Welcome to Canadian Punjabi Post
Follow us on

30

May 2020
ਭਾਰਤ

ਮਣੀਸ਼ੰਕਰ ਅਈਅਰ ਕਹਿੰਦੈ: ਦਸ਼ਰਥ ਦੇ ਮਹਿਲ ਦੇ 10 ਹਜ਼ਾਰ ਕਮਰੇ ਸਨ, ਰਾਮ ਚੰਦਰ ਕਿੱਥੇ ਪੈਦਾ ਹੋਏ ਸਨ

January 10, 2019 07:51 AM

ਨਵੀਂ ਦਿੱਲੀ, 9 ਜਨਵਰੀ (ਪੋਸਟ ਬਿਊਰੋ)- ਕਾਂਗਰਸ ਆਗੂ ਮਣੀਸ਼ੰਕਰ ਅਈਅਰ ਨੇ ਇੱਕ ਵਾਰੀ ਫਿਰ ਵਿਵਾਦਤ ਬਿਆਨ ਦਿੱਤਾ ਹੈ। ਇਸ ਵਾਰੀ ਉਨ੍ਹਾਂ ਨੇ ਅਯੁੱਧਿਆ 'ਚ ਰਾਮ ਮੰਦਰ ਨੂੰ ਲੈ ਕੇ ਬਿਆਨ ਦਿੱਤਾ ਹੈ, ਜਿਸ ਤੋਂ ਇੱਕ ਨਵੀਂ ਬਹਿਸ ਸ਼ੁਰੂ ਹੋ ਗਈ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਰਾਮ ਚੰਦਰ ਦੇ ਪਿਤਾ ਦਸ਼ਰਥ ਦੇ ਮਹਿਲ 'ਚ 10 ਹਜ਼ਾਰ ਕਮਰੇ ਸਨ, ਪਰ ਭਗਵਾਨ ਰਾਮ ਕਿਹੜੇ ਕਮਰੇ ਵਿੱਚ ਪੈਦਾ ਹੋਏ ਸਨ ਇਸ ਦਾ ਕਿਸ ਨੂੰ ਪਤਾ ਹੈ?
ਅਈਅਰ ਨੇ ਇਹ ਗੱਲ ਸੋਸ਼ਲ ਡੈਮੋਕ੍ਰੇਟਿਕ ਪਾਰਟੀ ਆਫ ਇੰਡੀਾ ਦੇ ਦਿੱਲੀ 'ਚ ਹੋਏ ਇੱਕ ਪ੍ਰੋਗਰਾਮ ‘ਇੱਕ ਸ਼ਾਮ ਬਾਬਰੀ ਦੇ ਨਾਮ’ 'ਚ ਕਹੀ। ਸੀਨੀਅਰ ਕਾਂਗਰਸ ਨੇਤਾ ਮਣੀਸ਼ੰਕਰ ਅਈਅਰ ਦੇ ਭਗਵਾਨ ਰਾਮ ਦੇ ਜਨਮ ਸਥਾਨ ਸੰਬੰਧੀ ਬਿਆਨ 'ਤੇ ਭਾਰਤੀ ਜਨਤਾ ਪਾਰਟੀ ਨੇ ਨਿਸ਼ਾਨਾ ਸਾਧਿਆ। ਰਾਮ ਦੇ ਜਨਮ ਸਥਾਨ 'ਤੇ ਸਵਾਲ ਚੁੱਕਣ 'ਤੇ ਭਾਜਪਾ ਨੇ ਉਨ੍ਹਾਂ ਤੋਂ ਪੁੱਛਿਆ ਕਿ ਉਹ ਖੁਦ ਦੱਸਣ ਕਿ ਉਹ ਕਿੱਥੇ ਪੈਦਾ ਹੋਏ ਸਨ? ਭਾਜਪਾ ਦੇ ਬੁਲਾਰੇ ਸ਼ਲਭ ਮਣੀ ਤਿ੍ਰਪਾਠੀ ਨੇ ਟਵੀਟ ਕਰ ਕੇ ਅਈਅਰ ਤੋਂ ਪੁੱਛਿਆ ਕਿ ਭਗਵਾਨ ਰਾਮ ਲਈ ਗਲਤ ਭਾਸ਼ਾ ਬੋਲਣ ਵਾਲੇ ਮਣੀਸ਼ੰਕਰ ਪਹਿਲਾਂ ਇਹ ਦੱਸ ਕਿ ਉਹ ਕਿਸ ਕਮਰੇ ਵਿੱਚ ਪੈਦਾ ਹੋਏ। ਉਨ੍ਹਾਂ ਕਿਹਾ ਕਿ ਅਈਅਰ ਦੇ ਇਸ ਬਿਆਨ ਨਾਲ ਦੇਸ਼ ਦੇ ਹਿੰਦੂਆਂ ਦੀ ਸ਼ਰਧਾ ਨੂੰ ਠੇਸ ਪਹੁੰਚੀ ਹੈ, ਪੂਰਾ ਦੇਸ਼ ਜਾਣਦਾ ਹੈ ਕਿ ਕਾਂਗਰਸ ਪਾਰਟੀ ਹਮੇਸ਼ਾ ਭਗਵਾਨ ਰਾਮ ਦੀ ਹੋਂਦ ਸੰਬੰਧੀ ਮਜ਼ਾਕ ਬਣਾਉਂਦੀ ਰਹੀ ਹੈ।
ਜ਼ਿਕਰ ਯੋਗ ਹੈ ਕਿ ਆਈਅਰ ਨੇ ਸੋਮਵਾਰ ਨੂੰ ਇੱਕ ਪ੍ਰੋਗਰਾਮ ਵਿੱਚ ਕਿਹਾ ਸੀ ਕਿ ਮੰਦਰ ਉਹ ਹੀ ਬਣਾਉਣਗੇ ਦਾ ਕੀ ਮਤਲਬ ਹੈ? ਦਸ਼ਰਥ ਇੱਕ ਬਹੁਤ ਵੱਡੇ ਮਹਾਰਾਜਾ ਸਨ। ਕਿਹਾ ਜਾਂਦਾ ਹੈ ਕਿ ਉਨ੍ਹਾਂ ਦੇ ਮਹਿਲ ਵਿੱਚ ਦਸ ਹਜ਼ਾਰ ਕਮਰੇ ਸਨ। ਕੌਣ ਜਾਣਦਾ ਹੈ ਕਿ ਕਿਹੜਾ ਕਮਰੇ ਕਿੱਥੇ ਸੀ। ਇਸ ਲਈ ਇਹ ਕਹਿਣਾ ਕਿ ਅਸੀਂ ਜਾਣਦੇ ਹਾਂ ਕਿ ਭਗਵਾਨ ਰਾਮ ਇਥੇ ਪੈਦਾ ਹੋਏ ਸਨ, ਇਸ ਲਈ ਮੰਦਰ ਇਥੇ ਬਣਾਉਣਾ ਹੈ। ਇਥੇ ਇੱਕ ਮਸਜਿਦ ਹੈ। ਪਹਿਲਾਂ ਅਸੀਂ ਮਸਜਿਦ ਤੋੜਾਂਗੇ ਤੇ ਇਸ ਦੀ ਜਗ੍ਹਾ ਮੰਦਰ ਬਣਾਵਾਂਗੇ। ਇਹ ਗਲਤ ਹੈ। ਕੀ ਇੱਕ ਹਿੰਦੁਸਤਾਨੀ ਲਈ ਅੱਲਾ 'ਤੇ ਭਰੋਸਾ ਰੱਖਣਾ ਗਲਤ ਹੈ। ਗੁਜਰਾਤ ਵਿਧਾਨ ਸਭਾ ਚੋਣਾਂ ਦੌਰਾਨ ਵੀ ਅਈਅਰ ਦੇ ਇੱਕ ਬਿਆਨ ਤੋਂ ਕਾਂਗਰਸ ਪਾਰਟੀ ਨੂੰ ਕਾਫੀ ਸ਼ਰਮਿੰਦਗੀ ਦਾ ਸਾਹਮਣਾ ਕਰਨਾ ਪਿਆ ਸੀ, ਜਿਸ ਮਗਰੋਂ ਉਨ੍ਹਾਂ ਨੂੰ ਪਾਰਟੀ 'ਚੋਂ ਕੱਢ ਦਿੱਤਾ ਗਿਆ ਸੀ। ਪਾਰਟੀ ਵਿੱਚ ਪਰਤਣ ਮਗਰੋਂ ਇਹ ਉਨ੍ਹਾਂ ਦਾ ਪਹਿਲਾ ਵਿਵਾਦਪੂਰਨ ਬਿਆਨ ਹੈ।

