ਡਾਇਰੈਕਟਰ ਐੱਸ ਐੱਸ ਰਾਜਾਮੌਲੀ ਦੀ ਮਲਟੀਸਟਾਰਰ ਫਿਲਮ ‘ਆਰ ਆਰ ਆਰ’ ਵਿੱਚ ਆਲੀਆ ਭੱਟ ਆਪਣੇ ਕਰੀਅਰ ਦੇ ਸਭ ਤੋਂ ਛੋਟੇ ਰੋਲੋ ਵਿੱਚ ਨਜ਼ਰ ਆਏਗੀ। ਦੱਸਿਆ ਗਿਆ ਹੈ ਕਿ ਫਿਲਮ ਵਿੱਚ ਉਸ ਦਾ ਰੋਲ ਮਸਾਂ 15 ਮਿੰਟ ਦਾ ਹੈ। ਪਿੱਛੇ ਜਿਹੇ ਇਸ ਬਾਰੇ ਵਿੱਚ ਆਲਿਆ ਨੇ ਕਿਹਾ, ‘‘ਜਦ ਤੋਂ ਮੈਂ ਫਿਲਮ ਇੰਡਸਟਰੀ ਵਿੱਚ ਡੈਬਿਊ ਕੀਤਾ ਸੀ ਤਦ ਤੋਂ ਮੇਰਾ ਡ੍ਰੀਮ ਸੀ ਕਿ ਮੈਂ ਸੰਜੇ ਲੀਲਾ ਭੰਸਾਲੀ ਅਤੇ ਐੱਸ ਐੱਸ ਰਾਜਾਮੌਲੀ ਨਾਲ ਘੱਟ ਤੋਂ ਘੱਟ ਇੱਕ ਵਾਰ ਕੰਮ ਜ਼ਰੂਰ ਕਰਾਂ। ਅਜਿਹੇ ਵਿੱਚ ਜਦ ਮੈਨੂੰ ‘ਆਰ ਆਰ ਆਰ’ ਦਾ ਆਫਰ ਮਿਲਿਆ ਤਾਂ ਮੈਂ ਇਹ ਨਹੀਂ ਸੋਚਿਆ ਕਿ ਮੇਰਾ ਰੋਲ ਕਿੰਨਾ ਲੰਬਾ ਹੈ। ਰਾਜਾਮੌਲੀ ਨਾਲ ਕੰਮ ਕਨਰਾ ਹੀ ਮੇਰੇ ਲਈ ਕਾਫੀ ਹੈ।”
ਸੂਤਰਾਂ ਦੀ ਮੰਨੀਏ ਤਾਂ ਸਿਰਫ ਆਲੀਆ ਹੀ ਨਹੀਂ, ਫਿਲਮ ਵਿੱਚ ਅਜੈ ਦੇਵਗਨ ਦਾ ਵੀ ਛੋਟਾ ਜਿਹਾ ਹੀ ਰੋਲ ਹੈ। ਉਨ੍ਹਾਂ ਦੇ ਕਿਰਦਾਰ ਦੀ ਲੰਬਾਈ ਸਿਰਫ ਅੱਠ ਮਿੰਟ ਹੈ।