ਬਿਹਾਰ ਸਰਕਾਰ ਨੇ ਕੈਂਸਰ ਰੋਗੀਆਂ ਨੂੰ ਵਿਸ਼ੇਸ਼ ਸਹਾਇਤਾ ਦੇਣ ਦੀ ਯੋਜਨਾ ਬਣਾਈ ਹੈ। ਇਸ ਦੇ ਤਹਿਤ ਕੈਂਸਰ ਪੀੜਤਾਂ ਨੂੰ ਇੱਕ ਲੱਖ ਰੁਪਏ ਦੀ ਰਕਮ ਦਿੱਤੀ ਜਾਵੇਗੀ। ਇਸ ਸਹਿਯੋਗ ਦਾ ਹਿੱਸਾ ਨੀਤੂ ਚੰਦਰਾ ਵੀ ਬਣੀ ਹੈ। ਇਸ ਗੱਲ ਉੱਤੇ ਉਸ ਨੇ ਕਿਹਾ, ‘ਇਹ ਬਹੁਤ ਸ਼ਾਨਦਾਰ ਕਦਮ ਹੈ ਅਤੇ ਮੈਂ ਇਸ ਪ੍ਰੋਜੈਕਟ ਦਾ ਹਿੱਸਾ ਬਣ ਕੇ ਬਹੁਤ ਖੁਸ਼ੀ ਮਹਿਸੂਸ ਕਰ ਰਹੀ ਹਾਂ। ਮੈਂ ਖੁਸ਼ ਹਾਂ ਕਿ ਉਨ੍ਹਾਂ ਲੋਕਾਂ ਨੂੰ, ਜਿਨ੍ਹਾਂ ਦੀ ਸਾਲਾਨਾ ਆਮਦਨ 2.5 ਲੱਖ ਰੁਪਏ ਤੋਂ ਘੱਟ ਹੈ, ਇਲਾਜ ਲਈ 70 ਤੋਂ ਅੱਸੀ ਫੀਸਦੀ ਸਹਾਇਤਾ ਰਕਮ ਉਪਲਬਧ ਕਰਵਾਈ ਜਾਵੇਗੀ।”
ਫਿਲਮ ‘ਗਰਮ ਮਸਾਲਾ’ ਲਈ ਜਾਣੀ ਜਾਂਦੀ ਨੀਤੂ ਦੇ ਪਿਤਾ ਦੀ ਮੌਤ ਛੇ ਸਾਲ ਪਹਿਲਾਂ ਕੈਂਸਰ ਕਾਰਨ ਹੋਈ ਸੀ। ਉਸ ਦਾ ਕਹਿਣਾ ਹੈ ਕਿ ਉਹ ਜਦੋਂ ਲੋਕਾਂ ਨੂੰ ਮਜਬੂਰ ਤੇ ਅਸਹਿਜ ਦੇਖਦੀ ਹੈ, ਬਹੁਤ ਬੇਵੱਸ ਮਹਿਸੂਸ ਕਰਦੀ ਹੈ। ਉਸ ਨੇ ਕਿਹਾ, ‘‘ਚੰਗੀ ਸਿਹਤ ਈਸ਼ਵਰ ਦਾ ਅਸ਼ੀਰਵਾਦ ਹੈ ਤੇ ਮੇਰਾ ਦਿਲ ਉਦੋਂ ਬਹੁਤ ਦੁੱਖਦਾ ਹੈ ਜਦੋਂ ਮੈਂ ਲੋਕਾਂ ਨੂੰ ਇਲਾਜ ਦਾ ਖਰਚ ਚੁੱਕਣ ਤੋਂ ਬੇਵੱਸ ਦੇਖਦੀ ਹਾਂ।”