ਲੱਗਦਾ ਹੈ ਕਿ ਕ੍ਰਿਤੀ ਸਨਨ ਡਿਜੀਟਲ ਪਲੇਟਫਾਰਮ ਦੀ ਰਾਣੀ ਬਣਨ ਵਾਲੀ ਹੈ। ਕੁਝ ਸਮਾਂ ਪਹਿਲਾਂ ਉਸ ਦੀ ਫਿਲਮ ‘ਮਿਮੀ' ਓ ਟੀ ਟੀ ਉੱਤੇ ਰਿਲੀਜ਼ ਹੋਈ, ਜਿਸ ਵਿੱਚ ਉਸ ਦੀ ਐਕਟਿੰਗ ਦੀ ਤਾਰੀਫ ਕੀਤੀ ਗਈ। ਅੱਗੋਂ ਉਸ ਦੀ ਅਗਲੀ ਫਿਲਮ ‘ਹਮ ਦੋ ਹਮਾਰੇ ਦੋ' ਡਿਜੀਟਲੀ ਰਿਲੀਜ਼ ਹੋਣ ਵਾਲੀ ਹੈ। ਅਭਿਸ਼ੇਕ ਜੈਨ ਦੇ ਨਿਰਦੇਸ਼ਨ ਵਿੱਚ ਬਣੀ ਇਸ ਫਿਲਮ ਵਿੱਚ ਰਾਜ ਕੁਮਾਰ ਰਾਓ ਉਸ ਦੇ ਨਾਲ ਹੈ। ਫਿਲਮ ਅਗਲੇ ਮਹੀਨੇ ਰਿਲੀਜ਼ ਹੋਵੇਗੀ।
ਫਿਲਹਾਲ ਇਸ ਦਾ ਪ੍ਰੋਮੋ ਆਇਆ ਹੈ ਅਤੇ ਲੋਕ ਸ਼ੋਸ਼ਲ ਕਾਮੇਡੀ ਦੇ ਇਸ ਟੀਜ਼ਰ ਨੂੰ ਕਾਫੀ ਪਸੰਦ ਵੀ ਕਰ ਰਹੇ ਹਨ। ‘ਮਿਮੀ' ਵਿੱਚ ਵੀ ਪਰਦੇ ਉੱਤੇ ਕਾਮੇਡੀ ਦੇ ਕਈ ਹਲਕੇ ਫੁਲਕੇ ਪਲ ਸਨ। ਮੰਨਿਆ ਜਾ ਰਿਹਾ ਹੈ ਕਿ ‘ਹਮ ਦੋ ਹਮਾਰੇ ਦੋ' ਵਿੱਚ ਮਨੋਰੰਜਨ, ਖਾਸ ਕਰ ਕੇ ਕਾਮੇਡੀ ਦਾ ਚੰਗਾ ਖਾਸਾ ਤੜਕਾ ਦਿੱਤਾ ਗਿਆ ਹੈ। ਅਜਿਹੇ ਵਿੱਚ ਕ੍ਰਿਤੀ ਲਈ ਤਾਂ ਡਿਜੀਟਲ ਪਲੇਟਫਾਰਮ ਕਾਫੀ ਸ਼ਾਨਦਾਰ ਨਜ਼ਰ ਆ ਰਿਹਾ ਹੈ।