ਪ੍ਰਿਅੰਕਾ ਚੋਪੜਾ ਇਨ੍ਹੀਂ ਦਿਨੀਂ ਸੁਰਖੀਆਂ ਵਿੱਚ ਹੈ ਜਾਂ ਕਿਹਾ ਜਾਏ ਕਿ ਮੰਗੇਤਰ ਨਿਕ ਜੋਨਸ ਨਾਲ ਤਫਰੀਹ ਕਰ ਰਹੀ ਹੈ। ਜਿੱਥੋਂ ਤੱਕ ਫਿਲਮ ਦੀ ਗੱਲ ਹੈ ਤਾਂ ਹਰ ਕੋਈ ਜਾਣਦਾ ਹੈ ਕਿ ਉਸ ਨੇ ਸਲਮਾਨ ਖਾਨ ਦੀ ਫਿਲਮ ‘ਭਾਰਤ’ ਤੋਂ ਕਿਵੇਂ ਖੁਦ ਨੂੰ ਵੱਖ ਕਰ ਲਿਆ। ਤਾਜ਼ਾ ਖਬਰ ਇਹ ਹੈ ਕਿ 26 ਅਕਤੂਬਰ ਨੂੰ ਪ੍ਰਿਅੰਕਾ ਦੀ ਇੱਕ ਫਿਲਮ ਰਿਲੀਜ਼ ਹੋ ਰਹੀ ਹੈ, ਪਰ ਇਹ ਉਸ ਦੀ ਨਹੀਂ, ਉਸ ਦੇ ਪ੍ਰੋਡਕਸ਼ਨ ਹਾਊਸ ਦੀ ਫਿਲਮ ਹੈ। ਪ੍ਰਿਅੰਕਾ ਚੋਪੜਾ ਦੀ ਫਿਲਮ ਪ੍ਰੋਡਕਸ਼ਨ ਕੰਪਨੀ ਖੇਤਰੀ ਭਾਸ਼ਾਵਾਂ ਵਿੱਚ ਫਿਲਮਾਂ ਬਣਾ ਰਹੀ ਹੈ ਤੇ ਇਸੇ ਲੜੀ ਵਿੱਚ ਉਸ ਦੀ ਕੰਪਨੀ ਦੀ ਅਸਮੀ ਭਾਸ਼ਾ ਵਿੱਚ ਬਣੀ ਫਿਲਮ ‘ਭੋਗਾ ਖਿੱਚੜੀ’ 26 ਅਕਤੂਬਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ।
ਮੰਨੇ ਪ੍ਰਮੰਨੇ ਡਾਇਰੈਕਟਰ ਜਾਨ ਬਰੂਆ ਨੇ ਇਸ ਦਾ ਨਿਰਦੇਸ਼ਨ ਕੀਤਾ ਤੇ ਮੁੱਖ ਭੂਮਿਕਾ ਵਿੱਚ ਸੀਮਾ ਬਿਸਵਾਸ, ਜ਼ਰੀਨਾ ਵਹਾਬ, ਜੁਆਏ ਕਸ਼ਯਪ, ਸੰਜੇ ਖਗਾਰੀਆ ਤੇ ਕਸਵੀ ਸ਼ਰਮਾ ਹਨ। ਪਿਅ੍ਰਅੰਕਾ ਚੋਪੜਾ ਦੀ ਮਾਂ ਡਾਕਟਰ ਮਧੂ ਚੋਪੜਾ ਇਹ ਕੰਪਨੀ ਚਲਾਉਂਦੀ ਹੈ। ਇਸ ਦੀ ਮਰਾਠੀ ਫਿਲਮ ‘ਵੈਂਟੀਲੇਟਰ' ਨੂੰ ਨੈਸ਼ਨਲ ਐਵਾਰਡ ਵੀ ਮਿਲ ਚੁੱਕਾ ਹੈ।