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਕੋਰੋਨਾ ਨਾਲ ਇੱਕੋ ਦਿਨ ਭਾਰਤ ਵਿੱਚ 194 ਮੌਤਾਂ
ਸੁਪਰੀਮ ਕੋਰਟ ਦਾ ਹੁਕਮ: ਘਰੀਂ ਮੁੜਦੇ ਮਜ਼ਦੂਰਾਂ ਦਾ ਕਿਰਾਇਆ-ਖਾਣਾ ਰਾਜ ਸਰਕਾਰਾਂ ਦੇਣ
ਸੁਪਰੀਮ ਕੋਰਟ ਨੇ ਪੁੱਛਿਆ: ਮੁਫਤ ਜ਼ਮੀਨ ਲੈ ਚੁੱਕੇ ਹਸਪਤਾਲ ਮੁਫਤ ਇਲਾਜ ਕਿਉਂ ਨਹੀਂ ਕਰ ਸਕਦੇ
ਹਾਰਵਰਡ ਦੇ ਮਾਹਰਾਂ ਦੀ ਰਾਏ: ਸਖ਼ਤ ਲਾਕਡਾਊਨ ਹੋਣ ਨਾਲ ਭਾਰਤੀ ਅਰਥ ਵਿਵਸਥਾ ਤਬਾਹ ਹੋ ਜਾਵੇਗੀ
ਐਕਟਰ ਨਵਾਜ਼ੂਦੀਨ ਦੀ ਪਤਨੀ ਨੇ ਤਲਾਕ ਨਾਲ 30 ਕਰੋੜ ਅਤੇ ਯਾਰੀ ਰੋਡ 'ਤੇ ਬੰਗਲਾ ਮੰਗਿਆ
ਸਿਹਤ ਘੁਟਾਲੇ ਕਾਰਨ ਹਿਮਾਚਲ ਦੇ ਭਾਜਪਾ ਪ੍ਰਧਾਨ ਦਾ ਅਸਤੀਫਾ
ਭਾਰਤ ਵਿੱਚ ਟਿਕ-ਟਾਕ ਤੋਂ ਅੱਕਣ ਲੱਗ ਪਏ ਹਨ ਲੋਕ
ਏਅਰਪੋਰਟ ਉੱਤੇ ਲੱਗੀ ਫੋਰਸ ਦੇ 18 ਜਵਾਨ ਇਨਫੈਕਟਿਡ
ਕਰਜ਼ਿਆਂ 'ਤੇ ਵਿਆਜ ਮੁਆਫ਼ੀ ਬਾਰੇ ਸੁਪਰੀਮ ਕੋਰਟ ਵੱਲੋਂ ਆਰ ਬੀ ਆਈ ਅਤੇ ਕੇਂਦਰ ਨੂੰ ਨੋਟਿਸ
ਰਾਹੁਲ ਗਾਂਧੀ ਦੀ ਨਜ਼ਰ ਵਿੱਚ ਲਾਕਡਾਊਨ ਅਸਫਲ ਰਿਹੈ