ਬੀਤੇ ਸਾਲ ਮਹੇਸ਼ ਭੱਟ ਨੇ ਫਿਲਮ ‘ਸੜਕ’ ਦੇ ਸੈਕਿੰਡ ਪਾਰਟ ਦਾ ਐਲਾਨ ਕੀਤਾ ਸੀ। ਮਹੇਸ਼ ਦੇ ਨਿਰਦੇਸ਼ਨ ਵਿੱਚ ਬਣਨ ਵਾਲੀ ਇਸ ਫਿਲਮ ਵਿੱਚ ਸੰਜੇ ਦੱਤ, ਪੂਜਾ ਭੱਟ, ਆਲੀਆ ਭੱਟ ਤੇ ਆਦਿੱਤਯ ਰਾਏ ਕਪੂਰ ਇਕੱਠੇ ਕੰਮ ਕਰਨਗੇ। ਫਿਲਮ ਦੇ ਫਸਟ ਪਾਰਟ ਵਿੱਚ ਸਦਾਸ਼ਿਵ ਅਮਰਾਪੁਰਕਰ ਨੇ ਵਿਲੇਨ ਦਾ ਰੋਲ ਨਿਭਾਇਆ ਸੀ। ਇਸ ਦੇ ਸੈਕਿੰਡ ਪਾਰਟ ਵਿੱਚ ਗੁਲਸ਼ਨ ਗਰੋਵਰ ਨੈਗੇਟਿਵ ਕਿਰਦਾਰ ਨਿਭਾਉਣਗੇ।
ਗੁਲਸ਼ਨ ਦੱਸਦੇ ਹਨ ਕਿ ਫਿਲਮ ਵਿੱਚ ਉਨ੍ਹਾਂ ਦਾ ਕਿਰਦਾਰ ਕਾਫੀ ਦਿਲਚਸਪ ਹੈ ਅਤੇ ਉਨ੍ਹਾਂ ਦਾ ਮੰਨਣਾ ਹੈ ਕਿ ਫਿਲਮ ਖਤਮ ਹੋਣ ਪਿੱਛੋਂ ਵੀ ਉਨ੍ਹਾਂ ਦਾ ਕਿਰਦਾਰ ਦਰਸ਼ਕਾਂ ਦੇ ਦਿਮਾਗ ਵਿੱਚ ਰਹਿ ਜਾਏਗਾ। ਉਨ੍ਹਾਂ ਮੁਤਾਬਕ ਇੰਨੇ ਲੰਬੇ ਫਿਲਮੀ ਕਰੀਅਰ ਵਿੱਚ ਚਾਰ ਸੌ ਫਿਲਮਾਂ ਕਰਨ ਦੇ ਬਾਅਦ ਵੀ ਉਨ੍ਹਾਂ ਨੇ ਇੰਨੀ ਐਕਸਾਈਟਿੰਗ ਫਿਲਮ ਨਹੀਂ ਕੀਤੀ।