ਇਸਤੰਬੁਲ, 2 ਦਸੰਬਰ (ਪੋਸਟ ਬਿਊਰੋ)- ਸਥਾਨਕ ਮੀਡੀਆ ਮੁਤਾਬਕ ਤੁਰਕੀ ਦੇ ਉਤਰ-ਪੱਛਮੀ ਖੇਤਰ ਵਿੱਚ ਤੇਜ਼ ਹਨ੍ਹੇਰੀ ਤੂਫਾਨ ਨੇ ਘੱਟ ਤੋਂ ਘੱਟ ਛੇ ਲੋਕਾਂ ਦੀ ਜਾਨ ਲੈ ਲਈ ਅਤੇ 50 ਤੋਂ ਵੱਧ ਜ਼ਖ਼ਮੀ ਹੋਏ ਹਨ।
ਤੁਰਕੀ ਦੇ ਇੱਕ ਟੀ ਵੀ ਨਿਊਜ਼ ਚੈਨਲ ਨੇ ਕੱਲ੍ਹ ਕਿਹਾ ਕਿ 16 ਮਿਲੀਅਨ ਤੋਂ ਵੱਧ ਆਬਾਦੀ ਵਾਲੇ ਤੁਰਕੀ ਦੇ ਸਭ ਤੋਂ ਵੱਡੇ ਸ਼ਹਿਰ ਇਸਤੰਬੁਲ ਵਿੱਚ ਚਾਰ ਲੋਕਾਂ ਦੀ ਮੌਤ ਹੋ ਗਈ ਅਤੇ 46 ਹੋਰ ਜ਼ਖ਼ਮੀ ਹੋ ਗਏ।ਰਿਪੋਰਟ ਮੁਤਾਬਕ ਖ਼ਰਾਬ ਮੌਸਮ ਨੇ ਦੋ ਹੋਰ ਲੋਕਾਂ ਦੀ ਜਾਨ ਲੈ ਲਈ ਤੇ ਉਤਰੀ ਰਾਜਾਂ ਕੋਕੇਲੀ ਅਤੇ ਜੋਂਗੁਲਡਕ ਵਿੱਚ ਕਈ ਹੋਰ ਜ਼ਖ਼ਮੀ ਹੋ ਗਏ। ਜਹਾਜ਼ ਫਸ ਗਏ ਹਨ ਅਤੇ ਤੇਜ਼ ਹਵਾਵਾਂ ਕਾਰਨ ਸਕੂਲਾਂ ਨੂੰ ਬੰਦ ਕਰਨਾ ਪਿਆ ਹੈ। ਤੇਜ਼ ਹਵਾ ਦੇ ਬੁੱਲਿਆਂ ਕਾਰਨ ਮੋਟਰਸਾਈਕਲ ਚਾਲਕਾਂ ਤਕ ਨੂੰ ਬੋਸਫੋਰਸ ਪੁਲਾਂ ਨੂੰ ਪਾਰ ਕਰਨਾ ਮੁਸ਼ਕਲ ਹੋ ਗਿਆ। ਤੁਰਕੀ ਦੀ ਨੈਸ਼ਨਲ ਫਲੈਗ ਏਅਰਲਾਈਨ ਮੁਤਾਬਕ ਤੂਫਾਨ ਨੇ ਇਸਤੰਬੁਲ ਲਈ ਜਾਣ ਵਾਲੇ ਜਹਾਜ਼ਾਂ ਨੂੰ ਰੋਕ ਦਿੱਤਾ ਹੈ।