ਵਾਸ਼ਿੰਗਟਨ, 5 ਦਸੰਬਰ (ਪੋਸਟ ਬਿਊਰੋ)- ਅਮਰੀਕੀ ਖੁਫੀਆ ਏਜੰਸੀ ਦੀ ਇੱਕ ਰਿਪੋਰਟ ਮੁਤਾਬਕ ਰੂਸ, ਯੂਕਰੇਨਦੇ ਵਿਰੁੱਧ ਹਮਲੇ ਦੀ ਯੋਜਨਾ ਬਣਾ ਰਿਹਾ ਹੈ, ਜਿਸ ਦੀ ਸ਼ੁਰੂਆਤ ਅਗਲੇ ਸਾਲ ਦੇ ਸ਼ੁਰੂ ਵਿੱਚ ਹੋ ਸਕਦੀ ਹੈ।
ਇਸ ਤਰ੍ਹਾਂ ਦੀ ਰਿਪੋਰਟ ਮਿਲਣ ਦੇ ਬਾਅਦ ਚੌਕੰਨੀ ਹੋਈ ਬਾਇਡੇਨ ਸਰਕਾਰ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਖੁਫੀਆ ਏਜੰਸੀ ਦਾ ਮੁਲਾਂਕਣ ਹੈ ਕਿ ਰੂਸ, ਯੂਕਰੇਨ ਦੀ ਹੱਦ ਉੱਤੇ 1.75 ਲੱਖ ਫੌਜੀਆਂ ਦੀ ਤੈਨਾਤੀ ਕਰਨ ਲੱਗਾ ਹੈ ਅਤੇ ਇਨ੍ਹਾਂ ਵਿੱਚ ਅੱਧਿਆਂ ਨੂੰ ਤੈਨਾਤ ਕੀਤਾ ਜਾ ਚੁੱਕਾ ਹੈ। ਉਨ੍ਹਾਂ ਦੱਸਿਆ ਕਿ ਰੂਸ ਆਧੁਨਿਕ ਫੌਜੀ ਹਥਿਆਰਾਂ ਨਾਲ 100 ਬਟਾਲੀਅਨ ਨੂੰ ਸੀਮਾ ਉੱਤੇਲਾਉਣ ਦੀ ਸੋਚ ਰਿਹਾ ਹੈ। ਹਮਲੇ ਤੋਂ ਪਹਿਲਾਂ ਰੂਸ ਇੰਟਰਨੈਟ ਮੀਡੀਆ ਜ਼ਰੀਏ ਯੂਕਰੇਨ ਤੇ ਨਾਟੋ ਨੂੰ ਬਦਨਾਮ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਖੁਫੀਆ ਵਿਭਾਗ ਦੀ ਰਿਪੋਰਟ ਸਭ ਤੋਂ ਪਹਿਲਾਂ ਵਾਸ਼ਿੰਗਟਨ ਪੋਸਟ ਨੂੰ ਮਿਲੀ ਸੀ, ਪਰ ਰੂਸ ਨੇ ਇਸ ਰਿਪੋਰਟ ਨੂੰ ਰੱਦ ਕੀਤਾ ਹੈ।ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡੇਨ ਨੇ ਕਿਹਾ ਕਿ ਉਹ ਵੱਡੀ ਪਹਿਲ ਉੱਤੇ ਕੰਮ ਕਰ ਰਹੇ ਹਨ, ਜਿਸ ਦੇ ਕਾਰਨ ਰੂਸੀ ਰਾਸ਼ਟਰਪਤੀ ਪੁਤਿਨ ਲਈ ਯੂਕਰੇਨ ਉੱਤੇ ਹਮਲਾ ਕਰਨਾ ਔਖਾ ਹੋ ਜਾਏਗਾ। ਯੂਕਰੇਨਬਾਰੇ ਅਸੀਂ ਸਾਰਿਆਂ ਨੂੰ ਇਕੱਠੇ ਕਰ ਰਹੇ ਹਾਂ ਤੇ ਮੈਨੂੰ ਲੱਗਦਾ ਹੈ ਕਿ ਇਹ ਪੁਤਿਨ ਨੂੰ ਕਦਮ ਵਧਾਉਣ ਤੋਂ ਰੋਕਣ ਲਈ ਵੱਡੀ ਪਹਿਲ ਹੋਵੇਗੀ।