ਅਭਿਸ਼ੇਕ ਬੱਚਨ ਅਤੇ ਤਾਪਸੀ ਪੰਨੂ ਦੀ ਫਿਲਮ ‘ਮਨਮਰਜ਼ੀਆ’ ਹਾਲ ਹੀ ਵਿੱਚ ਰਿਲੀਜ਼ ਹੋਈ ਹੈ। ਦੋਵਾਂ ਨੂੰ ਆਪਣੀ ਪ੍ਰਫਾਰਮੈਂਸ ਦੇ ਲਈ ਚੰਗਾ ਫੀਡਬੈਕ ਵੀ ਮਿਲਿਆ ਹੈ। ਕਈ ਮੇਕਰਸ ਉਨ੍ਹਾਂ ਤੋਂ ਇੰਪ੍ਰੈਸ ਹੋਏ ਹਨ।
ਖਬਰ ਹੈ ਕਿ ਦੋਵੇਂ ਫਿਰ ਇਕੱਠੇ ਕਿਸੇ ਫਿਲਮ ਵਿੱਚ ਦਿਖਾਈ ਦੇ ਸਕਦੇ ਹਨ। ਇੱਕ ਡਾਇਰੈਕਟਰ ਨੇ ਉਨ੍ਹਾਂ ਨੂੰ ਫਿਲਮ ਦੇ ਲਈ ਅਪਰੋਚ ਵੀ ਕੀਤਾ ਹੈ। ਦੋਵੇਂ ਡਾਇਰੈਕਟਰ ਨੂੰ ਮਿਲ ਵੀ ਚੁੱਕੇ ਹਨ ਅਤੇ ਸਕ੍ਰਿਪਟ ਵੀ ਸੁਣ ਚੁੱਕੇ ਹਨ, ਪਰ ਅਜੇ ਫਿਲਮ ਦੀ ਹਾਮੀ ਨਹੀਂ ਭਰੀ। ਦੋਵਾਂ ਨੂੰ ਕਹਾਣੀ ਪਸੰਦ ਆਈ ਹੈ ਅਤੇ ਜਲਦ ਹੀ ਫਿਲਮ ਫਲੋਰ 'ਤੇ ਜਾਏਗੀ। ਮੇਕਰਸ ਇਸ ਦੀ ਜਲਦੀ ਅਨਾਊਂਸਮੈਂਟ ਕਰਨਗੇ। ਇਸ ਦੇ ਇਲਾਵਾ ਅਭਿਸ਼ੇਕ ਪਤਨੀ ਐਸ਼ਵਰਿਆ ਦੇ ਨਾਲ ਅਨੁਰਾਗ ਕਸ਼ਯਪ ਦੀ ਫਿਲਮ ‘ਗੁਲਾਬ ਜਾਮੁਨ’ ਕਰ ਰਹੇ ਹਨ। ਉਥੇ ਤਾਪਸੀ ਵੀ ਅਮਿਤਾਭ ਬੱਚਨ ਨਾਲ ਸੁਜਾਏ ਘੋਸ਼ ਦੀ ਫਿਲਮ ‘ਬਦਲਾ’ ਵਿੱਚ ਨਜ਼ਰ ਆਉਣ ਵਾਲੀ ਹੈ।