ ਦਮਦਾਰ ਅਭਿਨੈ ਦਾ ਲੋਹਾ ਮੰਨਵਾਇਆ ਹੈ। ਫਿਲਮਾਂ ਤੋਂ ਬਾਅਦ ਡਿਜੀਟਲ ਦੁਨੀਆ 'ਚ ਸਭ ਤੋਂ ਅੱਗੇ ਨਜ਼ਰ ਆਉਂਦੀ ਹੈ ਕਿਉਂਕਿ ਅੱਜ ਤੱਕ ਦੀਆਂ ਉਸ ਦੀਆਂ ਰਿਲੀਜ਼ ਸਾਰੀਆਂ ਵੈਬ ਸੀਰੀਜ਼ ਕਾਫੀ ਹਰਮਨ ਪਿਆਰੀਆਂ ਹੋਈਆਂ ਹਨ, ਪਰ ਜ਼ਿਆਦਾ ਕਮਰਸ਼ੀਅਲ ਫਿਲਮਾਂ ਵਿੱਚ ਨਜ਼ਰ ਨਾ ਆਉਣ ਬਾਰੇ ਰਾਧਿਕਾ ਗੱਲ ਹੀ ਨਹੀਂ ਕਰਨਾ ਚਾਹੁੰਦੀ। ਅਕਸਰ ਉਹ ਇਸ ਸਵਾਲ ਨੂੰ ਨਜ਼ਰ ਅੰਦਾਜ਼ ਕਰ ਜਾਂਦੀ ਹੈ। ਪਿੱਛੇ ਜਿਹੇ ਹਾਰਰ ਵੈਬ ਸੀਰੀਜ਼ ‘ਘੁਲ’ ਵਿੱਚ ਨਜ਼ਰ ਆਈ ਰਾਧਿਕਾ ਨਾਲ ਹੋਈ ਇੱਕ ਇੰਟਰਵਿਊ ਵਿੱਚ ਉਹ ਅਜਿਹੇ ਇੱਕ ਸਵਾਲ 'ਤੇ ਨਾਰਾਜ਼ ਹੀ ਹੋ ਗਈ।
ਪਹਿਲਾਂ ਉਸ ਨੇ ਖੁਸ਼ੀ ਖੁਸ਼ੀ ਸਵਾਲਾਂ ਦਾ ਜਵਾਬ ਦਿੱਤਾ। ਵੈਬ ਸੀਰੀਜ਼ 'ਚ ਮਿਲ ਰਹੀ ਸਫਲਤਾ ਅਤੇ ਫੈਨਜ਼ ਤੋਂ ਮਿਲ ਰਹੇ ਢੇਰ ਸਾਰੇ ਪਿਆਰ ਬਾਰੇ ਜਦੋਂ ਸਵਾਲ ਕੀਤਾ ਗਿਆ ਤਾਂ ਉਸ ਨੇ ਝਿਝਕਦੇ ਹੋਏ ਸਾਰਿਆਂ ਦਾ ਧੰਨਵਾਦ ਕੀਤਾ, ਸਗੋਂ ਹੋਰ ਚੰਗਾ ਕੰਮ ਕਰਨ ਦੀ ਕੋਸ਼ਿਸ਼ ਕਰਨ ਲਈ ਭਰੋਸਾ ਵੀ ਦਿੱਤਾ। ਜਦੋਂ ਇੱਕ ਸਵਾਲ ਉਸ ਤੋਂ ਬਿਹਤਰੀਨ ਕੰਮ ਦੇ ਬਾਵਜੂਦ ਕਮਰਸ਼ੀਅਲ ਫਿਲਮਾਂ 'ਚ ਜ਼ਿਆਦਾ ਨਜ਼ਰ ਨਾ ਆਉਣ ਬਾਰੇ ਕੀਤਾ ਗਿਆ ਤਾਂ ਸਵਾਲ ਸੁਣਦੇ ਹੀ ਜਿਵੇਂ ਉਸ ਦਾ ਮੂਡ ਖਰਾਬ ਹੋ ਗਿਆ। ਸਾਫ ਸੀ ਕਿ ਰਾਧਿਕਾ ਇਸ ਸਵਾਲ ਦਾ ਜਵਾਬ ਨਹੀਂ ਦੇਣਾ ਚਾਹੁੰਦੀ। ਡਿਜੀਟਲ ਪਲੇਟਫਾਰਮ 'ਚ ਉਸ ਦੇ ਕੰਮ ਨੂੰ ਕਾਫੀ ਸਫਲਤਾ ਮਿਲੀ ਹੈ, ਪਰ ਅਕਸਰ ਵੱਡੇ ਪਰਦੇ 'ਤੇ ਰਿਲੀਜ਼ ਹੋ ਰਹੀਆਂ ਵੱਡੇ ਬਜਟ ਦੀਆਂ ਫਿਲਮਾਂ ਵਿੱਚ ਰਾਧਿਕਾ ਨੂੰ ਨਹੀਂ ਲਿਆ ਜਾਂਦਾ।