ਮੁੰਬਈ, 18 ਜਨਵਰੀ, (ਪੋਸਟ ਬਿਊਰੋ)- ਮੁੰਬਈ ਦੇ ਨੇਵਲ ਡਾਕਯਾਰਡ ਵਿੱਚਅੱਜ ਮੰਗਲਵਾਰ ਭਾਰਤ ਦੀ ਸਮੁੰਦਰੀ ਫੌਜ ਦੀ ਬੰਦਰਗਾਹ ਆਈ ਐੱਨ ਐੱਸ ਰਣਵੀਰ ਦੇ ਅੰਦਰੂਨੀ ਡੱਬੇ ਵਿੱਚ ਧਮਾਕਾ ਹੋਣ ਨਾਲ ਤਿੰਨ ਜਣਿਆਂ ਦੀ ਮੌਤ ਹੋ ਗਈਤੇ 10 ਜਵਾਨ ਜ਼ਖਮੀ ਦੱਸੇ ਗਏ ਹਨ। ਜਹਾਜ਼ ਦੇ ਅਮਲੇ ਨੇ ਸਥਿਤੀ ਉੱਤੇ ਕਾਬੂ ਪਾ ਲਿਆ ਹੈ।
ਇਸ ਬਾਰੇ ਭਾਰਤੀ ਸਮੁੰਦਰੀ ਫੌਜ(ਨੇਵੀ) ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿਏਥੇ ਨੇਵੀ ਦੇ ਹਸਪਤਾਲ ਵਿੱਚਜ਼ਖਮੀ ਜਵਾਨਾਂ ਦਾ ਇਲਾਜ ਹੋ ਰਿਹਾ ਹੈ।ਆਈ ਐੱਨ ਐੱਸ ਰਣਵੀਰ ਭਾਰਤੀ ਨੇਵੀਦੀ ਬੰਦਰਗਾਹ ਹੈ ਤੇਇਹ ਨਵੰਬਰ 2021 ਤੋਂ ਈਸਟਰਨ ਨੇਵਲ ਕਮਾਂਡ ਤੋਂ ਕਰਾਸ ਕੋਸਟ ਆਪ੍ਰੇਸ਼ਨਲ ਤੈਨਾਤੀ ਉੱਤੇ ਸੀ ਅਤੇ ਜਲਦੀ ਹੀ ਬੇਸ ਪੋਰਟ ਉੱਤੇ ਵਾਪਸ ਆਉਣਾ ਸੀ।ਇਸ ਘਟਨਾ ਬਾਰੇ ਬੋਰਡ ਆਫ ਇਨਕੁਆਇਰੀ ਨੂੰ ਜਾਂਚ ਦੇ ਹੁਕਮ ਦਿੱਤੇ ਗਏ ਹਨ।
ਦੱਸਿਆਗਿਆ ਹੈ ਕਿ ਧਮਾਕੇਦੇ ਕਾਰਨ ਜ਼ਖਮੀ ਹੋਏ ਤਿੰਨ ਜਵਾਨਾਂ ਨੂੰ ਹਸਪਤਾਲ ਵਿੱਚ ਮ੍ਰਿਤਕ ਐਲਾਨ ਕੀਤਾ ਗਿਆ ਹੈ।ਆਈ ਐੱਨ ਐੱਸ ਰਣਵੀਰ ਵਿੱਚ ਇਹ ਵੱਡੀ ਘਟਨਾ ਹੈ, ਪਰ ਇਸ ਨਾਲਵੱਡੇ ਮਾਲੀ ਨੁਕਸਾਨ ਦੀ ਸੂਚਨਾ ਨਹੀਂ। ਪਹਿਲੀ ਨਜ਼ਰੇ ਇਹ ਧਮਾਕਾ ਕਿਸੇ ਵੀ ਹਥਿਆਰ ਜਾਂ ਗੋਲਾ ਬਾਰੂਦ ਦੇ ਕਿਸੇ ਤੋੜ-ਭੰਨ ਜਾਂ ਖਰਾਬੀ ਨਾਲ ਸਬੰਧਤ ਨਹੀਂ ਅਤੇ ਧਮਾਕੇ ਦਾ ਕਾਰਨ ਮਸ਼ੀਨਰੀ ਦੀ ਖਰਾਬੀ ਹੋ ਸਕਦੀ ਹੈ।