Welcome to Canadian Punjabi Post
Follow us on

23

February 2020
ਬ੍ਰੈਕਿੰਗ ਖ਼ਬਰਾਂ :
ਅੰਤਰਰਾਸ਼ਟਰੀ

ਘਰ ਉੱਤੇ ਜਹਾਜ਼ ਡਿੱਗਣ ਕਾਰਨ ਪੰਜ ਮੌਤਾਂ

February 06, 2019 08:48 AM

ਯੋਰਬਾ ਲਿੰਡਾ, 5 ਫਰਵਰੀ (ਪੋਸਟ ਬਿਊਰੋ)- ਇਕ ਜਹਾਜ਼ ਦੇ ਇਕ ਘਰ ਨਾਲ ਵੱਜਣ ਕਾਰਨ ਪੰਜ ਜਣਿਆਂ ਦੀ ਮੌਤ ਹੋ ਗਈ ਹੈ, ਜਦ ਕਿ ਦੋ ਹੋਰ ਜਣੇ ਜ਼ਖਮੀ ਹੋ ਗਏ ਹਨ।
ਆਰੇਂਜ ਕਾਊਂਟੀ ਸ਼ੈਰਿਫ ਦੇ ਲੈਫਟੀਨੈਂਟ ਕੋਰੀ ਮਾਰਟਿਨੋ ਨੇ ਦੱਸਿਆ ਕਿ ਦੋ ਇੰਜਣਾਂ ਵਾਲੇ ਜਹਾਜ਼ ਦੇ ਪਾਇਲਟ ਅਤੇ ਯੋਰਬਾ ਲਿੰਡਾ ਵਿਚਲੇ ਘਰ ਵਿੱਚ ਮੌਜੂਦ ਚਾਰ ਜਣਿਆਂ ਦੀ ਇਸ ਘਟਨਾ ਵਿੱਚ ਮੌਤ ਹੋ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਮ੍ਰਿਤਕਾਂ ਵਿੱਚ ਦੋ ਮਰਦ ਅਤੇ ਦੋ ਔਰਤਾਂ ਹਨ, ਜਿਨ੍ਹਾਂ ਦੀ ਪਛਾਣ ਬਾਰੇ ਹੋਰ ਜਾਣਕਾਰੀ ਨਹੀਂ ਮਿਲ ਸਕੀ।
ਫੈਡਰਲ ਏਵੀਏਸ਼ਨ ਐਡਮਿਨਸਟ੍ਰੇਸ਼ਨ ਦੇ ਬੁਲਾਰੇ ਐਲਨ ਕੈਨੀਟਜ਼ਰ ਨੇ ਦੱਸਿਆ ਕਿ ਸੈਸਨਾ 414ਏ ਜਹਾਜ਼ ਨੇ ਫੁਲਰਟਨ ਮਿਉਂਸਿਪਲ ਏਅਰਪੋਰਟ ਤੋਂ ਉਡਾਣ ਭਰੀ ਸੀ। ਘਟਨਾ ਦੀ ਜਾਂਚ ਕਰ ਰਹੇ ਅਧਿਕਾਰੀ ਇਲੀਅਟ ਸਿੰਪਸਨ ਨੇ ਦੱਸਿਆ ਕਿ ਜਹਾਜ਼ ਦੇ ਮੁੱਖ ਕੈਬਿਨ ਤੇ ਇਕ ਇੰਜਣ ਦੀ ਟੱਕਰ ਵੱਜਣ ਕਾਰਨ ਦੋ ਮੰਜ਼ਿਲਾਂ ਘਰ ਵਿੱਚ ਅੱਗ ਲੱਗ ਗਈ ਸੀ, ਜਿਸ ਤੋਂ ਘਬਰਾ ਕੇ ਲੋਕ ਸੜਕਾਂ ਉਤੇ ਆ ਗਏ, ਜਦ ਕਿ ਦੂਜਾ ਇੰਜਣ ਗਲੀ ਵਿੱਚ ਡਿੱਗ ਗਿਆ। ਪੁਲਸ ਮੁਤਾਬਕ ਅੱਗ ਬੁਝਾਉਣ ਵਾਲੇ ਇਕ ਮੁਲਾਜ਼ਮ ਦੇ ਜ਼ਖਮੀ ਹੋਣ ਕਾਰਨ ਇਲਾਜ ਲਈ ਲਿਜਾਇਆ ਗਿਆ।
