Welcome to Canadian Punjabi Post
Follow us on

19

March 2019
ਭਾਰਤ

ਜੈਸਲਮੇਰ ਤੋਂ ਫੜੇ ਗਏ ਨਵਾਬ ਨੇ ਆਈ ਐਸ ਆਈ ਤੋਂ ਟ੍ਰੇਨਿੰਗ ਲਈ ਸੀ

March 14, 2019 09:12 AM

ਜੈਪੁਰ, 13 ਮਾਰਚ (ਪੋਸਟ ਬਿਊਰੋ)- ਪਾਕਿਸਤਾਨੀ ਸਰਹੱਦ ਨਾਲ ਲੱਗਦੇ ਰਾਜਸਥਾਨ ਦੇ ਜਿ਼ਲਾ ਜੈਸਲਮੇਰ ਤੋਂ ਫੜੇ ਗਏ ਪਾਕਿਸਤਾਨੀ ਜਾਸੂਸ ਨਵਾਬ ਖਾਨ ਨੇ ਇੰਟੈਲੀਜੈਂਸ ਏਜੰਸੀਆਂ ਦੀ ਪੁੱਛਗਿੱਛ ਵਿੱਚ ਕਈ ਅਹਿਮ ਰਾਜ਼ ਖੋਲ੍ਹੇ ਹਨ। ਉਸ ਨੇ ਕਿਹਾ ਕਿ ਇੰਟਰ ਸਰਵਿਸਿਜ਼ ਇੰਟੈਲੀਜੈਂਸ (ਆਈ ਐਸ ਆਈ) ਨੂੰ ਉਹ ਲਗਾਤਾਰ ਪੱਛਮੀ ਸਰਹੱਦ ਬਾਰੇ ਜਾਣਕਾਰੀ ਦਿੰਦਾ ਸੀ ਅਤੇ ਹਰ ਜਾਣਕਾਰੀ ਬਦਲੇ ਉਸ ਨੂੰ ਪੰਜ ਹਜ਼ਾਰ ਰੁਪਏ ਮਿਲਦੇ ਸਨ।
ਜੈਸਲਮੇਰ ਜ਼ਿਲੇ ਦੇ ਸਮ ਖੇਤਰ ਵਿੱਚ ਗੰਗਾ ਬਸਤੀ ਦਾ ਵਸਨੀਕ ਨਵਾਬ ਖਾਨ ਪੁੱਤਰ ਮਠਾਰ ਖਾਨ ਪਿਛਲੇ ਸਾਲ ਪਾਕਿਸਤਾਨ ਗਿਆ ਤੇ ਉਥੇ ਆਈ ਐਸ ਆਈ ਦੇ ਕੈਂਪ ਵਿੱਚ ਇਕ ਮਹੀਨਾ ਸਿਖਲਾਈ ਲੈ ਕੇ ਆਇਆ ਸੀ। ਨਵਾਬ ਖਾਨ ਦਾ ਪਾਕਿਸਤਾਨ ਵਿੱਚ ਰਹਿੰਦਾ ਰਿਸ਼ਤੇਦਾਰ ਸੁਮਾਰ ਖਾਨ ਵੀ ਓਸੇ ਵਾਂਗ ਆਈ ਐਸ ਆਈ ਦਾ ਏਜੰਟ ਹੈ। ਸੁਮਾਰ ਖਾਨ ਦੇ ਰਾਹੀਂ ਨਵਾਬ ਖਾਨ ਆਈ ਐਸ ਆਈ ਨਾਲ ਜੁੜਿਆ ਅਤੇ ਭਾਰਤੀ ਫੌਜ ਦੇ ਬਾਰੇ ਖੁਫੀਆ ਜਾਣਕਾਰੀ ਦੇਣ ਲੱਗਾ। ਸਮ ਖੇਤਰ ਦੇ ਰੇਤੀਲੇ ਇਲਾਕੇ ਵਿੱਚ ਸੈਲਾਨੀਆਂ ਨੂੰ ਜੀਪ ਦੀ ਸਫਾਰੀ ਕਰਾਉਣ ਬਹਾਨੇ ਨਵਾਬ ਖਾਨ ਫੌਜੀ ਇਲਾਕਿਆਂ ਬਾਰੇ ਜਾਣਕਾਰੀ ਇਕੱਠੀ ਕਰਨ ਦੀ ਕੋਸ਼ਿਸ਼ ਕਰਦਾ ਸੀ। ਇੰਟੈਲੀਜੈਂਸ ਏਜੰਸੀਆਂ ਦੀ ਉਸ 'ਤੇ ਤਿੰਨ ਮਹੀਨੇ ਤੋਂ ਨਜ਼ਰ ਸੀ ਅਤੇ ਉਸ ਨੂੰ ਪਿਛਲੇ ਐਤਵਾਰ ਗ੍ਰਿਫਤਾਰ ਕਰ ਲਿਆ ਗਿਆ ਅਤੇ ਪੁੱਛਗਿੱਛ ਕੀਤੀ ਗਈ ਤਾਂ ਕਈ ਰਾਜ਼ ਉਗਲ ਦਿੱਤੇ।

