ਲੁਧਿਆਣਾ, 2 ਦਸੰਬਰ (ਪੋਸਟ ਬਿਊਰੋ)- ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੇ ਪਿਛਲੇ ਹਫਤੇ ਲੁਧਿਆਣਾ ਦੀ ਆਪਣੀ ਫੇਰੀ ਦੌਰਾਨ ਆਟੋ ਵਾਲਿਆਂ ਨੂੰ ਰਾਹਤ ਦੇਂਦੇ ਹੋਏ ਪੁਰਾਣੇ ਚਲਾਨਾਂ ਦੇ ਜੁਰਮਾਨੇ ਮੁਆਫ ਕਰਨ ਦਾ ਐਲਾਨ ਕੀਤਾ ਸੀ, ਪਰ ਇਸ ਦਾ ਨੋਟੀਫਿਕੇਸ਼ਨ ਹਾਲੇ ਜਾਰੀ ਨਹੀਂ ਹੋਇਆ, ਇਸ ਕਾਰਨ ਕੱਲ੍ਹ ਆਰ ਟੀ ਏ ਦਫਤਰ ਨੇ ਆਟੋਜ਼ ਦੇ ਪੈਂਡਿੰਗ ਕੇਸ ਅਦਾਲਤ ਵਿੱਚ ਭੇਜਣ ਦਾ ਕੰਮ ਸ਼ੁਰੂ ਕਰ ਦਿੱਤਾ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਲੁਧਿਆਣਾ ਦੇ ਆਰ ਟੀ ਏ ਦਫਤਰ ਵਿੱਚ ਸਤੰਬਰ 2021 ਤਕ ਪੰਜਾਹ ਹਜ਼ਾਰ ਤੋਂ ਵੱਧ ਪੈਂਡਿੰਗ ਚਲਾਣਾਂ ਵਿੱਚੋਂ ਬਹੁਤੇ ਆਟੋ ਚਾਲਕਾਂ ਦੇ ਸਨ। ਆਰ ਟੀ ਏ ਦਫਤਰ ਨੇ ਤੀਹ ਸਤੰਬਰ 2021 ਤੋਂ ਪਹਿਲਾਂ ਦੇ ਚਲਾਣਅਦਾਲਤ ਭੇਜਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਕੇ ਕੱਲ੍ਹ ਇੱਕੋ ਦਿਨ ਵਿੱਚ 1960 ਚਲਾਣ ਕਾਰਵਾਈ ਲਈ ਅਦਾਲਤ ਨੂੰ ਭੇਜੇ ਅਤੇ ਮੁਲਾਜ਼ਮਾਂ ਨੇ ਪੈਂਡਿੰਗ ਚਲਾਣਾਂ ਦੀਆਂ ਸੂਚੀ ਬਣਾ ਕੇ ਬੰਡਲ ਬਣਾਉਣੇ ਵੀ ਸ਼ੁਰੂ ਕਰ ਦਿੱਤੇ ਹਨ। ਆਰ ਟੀ ਏ ਦਫਤਰ ਜੇ ਚਲਾਣ ਅਦਾਲਤ ਵਿੱਚਭੇਜ ਦੇਵੇ ਤਾਂ ਆਟੋ ਚਾਲਕਾਂ ਨੂੰ ਚਲਾਣ ਭੁਗਤਣੇਪੈਣਗੇ। ਇਸ ਕਾਰਵਾਈ ਤੋਂ ਔਖੇ ਆਟੋ ਚਾਲਕਾਂ ਨੇ ਕੱਲ੍ਹ ਆਟੋ ਰਿਕਸ਼ਾ ਵਰਕਰਸ ਫੈਡਰੇਸ਼ਨ ਦੇ ਪ੍ਰਧਾਨ ਸਤੀਸ਼ ਕੁਮਾਰ ਮਾਮਾ ਦੀ ਅਗਵਾਈ ਹੇਠ ਆਰ ਟੀ ਏ ਦਫਤਰ ਵਿੱਚ ਪ੍ਰਦਰਸ਼ਨ ਕਰ ਕੇ ਸੰਘਰਸ਼ ਦੀ ਚਿਤਾਵਨੀ ਦਿੱਤੀ ਤਾਂ ਇਸ ਦਫਤਰ ਨੇ ਕਿਸੇ ਨੋਟੀਫਿਕੇਸ਼ਨ ਦੇ ਬਿਨਾਂ ਕਾਗਜ਼ਾਂ ਉੱਤੇਦਸਤਖਤ ਕਰ ਕੇ ਕਾਗਜ਼ਾਤ ਨਾ ਹੋਣ ਕਾਰਨ ਜ਼ਬਤ ਕੀਤੇ 10 ਆਟੋ ਛੱਡ ਦਿੱਤੇ।