ਹਾਦਸਾ ਗ੍ਰਸਤ ਜਹਾਜ਼ ਦਾ ਮਲਬਾ ਇਕ ਹੋਰ ਘਰ ਦੇ ਪਿਛਲੇ ਪਾਸੇ ਮਿਲਿਆ ਹੈ। ਘਰ ਵਿੱਚ ਲੱਗੀ ਅੱਗ ਨੇ ਨੇੜੇ ਖੜੀ ਇਕ ਐਸ ਯੂ ਵੀ ਨੂੰ ਵੀ ਆਪਣੀ ਲਪੇਟ ਵਿੱਚ ਲੈ ਲਿਆ। ਅਧਿਕਾਰੀ ਨੇ ਦੱਸਿਆ ਕਿ ਜਹਾਜ਼ ਦਾ ਮਲਬਾ ਚਾਰ ਬਲਾਕਾਂ ਵਿੱਚ ਫੈਲਿਆ ਹੈ। ਇਸ ਦੌਰਾਨ ਆਏ ਤੂਫਾਨ ਕਾਰਨ ਪਏ ਮੀਂਹ ਨੇ ਅੱਗ ਬੁਝਾਉਣ 'ਚ ਮਦਦ ਕੀਤੀ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਐਫ ਏ ਟੀ ਐਫ ਦਾ ਅਲਟੀਮੇਟਮ: ਜੂਨ ਤੱਕ ਪਾਕਿ ਨਾ ਸੁਧਰਿਆ ਤਾਂ ਬਲੈਕ ਲਿਸਟ ਹੋਵੇਗਾ
ਚੀਨ ਤੋਂ ਆਏ ਲੋਕਾਂ ਦੀਆਂ ਬੱਸਾਂ 'ਤੇ ਯੂਕਰੇਨ 'ਚ ਪੱਥਰਸੁੱਟੇ ਗਏ
ਅਦਾਲਤੀ ਹੁਕਮਾਂ ਨੂੰ ਅਣਡਿੱਠ ਕਰ ਤੇਜ਼ ਰਫ਼ਤਾਰ ਗੱਡੀ ਚਲਾਉਣ ਵਾਲੇ ਅੰਮ੍ਰਿਤਪਾਲ ਨੂੰ ਕੈਦ
ਲੰਡਨ ਦੀ ਮਸਜਿਦ ਵਿੱਚ ਚਾਕੂ ਨਾਲ ਹਮਲਾ, ਇਕ ਜ਼ਖਮੀ, ਦੋਸ਼ੀ ਗ੍ਰਿਫਤਾਰ
ਭਾਰਤ ਦਾ ਵਤੀਰਾ ਸਾਡੇ ਪ੍ਰਤੀ ਚੰਗਾ ਨਹੀਂ : ਟਰੰਪ
ਇਮਰਾਨ ਸਰਕਾਰ ਨੂੰ ਚੀਨ ਵਿੱਚ ਫਸੇ ਵਿਦਿਆਰਥੀਆਂ ਦੇ ਵਾਰਸਾਂ ਵੱਲੋਂ ਅਲਟੀਮੇਟਮ
ਮੁਸਲਮਾਨਾਂ ਬਾਰੇ ਜਰਮਨ ਸਮਾਜ ਦੋ ਧੜਿਆਂ ਵਿੱਚ ਵੰਡਿਆ ਗਿਆ
ਇੰਗਲੈਂਡ ਦੇ ਪ੍ਰਧਾਨ ਮੰਤਰੀ ਜੌਹਨਸਨ ਤੇ ਉਨ੍ਹਾਂ ਦੀ ਪਹਿਲੀ ਪਤਨੀ ਵਿਚਕਾਰ ਤਲਾਕ ਦੀ ਸਹਿਮਤੀ
ਵਾਹਗਾ ਸਰਹੱਦ ਹਮਲਾ ਕੇਸ ਪਾਕਿ ਅਦਾਲਤ ਵੱਲੋਂ ਤਿੰਨ ਅੱਤਵਾਦੀਆਂ ਨੂੰ ਮੌਤ ਦੀ ਸਜ਼ਾ
ਫਰਾਂਸ ਨੇ ਵੀ ਵਿਦੇਸ਼ੀ ਇਮਾਮਾਂ ਦੇ ਦਾਖਲੇ ਉੱਤੇ ਪਾਬੰਦੀ ਲਾਈ