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਸਮਝੌਤਾ ਐਕਸਪ੍ਰੈੱਸ ਬਲਾਸਟ ਕੇਸ ਦੀ ਸੁਣਵਾਈ 20 ਮਾਰਚ ਤੱਕ ਫਿਰ ਟਲੀ
ਪ੍ਰਿਅੰਕਾ ਗਾਂਧੀ ਨੇ ਚੋਟ ਕੀਤੀ: ਚੌਕੀਦਾਰ ਕਿਸਾਨਾਂ ਦੇ ਨਹੀਂ, ਅਮੀਰਾਂ ਦੇ ਹੀ ਹੁੰਦੇ ਨੇ
ਬੋਇੰਗ ਨੇ ਕਿਹਾ: 737-ਮੈਕਸ ਜਹਾਜ਼ ਦਾ ਸਾਰਾ ਸਿਸਟਮ 10 ਦਿਨ ਵਿੱਚ ਅਪਗ੍ਰੇਡ ਹੋਵੇਗਾ
ਨਦੀਆਂ ਵਿੱਚ ਪ੍ਰਦੂਸ਼ਣ ਕਾਰਨ ਯੂ ਪੀ ਸਰਕਾਰ ਉੱਤੇ ਪੰਜ ਕਰੋੜ ਰੁਪਏ ਜੁਰਮਾਨਾ
ਮਾਇਆਵਤੀ ਨੇ ਕਿਹਾ: ਕਾਂਗਰਸ ਪਾਰਟੀ 7 ਸੀਟਾਂ ਛੱਡ ਕੇ ਭਰਮ ਨਾ ਫੈਲਾਵੇ
ਪਾਕਿਸਤਾਨ ਨੇ ਯੂ ਐਨ ਨੂੰ ਹਾਫਿਜ਼ ਦੇ ਹੱਕ ਵਿੱਚ ਚਿੱਠੀ ਵੀ ਲਿਖ ਮਾਰੀ
ਸੁਪਰੀਮ ਕੋਰਟ ਦੇ ਸਾਬਕਾ ਜੱਜ ਪੀ ਸੀ ਘੋਸ਼ ਭਾਰਤ ਦੇ ਪਹਿਲੇ ਲੋਕਪਾਲ ਹੋਣਗੇ
ਸਾਰਾ ਦਿਨ ਪੈਦਲ ਚੱਲ ਕੇ ਇਕਲੌਤੇ ਵੋਟਰ ਤੱਕ ਪਹੁੰਚੇਗਾ ਵੋਟ ਸਟਾਫ
ਅਬੋਹਰ ਦਾ ਹਥਿਆਰ ਸਪਲਾਇਰ ਦਿੱਲੀ ਵਿੱਚ ਕਾਬੂ, 16 ਸਾਲਾਂ ਤੋਂ ਕਰ ਰਿਹਾ ਸੀ ਧੰਦਾ
ਮੇਨਕਾ ਗਾਂਧੀ ਨੂੰ ਰੋਕਣ ਲਈ ਰਾਮਬਿਲਾਸ ਸ਼ਰਮਾ ਨੇ ਬ੍ਰਹਮਾਸਤਰ ਚੱਲ ਦਿੱਤਾ