ਸ਼ਾਰਜਾਹ, 16 ਜਨਵਰੀ (ਪੋਸਟ ਬਿਊਰੋ)- ਭਾਰਤੀ ਫੁੱਟਬਾਲ ਟੀਮ ਦੇ ਕੋਚ ਸਟੀਫਨ ਕਾਨਸਟੇਨਟਾਈਨ ਨੇ ਅਸਤੀਫਾ ਦੇ ਦਿੱਤਾ ਹੈ। ਸੋਮਵਾਰ ਰਾਤ ਏ ਐੱਫ ਸੀ ਏਸ਼ੀਅਨ ਕੱਪ ਟੂਰਨਾਮੈਂਟ ਦੇ ਮੁਕਾਬਲੇ ਵਿੱਚ ਭਾਰਤੀ ਟੀਮ ਬਹਿਰੀਨ ਤੋਂ 0-1 ਤੋਂ ਹਾਰ ਕੇ ਨਾਕਆਊਟ ਵਿੱਚ ਨਹੀਂ ਪਹੁੰਚ ਸਕੀ। ਸਾਲ 1964 ਦੇ ਬਾਅਦ ਤੋਂ ਟੀਮ ਇੰਡੀਆ ਕਦੇ ਵੀ ਟੂਰਨਾਮੈਂਟ ਦੇ ਨਾਕਆਊਟ ਰਾਊਂਡ ਵਿੱਚ ਜਗ੍ਹਾ ਨਹੀਂ ਬਣਾ ਸਕੀ। ਕਾਨਸਟੇਨਟਾਈਨ 2015 ਵਿੱਚ ਦੂਸਰੀ ਵਾਰ ਭਾਰਤੀ ਟੀਮ ਦੇ ਕੋਚ ਬਣੇ ਸਨ। ਇਸ ਤੋਂ ਪਹਿਲਾਂ ਉਹ 2002 ਤੋਂ 2005 ਤੱਕ ਟੀਮ ਇੰਡੀਆ ਦੇ ਨਾਲ ਰਹਿ ਚੁੱਕੇ ਸਨ।
ਇਸ ਸੰਬੰਧ ਵਿੱਚ ਕਾਨਸਟੇਨਟਾਈਨ ਨੇ ਕਿਹਾ, ਮੈਂ ਚਾਰ ਸਾਲ ਤੱਕ ਭਾਰਤੀ ਟਚੀਮ ਦੇ ਨਾਲ ਰਿਹਾ। ਮੇਰਾ ਪਹਿਲੇ ਦਿਨ ਤੋਂ ਇਹੀ ਟੀਚਾ ਸੀ ਕਿ ਟੀਮ ਏਸ਼ੀਅਨ ਕੱਪ ਲਈ ਕੁਆਲੀਫਾਈ ਕਰੇ। ਮੈਂ ਇਸ ਨੂੰ ਪੂਰਾ ਕੀਤਾ। ਮੈਨੂੰ ਖਿਡਾਰੀਆਂ 'ਤੇ ਮਾਣ ਹੈ। ਉਨ੍ਹਾਂ ਨੇ ਮੈਨੂੰ ਸਭ ਕੁਝ ਦਿੱਤਾ। ਇਸ ਦੌਰਾਨ ਟੀਮ ਨੇ ਕਈ ਨਵੇਂ ਰਿਕਾਰਡ ਵੀ ਬਣਾਏ। ਉਨ੍ਹਾਂ ਨੇ ਕਿਹਾ ਕਿ ਮੇਰੇ ਹਿਸਾਬ ਨਾਲ ਮੇਰਾ ਕੰਮ ਪੂਰਾ ਹੋ ਗਿਆ। ਏਸ਼ੀਅਨ ਕਪ ਦੇ ਪਹਿਲੇ ਕੋਚ ਅਤੇ ਸੀਨੀਅਰ ਖਿਡਾਰੀਆਂ ਵਿੱਚ ਕੋਚਿੰਗ ਬਾਰੇ ਵਿਵਾਦ ਵੀ ਜ਼ਾਹਰ ਹੋਇਆ ਸੀ। ਕਾਨਸਟੇਨਾਈਟਨ ਦੀ ਕੋਚਿੰਗ ਵਿੱਚ ਟੀਮ ਇੰਡੀਆ ਫੀਫਾ ਰੈਂਕਿੰਗ ਵਿੱਚ 173 ਤੋਂ 97ਵੇਂ ਸਥਾਨ ਤੱਕ ਪਹੁੰਚੀ ਹੈ। ਉਨ੍ਹਾਂ ਦਾ ਕਾਂਟ੍ਰੈਕਟ 31 ਜਨਵਰੀ ਨੂੰ ਖਤਮ ਹੋਣਾ ਸੀ। ਕਾਨਸਟੇਨਟਾਈਨ ਨੇ ਕਿਹਾ ਕਿ ਅੱਜ ਮੇਰੀ ਪਤਨੀ ਦਾ ਜਨਮ ਦਿਨ ਹੈ। ਮੈਂ ਪਿਛਲੇ ਛੇ ਸਾਲ ਤੋਂ ਘਰ ਨਹੀਂ ਗਿਆ। ਮੈਂ ਆਪਣੀਆਂ ਤਿੰਨ ਬੇਟੀਆਂ ਤੋਂ ਤਿੰਨ ਜਾਂ ਚਾਰ ਮਹੀਨਿਆਂ ਵਿੱਚ ਕੇਵਲ ਇੱਕ ਵਾਰ ਮਿਲਦਾ ਹਾਂ।