ਸੋਨਾਕਸ਼ੀ ਸਿਨਹਾ ਦੀ ਅਗਲੀ ਫਿਲਮ ‘ਡਬਲ ਐਕਸ ਐੱਲ’ ਹੈ। ਉਸ ਨੇ ਹਾਲ ਹੀ ਵਿੱਚ ਦਿੱਲੀ ਵਿੱਚ ਇਸ ਫਿਲਮ ਦੇ ਆਖਰੀ ਸ਼ਡਿਊਲ ਦੀ ਸ਼ੂਟਿੰਗ ਸ਼ੁਰੂ ਕੀਤੀ ਹੈ। ਮੇਕਰਸ ਨੂੰ ਦਸੰਬਰ ਤੱਕ ਇਸ ਦੇ ਪੂਰਾ ਸ਼ੂਟ ਹੋਣ ਦੀ ਆਸ ਹੈ ਅਤੇ ਸੰਭਵ ਹੈ ਕਿ ਇਹ ਅਗਲੇ ਸਾਲ ਦੇ ਸ਼ੁਰੂ ਵਿੱਚ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
ਇਸ ਫਿਲਮ ਵਿੱਚ ਸੋਨਾਕਸ਼ੀ ਦੇ ਇਲਾਵਾ ਹੁਮਾ ਕੁਰੈਸ਼ੀ ਅਤੇ ਜ਼ਹੀਰ ਇਕਬਾਲ ਵੀ ਨਜ਼ਰ ਆਉਣਗੇ। ਮੁਦੱਸਰ ਅਜ਼ੀਜ ਤੇ ਅਸ਼ਵਿਨ ਵਰਦੇ ਇਸ ਫਿਲਮ ਨੂੰ ਪ੍ਰੋਡਿਊਸ ਕਰ ਰਹੇ ਹਨ। ਫਿਲਮ ਦੀ ਕਹਾਣੀ ਮੋਟਾਪੇ ਦਾ ਸ਼ਿਕਾਰ ਹੋਈਆਂ ਔਰਤਾਂ ਦੇ ਦੁਆਲੇ ਘੁੰਮਦੀ ਹੈ। ਇਸ ਤੋਂ ਪਹਿਲਾਂ ਸੋਨਾਕਸ਼ੀ ਨੇ ਲੰਡਨ ਵਿੱਚ ਇਸ ਫਿਲਮ ਦੇ ਇੱਕ ਮਹੀਨੇ ਦਾ ਸ਼ੂਟਿੰਗ ਸ਼ਡਿਊਲ ਪੂਰਾ ਕੀਤਾ ਹੈ। ਫਿਲਮ ਨੂੰ ਸਤਰਾਮ ਰਮਾਨੀ ਡਾਇਰੈਕਟ ਕਰ ਰਹੇ ਹਨ। ਇਸ ਵਿੱਚ ਆਪਣੇ ਕਿਰਦਾਰਾਂ ਦੇ ਨਾਲ ਨਿਆਂ ਕਰਨ ਲਈ ਸੋਨਾਕਸ਼ੀ ਅਤੇ ਹੁਮਾ ਦੋਵਾਂ ਨੇ ਕਈ ਕਿਲੋ ਵਜ਼ਨ ਵਧਾਇਆ ਹੈ। ਇਹ ਪਹਿਲਾ ਮੌਕਾ ਹੈ, ਜਦ ਦੋਵੇਂ ਕਿਸੇ ਫਿਲਮ ਵਿੱਚ ਇਕੱਠੇ ਨਜ਼ਰ ਆਉਣਗੀਆਂ। ਇਸ ਫਿਲਮ ਦੇ ਇਲਾਵਾ ਸੋਨਾਕਸ਼ੀ ਰੀਮਾ ਕਾਗਤੀ ਅਤੇ ਰੁਚਿਕਾ ਓਬਰਏ ਦੇ ਨਿਰਦੇਸ਼ਨ ਵਿੱਚ ਬਣਨ ਵਾਲੀ ਵੈੱਬ ਸੀਰੀਜ਼ ਨਾਲ ਡਿਜੀਟਲ ਡੈਬਿਊ ਵੀ ਕਰਨ ਜ ਰਹੀ ਹੈ। ਇਸੇ ਸਾਲ ਉਸ ਦੀ ਫਿਲਮ ‘ਭੁਜ : ਦ ਪ੍ਰਾਈਡ ਆਫ ਇੰਡੀਆ’ ਡਿਜ਼ਨੀ ਹੌਟਸਟਾਰ 'ਤੇ ਰਿਲੀਜ਼ ਹੋਈ ਸੀ।