ਲੂਮਾਜਾਂਗ (ਇੰਡੋਨੇਸ਼ੀਆ), 6 ਦਸੰਬਰ (ਪੋਸਟ ਬਿਊਰੋ)- ਇੰਡੋਨੇਸ਼ੀਆ ਦੀ ਸੰਘਣੀ ਆਬਾਦੀ ਵਾਲੇ ਦੀਪ ਜਾਵਾ ਵਿੱਚ ਜਵਾਲਾਮੁਖੀ ਫਟਣ ਦੀ ਘਟਨਾ ਵਿੱਚ ਮੌਤਾਂ ਦੀ ਗਿਣਤੀ ਵਧ ਕੇ 14 ਹੋ ਗਈ ਹੈ ਅਤੇ ਨੌਂ ਅਜੇ ਲਾਪਤਾ ਹਨ।
ਅਧਿਕਾਰੀਆਂ ਨੇ ਕੱਲ੍ਹ ਏਥੇ ਦੱਸਿਆ ਕਿ ਸੁਲਗਦੇ ਹੋਏ ਮਲਬੇ ਕਰ ਕੇ ਲਾਪਤਾ ਲੋਕਾਂ ਦੀ ਭਾਲ ਕਰਨ ਵਿੱਚ ਔਖ ਹੋ ਰਹੀ ਹੈ। ਪੂਰਬੀ ਜਾਵਾ ਪ੍ਰਾਂਤ ਦੇ ਲੂਮਾਜਾਂਗ ਜ਼ਿਲੇ੍ਹ ਵਿੱਚ ਸੈਮੇਰੂ ਪਹਾੜ `ਚ ਜਵਾਲਾਮੁਖੀ ਫਟਣ ਉਤੇ ਅਸਮਾਨ ਵਿੱਚ (12,000 ਮੀਟਰ) 40,000 ਫੁੱਟ ਦੀ ਉਚਾਈ ਉਤੇ ਸੁਆਹ ਦੀ ਮੋਟੀ ਪਰਤ ਵਿੱਛ ਗਈ ਅਤੇ ਗੈਸ ਤੇ ਲਾਵਾ ਵਗਦਾ ਹੋਇਆ ਹੇਠਲੀਆਂ ਥਾਵਾਂ ਤਕ ਜਾ ਪੁੱਜਾ। ਇਸ ਘਟਨਾ ਨਾਲ ਕਈ ਪਿੰਡ ਪ੍ਰਭਾਵਤ ਹੋਏ ਹਨ।ਜਿਓਲੋਜੀਕਲ ਸਰਵੇਖਣ ਕੇਂਦਰ ਦੇ ਮਖੀ ਈ ਕੋ ਬੁਡੀ ਲੈਲੋਨੋ ਨੇ ਦੱਸਿਆ ਕਿ ਤੂਫਾਨ ਤੇ ਕਈ ਦਿਨਾਂ ਤਕ ਮੀਂਹ ਪੈਣ ਕਾਰਨ 3676 ਮੀਟਰ ਦੀ ਉਚਾਈ ਉਤੇ ਪੈਂਦੇ ਸੈਮੇਰੂ ਪਹਾੜ ਉਤੇ ਜਵਾਲਾਮੁਖੀ ਫਟਿਆ। ਉਨ੍ਹਾਂ ਕਿਹਾ ਕਿ ਘੱਟੋ-ਘੱਟ ਦੋ ਵਾਰ ਗੈਸ ਤੇ ਲਾਵਾ ਵਗ ਕੇ 800 ਮੀਟਰ (2624 ਫੁੱਟ) ਦੂਰ ਨਦੀ ਤਕ ਪਹੁੰਚ ਗਿਆ। ਏਜੰਸੀ ਨੇ ਕਿਹਾ ਕਿ ਲੋਕਾਂ ਨੂੰ ਘਟਨਾ ਸਥਾਨ ਤੋਂ ਘੱਟੋ-ਘੱਟ ਪੰਜ ਕਿਲੋਮੀਟਰ ਦੂਰ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ। ਲੂਮਾਜਾਂਗ ਦੇ ਜ਼ਿਲ੍ਹਾ ਮੁਖੀ ਟੀ ਹੱਕ ਨੇ ਕਿਹਾ, ‘‘ਸੁਆਹ ਦੀ ਸੰਘਣੀ ਪਰਤ ਕਾਰਨ ਕਈ ਪਿੰਡਾਂ ਵਿੱਚ ਹਨੇਰਾ ਛਾ ਗਿਆ।