ਰਿਚਾ ਚੱਢਾ ਇੱਕ ਇਹੋ ਜਿਹੀ ਅਭਿਨੇਤਰੀ ਹੈ, ਜਿਸ ਨੇ ਆਪਣੀ ਬਹੁਪੱਖੀ ਪ੍ਰਤਿਭਾ ਨਾਲ ਆਪਣੇ ਅਭਿਨੈ ਦਾ ਲੋਹਾ ਮੰਨਵਾਇਆ ਹੈ। ਆਪਣੀ ਅਗਲੀ ਫਿਲਮ ‘ਸੈਕਸ਼ਨ 375’ ਵਿੱਚ ਰਿਚਾ ਚੱਢਾ ਪਹਿਲੀ ਵਾਰ ਵਕੀਲ ਦੀ ਭੂਮਿਕਾ ਵਿੱਚ ਨਜ਼ਰ ਆੇਗੀ, ਜਿਸ ਪ੍ਰਤੀ ਉਹ ਬਹੁਤ ਉਤਸ਼ਾਹਤ ਹੈ। ਕੁਝ ਦਿਨ ਪਹਿਲਾਂ ਇਸ ਬਾਰੇ ਗੱਲ ਕਰਦੇ ਹੋਏ ਰਿਚਾ ਨੇ ਕਿਹਾ, ‘‘ਮੈਂ ਪਹਿਲੀ ਵਾਰ ਸਕਰੀਨ 'ਤੇ ਆਪਣੀ ਫਿਲਮ ‘ਸੈਕਸ਼ਨ 375’ ਵਿੱਚ ਵਕੀਲ ਦਾ ਰੋਲ ਕਰਨ ਲਈ ਬਹੁਤ ਉਤਸ਼ਾਹਤ ਹਾਂ। ਇਸ ਫਿਲਮ ਵਿੱਚ ਜਿਹੜੇ ਲੋਕਾਂ ਨਾਲ ਮੈਨੂੰ ਕੰਮ ਕਰਨ ਦਾ ਮੌਕਾ ਮਿਲ ਰਿਹਾ ਹੈ, ਉਨ੍ਹਾਂ ਸਾਰਿਆਂ ਦੀ ਮੈਂ ਵੱਡੀ ਫੈਨ ਰਹੀ ਹਾਂ। ਇੱਕ ਐਕਟਰ ਦੇ ਤੌਰ 'ਚ ਮੈਨੂੰ ਅਕਸ਼ੈ ਖੰਨਾ ਹਮੇਸ਼ਾ ਤੋਂ ਪਸੰਦ ਹੈ। ਪਿਛਲੀਆਂ ਕੁਝ ਫਿਲਮਾਂ 'ਚ ਉਨ੍ਹਾਂ ਦੀਆਂ ਭੂਮਿਕਾਵਾਂ ਸ਼ਾਨਦਾਰ ਰਹੀਆਂ ਹਨ। ਮੈਂ ਡਾਇਰੈਕਟਰ ਅਜੈ ਬਹਿਲ ਨਾਲ ਕੰਮ ਕਰ ਕੇ ਵੀ ਬਹੁਤ ਖੁਸ਼ ਹਾਂ।”