Welcome to Canadian Punjabi Post
Follow us on

28

January 2022
 
ਅੰਤਰਰਾਸ਼ਟਰੀ

ਡਬਲਯੂ ਐਚ ਓ ਨੇ ਕਿਹਾ: ਓਮੀਕਰੋਨ ਪਸਾਰ ਦੇ ਪੱਖੋਂ ਡੈਲਟਾ ਤੋਂ ਤੇਜ਼ੀ ਨਾਲ ਵਧ ਰਿਹੈ

January 13, 2022 07:39 PM

ਜਨੇਵਾ, 13 ਜਨਵਰੀ (ਪੋਸਟ ਬਿਊਰੋ)- ਕੋਰੋਨਾ ਵਾਇਰਸ ਦਾ ਓਮੀਕਰੋਨ ਰੂਪ ਉਸ ਦੇ ਡੈਲਟਾ ਸਰੂਪ ਤੋਂ ਤੇਜ਼ੀ ਨਾਲ ਅੱਗੇ ਨਿਕਲ ਰਿਹਾ ਹੈ ਤੇ ਪੂਰੀ ਦੁਨੀਆ ਵਿੱਚ ਇਸਦੀ ਇਨਫੈਕਸ਼ਨ ਦੇ ਕੇਸ ਵੱਧ ਸਾਹਮਣੇ ਆ ਰਹੇ ਹਨ।
ਵਿਸ਼ਵ ਸਿਹਤ ਸੰਗਠਨ (ਡਬਲਯੂ ਐਚ ਓ) ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਇਸ ਸਬੰਧ ਵਿੱਚ ਸਾਵਧਾਨ ਕੀਤਾ ਹੈ ਕਿ ਇਸ ਗੱਲ ਦੇ ਸਬੂਤ ਵਧ ਰਹੇ ਹਨ ਕਿ ਓਮੀਕਰੋਨ ਬਚਾਅ ਸ਼ਕਤੀ ਤੋਂ ਬਚਕੇ ਨਿਕਲ ਸਕਦਾ ਹੈ, ਪ੍ਰੰਤੂ ਹੋਰ ਰੂਪਾਂ ਦੀ ਤੁਲਨਾ ਵਿੱਚ ਇਸ ਤੋਂ ਬਿਮਾਰੀ ਦੇ ਬਾਰੇ ਗੰਭੀਰਤਾ ਘੱਟ ਹੈ। ਡਬਲਯੂ ਐਚ ਓ ਵਿੱਚ ਇਨਫੈਕਸ਼ਨ ਰੋਗ ਮਹਾਮਾਰੀ ਵਿਗਿਆਨੀ ਅਤੇ ਕੋਵਿਡ-19 ਟੈਕਨੀਕਲ ਲੀਡ ਮਾਰੀਆ ਵਨ ਕੇਰਖੋਵ ਨੇ ਦੱਸਿਆ ਕਿ ਕੁਝ ਦੇਸ਼ਾਂ ਵਿੱਚ ਓਮੀਕਰੋਨ ਨੂੰ ਡੈਲਟਾ ਉੱਤੇ ਹਾਵੀ ਹੋਣ ਵਿੱਚ ਸਮਾਂ ਲੱਗ ਸਕਦਾ ਹੈ, ਕਿਉਂਕਿ ਇਹ ਉਨ੍ਹਾਂ ਦੇਸ਼ਾਂ ਵਿੱਚ ਡੈਲਟਾ ਦੇ ਪਸਾਰ ਦੇ ਪੱਧਰ ਉੱਤੇ ਨਿਰਭਰ ਕਰੇਗਾ। ਕੇਰਖੋਵ ਨੇ ਆਨਲਾਈਨ ਸਵਾਲਾਂ ਦੇ ਜਵਾਬ ਦੌਰਾਨ ਕਿਹਾ, ਓਮੀਕਰੋਨ ਉਨ੍ਹਾਂ ਸਭ ਦੇਸ਼ਾਂ ਵਿੱਚ ਮਿਲਿਆ ਹੈ ਜਿੱਥੇ ਜੀਨੋਮ ਇਨਡੈਕਸਿੰਗ ਦੀ ਤਕਨੀਕ ਵਧੀਆ ਹੈ ਅਤੇ ਸੰਭਾਵਨਾ ਹੈ ਕਿ ਇਹ ਦੁਨੀਆ ਦੇ ਸਾਰੇ ਦੇਸ਼ਾਂ ਵਿੱਚ ਮੌਜੂਦ ਹੈ। ਇਹ ਫੈਲਣ ਦੇ ਲਿਹਾਜ ਨਾਲ ਬਹੁਤ ਤੇਜ਼ੀ ਨਾਲ ਡੈਲਟਾ ਤੋਂ ਅੱਗੇ ਨਿਕਲ ਰਿਹਾ ਹੈ ਅਤੇ ਇਸ ਲਈ ਓਮੀਕਰੋਨ ਹਾਵੀ ਹੋਣ ਵਾਲਾਸਰੂਪ ਬਣ ਰਿਹਾ ਹੈ ਜਿਸਦੇ ਮਾਮਲੇ ਸਾਹਮਣੇ ਆ ਰਹੇ ਹਨ।

 
Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