ਆਯੁਸ਼ਮਾਨ ਖੁਰਾਣਾ ਅਤੇ ਨੁਸਰਤ ਭਰੂਚਾ ਪਿਛਲੇ ਇੱਕ ਮਹੀਨੇ ਤੋਂ ਆਪਣੀ ਆਉਣ ਵਾਲੀ ਫਿਲਮ ‘ਡ੍ਰੀਮਗਰਲ’ ਦੀ ਸ਼ੂਟਿੰਗ ਕਰ ਰਹੇ ਹਨ। ਫਿਲਮ ਦਾ ਸ਼ੁਰੂ ਦਾ ਸ਼ਡਿਊਲ ਮਥੁਰਾ ਵਿੱਚ ਸ਼ੂਟ ਕੀਤਾ ਗਿਆ ਸੀ। ਕਰੂਅ ਮੁੰਬਈ ਆ ਗਿਆ ਹੈ ਤੇ ਉਨ੍ਹਾਂ ਨੇ ਮਥੁਰਾ ਦੇ ਕੁਝ ਹਿੱਸਿਆਂ ਨੂੰ ਫਿਲਮ ਸਿਟੀ ਵਿੱਚ ਦੋਬਾਰਾ ਬਣਾਇਆ ਹੈ। ਟੀਮ ਰਾਤ ਵਿੱਚ ਸ਼ੂਟਿੰਗ ਕਰ ਰਹੀ ਹੈ। ਕਿਹਾ ਜਾ ਰਿਹਾ ਹੈ ਕਿ ਇਹ ਫਿਲਮ ਦਾ ਆਖਰੀ ਸ਼ਡਿਊਲ ਹੈ ਅਤੇ ਇੱਕ ਮਹੀਨੇ ਵਿੱਚ ਕਰੂਅ ਫਿਲਮ ਨੂੰ ਪੂਰਾ ਕਰ ਲਵੇਗਾ। ‘ਡ੍ਰੀਮਗਰਲ’ ਦਾ ਨਿਰਦੇਸ਼ਨ ਰਾਜ ਸ਼ਾਂਡਿਲਯ ਕਰ ਰਹੇ ਹਨ। ਉਥੇ ਏਕਤਾ ਕਪੂਰ ਇਸ ਦੀ ਪ੍ਰੋਡਿਊਸਰ ਹੈ। ਫਿਲਮ ਵਿੱਚ ਅਰਬਾਜ ਖਾਨ, ਸੀਮਾ ਬਿਸਵਾਸ, ਰਜਤ ਕਪੂਰ, ਸਿਧਾਰਥ ਜਾਧਵ ਅਤੇ ਹੋਰ ਕਈ ਕਲਾਕਾਰ ਹਨ। ਮੇਕਰਸ ਨੇ ਅਜੇ ਰਿਲੀਜ਼ ਡੇਟ ਐਲਾਨ ਨਹੀਂ ਕੀਤੀ। ਫਿਲਮ ਵਿੱਚ ਆਯੁਸ਼ਮਾਨ ਲੜਕੀ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ।