Welcome to Canadian Punjabi Post
Follow us on

26

February 2020
ਅੰਤਰਰਾਸ਼ਟਰੀ

ਭਾਰਤੀ ਪੇਸ਼ੇਵਰ ਨੇ ਬ੍ਰਿਟਿਸ਼ ਰੈਜ਼ੀਡੈਂਸੀ ਦੀ ਕਾਨੂੰਨੀ ਜੰਗ ਜਿੱਤੀ

February 04, 2019 09:21 PM
ਨਿਸ਼ਾ ਮੋਹਿਤੇ

ਲੰਡਨ, 4 ਫਰਵਰੀ (ਪੋਸਟ ਬਿਊਰੋ)- ਵਿਵਾਦ ਵਾਲੀ ਕੌਮੀ ਸੁਰੱਖਿਆ ਮਦ ਨਾਲ ਬ੍ਰਿਟੇਨ ਠਹਿਰਨ (ਬ੍ਰਿਟਿਸ਼ ਰੈਜ਼ੀਡੈਂਸੀ ਰਾਈਟਸ) ਅਤੇ ਕੰਮ ਕਰਨ ਦੇ ਹੱਕਾਂ ਤੋਂ ਵਾਂਝੇ ਕਰਨ ਦੇ ਖਿਲਾਫ ਕਾਨੂੰਨੀ ਲੜਾਈ ਲੜ ਰਹੇ ਸੈਂਕੜੇ ਲੋਕਾਂ ਵਿੱਚ ਸ਼ਾਮਲ ਇਕ ਦਵਾਈਆਂ ਦੇ ਮਾਹਰ ਭਾਰਤੀ ਮੂਲ ਦੇ ਵਿਅਕਤੀ ਨੇ ਕੱਲ੍ਹ ਇਹ ਅੜਿੱਕਾ ਦੂਰ ਹੋਣ ਦਾ ਜਸ਼ਨ ਮਨਾਇਆ ਹੈ। ਉਸ ਨੂੰ ਇਸ ਗੱਲ ਦਾ ਗੁੱਸਾ ਹੈ ਕਿ ਬ੍ਰਿਟਿਸ਼ ਗ੍ਰਹਿ ਵਿਭਾਗ ਨੂੰ ਆਪਣੀ ਗਲਤੀ ਮੰਨਣ 'ਚ ਇੰਨਾ ਸਮਾਂ ਲੱਗਾ।
ਨਿਸ਼ਾ ਮੋਹਿਤੇ ਦੀ ਆਮਦਨ ਟੈਕਸ ਫਾਈਲਿੰਗ 'ਚ ਅਕਾਊਂਟੈਂਟ ਦੀ ਗਲਤੀ ਕਾਰਨ ਉਨ੍ਹਾਂ 'ਤੇ ਬ੍ਰਿਟੇਨ ਦੇ ਗ੍ਰਹਿ ਵਿਭਾਗ ਨੇ ਗਲਤ ਕਾਰਜਾਂ ਦਾ ਦੋਸ਼ ਲਾਇਆ ਸੀ। ਉਨ੍ਹਾਂ ਕਾਨੂੰਨ ਮੁਤਾਬਕ ਮਿਥੇ ਸਮੇਂ ਅੰਦਰ ਹੀ ਇਹ ਗਲਤੀ ਸਹੀ ਕਰ ਲਈ ਸੀ, ਪਰ ਭਾਰਤ ਦੇ ਕਈ ਹੁਨਰਮੰਦ ਪੇਸ਼ੇਵਰਾਂ ਨਾਲ ਉਨ੍ਹਾਂ 'ਤੇ ਵੀ ਅਨਿਸ਼ਚਿਤ ਸਮੇਂ ਤੱਕ ਰਹਿਣ ਬਾਰੇ ਅਰਜ਼ੀਆਂ 'ਚ ਜ਼ਰੂਰੀ ਆਮਦਨ ਸੀਮਾ ਰੇਖਾ ਨੂੰ ਪੂਰਾ ਕਰਨ ਲਈ ਬ੍ਰਿਟਿਸ਼ ਅਧਿਕਾਰੀਆਂ ਨੂੰ ਜਾਣਬੁੱਝ ਕੇ ਗੁੰਮਰਾਹ ਕਰਨ ਦਾ ਦੋਸ਼ ਲੱਗਾ ਸੀ। ਮੋਹਿਤੇ ਨੇ ਕਿਹਾ ਕਿ ਇਨ੍ਹਾਂ ਸਾਲਾਂ ਦੌਰਾਨ ਖੁਦ ਨੂੰ ਸਹੀ ਸਾਬਤ ਕਰਨ ਦੀ ਲੰਮੀ ਲੜਾਈ ਪਿੱਛੋਂ ਜਿੱਤ ਨਸੀਬ ਹੋਣੀ ਰਾਹਤ ਦੀ ਗੱਲ ਹੈ, ਉਨ੍ਹਾਂ ਨੂੰ ਇਸ ਗੱਲ ਦਾ ਗੁੱਸਾ ਹੈ ਕਿ ਗ੍ਰਹਿ ਮੰਤਰਾਲੇ ਨੂੰ ਦੋ ਸਾਲਾਂ ਦੌਰਾਨ ਆਪਣੀ ਗਲਤੀ ਸੁਧਾਰਨ ਦੇ ਕਈ ਮੌਕੇ ਮਿਲੇ, ਪਰ ਬਰਤਾਨੀਆ 'ਚ ਰਹਿਣ ਦੇ ਅਧਿਕਾਰ ਤੋਂ ਉਸ ਨੂੰ ਵਾਂਝਾ ਹੀ ਰੱਖਿਆ ਗਿਆ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