ਵਿਸ਼ਾਲ ਭਾਰਦਵਾਜ ਦੀ ਆਉਣ ਵਾਲੀ ਫਿਲਮ ‘ਪਟਾਕਾ’ ਛੇਤੀ ਰਿਲੀਜ਼ ਹੋਣ ਵਾਲੀ ਹੈ। ਖਬਰ ਹੈ ਕਿ ਫਿਲਮ ਦੀ ਲਾਗਤ ਰਿਲੀਜ਼ ਤੋਂ ਪਹਿਲਾਂ ਹੀ ਨਿਕਲ ਚੁੱਕੀ ਹੈ। ਵਿਸ਼ਾਲ ਨੇ ਖੁਦ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਫਿਲਮ ਕਾਫੀ ਕਿਫਾਇਤੀ ਬਜਟ ਵਿੱਚ ਬਣੀ ਹੈ। ਇਹੀ ਕਾਰਨ ਹੈ ਕਿ ਮਹਿਜ਼ ਸੈਟੇਲਾਈਟ ਅਤੇ ਡਿਜੀਟਲ ਸੇਲ ਤੋਂ ਹੀ ਫਿਲਮ ਦੀ ਲਾਗਤ ਨਿਕਲ ਗਈ ਹੈ। ਡਿਜੀਟਲ ਡੀਲ ਚਾਰ ਕਰੋੜ ਵਿੱਚ ਹੋਈ ਹੈ।
ਸੈਟੇਲਾਈਟ ਵਾਲਿਆਂ ਨੇ ਇਸ ਦੇ ਲਈ ਤਿੰਨ ਕਰੋੜ ਦਿੱਤੇ ਹਨ। ਇਸ ਤਰ੍ਹਾਂ ਥੀਏਟਰ 'ਤੇ ਆਉਣ ਤੋਂ ਪਹਿਲਾਂ ਹੀ ਇਹ ਸੱਤ ਕਰੋੜ ਕਮਾ ਚੁੱਕੀ ਹੈ। ਦੱਸਣਾ ਬਣਦਾ ਹੈ ਕਿ ਡਿਜੀਟਲ ਪਲੇਟਫਾਰਮ ਵੱਡੇ ਬ੍ਰਾਂਡ ਵੈਲਿਊ ਵਾਲੇ ਮੇਕਰਸ ਦੀ ਫਿਲਮ ਮੋਟੀ ਕੀਮਤ 'ਤੇ ਖਰੀਦ ਲੈਂਦੇ ਹਨ। ਅਮਰੀਕੀ ਓ ਟੀ ਟੀ ਪਲੇਟਫਾਰਮ ਨੇ ਵੀ ਇਸ ਨੂੰ ਚਾਰ ਕਰੋੜ ਰੁਪਏ ਵਿੱਚ ਖਰੀਦ ਲਿਆ ਹੈ।