ਲੁਧਿਆਣਾ, 20 ਅਕਤੂਬਰ (ਪੋਸਟ ਬਿਊਰੋ)- ਥਾਣਾ ਪੀਏ ਯੂ ਦੇ ਇਲਾਕੇ ਹੰਭੜਾਂ ਰੋਡ ਉੱਤੋਂਜਿਊਲਰਸ ਦੀ ਦੁਕਾਨ ਉੱਤੇ ਬਾਈਕ ਸਵਾਰ ਤਿੰਨ ਲੁਟੇਰਿਆਂ ਨੇ ਗੰਨ ਪੁਆਇੰਟ ਉੱਤੇ ਲੱਖਾਂ ਰੁਪਏ ਕੈਸ਼ ਤੇ ਗਹਿਣੇ ਲੁੱਟ ਲਏ। ਇਸ ਵਾਰਦਾਤ ਦੇ ਬਾਅਦ ਜਿਊਲਰ ਏਨਾ ਘਬਰਾ ਗਿਆ ਕੀ ਰੌਲਾ ਵੀ ਨਾ ਪਾ ਸਕਿਆ। ਕੰਟ੍ਰੋਲ ਰੂਮ ਨੂੰ ਦਿੱਤੀ ਸੂਚਨਾ ਦੇ ਬਾਅਦ ਪੁੁਲਸ ਮੌਕੇ ਉੱਤੇ ਪਹੁੰਚੀ। ਪੁਲਸ ਨੇ ਦੁਕਾਨ ਮਾਲਕ ਦੇ ਬਿਆਨ ਲੈ ਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਹੰਭੜਾਂ ਰੋਡ ਉੱਤੇ ਸ਼੍ਰੀ ਰਾਮਸ਼ਰਣਮ ਦੇ ਨੇੜੇ ਬਾਵਾ ਮਾਰਕੀਟ ਵਿੱਚ ਸਤਗੁਰੂ ਜਿਊਲਸਰ ਨਾਮ ਉਤੇ ਦੁਕਾਨ ਦੇ ਮਾਲਕ ਕਿਰਨ ਵਰਮਾ ਨੇ ਦੱਸਿਆ ਕਿ ਉਹ ਦੁਕਾਨ ਵਿੱਚ ਬੈਠਾ ਹੋਇਆ ਸੀ। ਅਚਾਨਕ ਦੋ ਨੌਜਵਾਨ ਅੰਦਰ ਵੜੇ, ਜਿਨ੍ਹਾਂ ਦੇ ਮੂੰਹ ਢੱਕੇ ਹੋਏ ਸੀ। ਉਨ੍ਹਾਂ ਦੋਵਾਂ ਦੇ ਹੱਥ ਵਿੱਚ ਪਿਸਤੌਲ ਸੀ। ਨੌਜਵਾਨਾਂ ਨੇ ਆਉਂਦੇ ਸਾਰ ਉਸਦੀ ਕੰਨਪਟੀ ਉੱਤੇ ਪਿਸਤੌਲ ਰੱਖ ਦਿੱਤੀ ਅਤੇ ਕਿਹਾ ਕਿ ਚੁੱਪ ਰਹੋ, ਵਰਨਾ ਗੋਲੀ ਮਾਰ ਦੇਵਾਂਗੇ। ਕਿਰਨ ਵਰਮਾ ਦੇ ਮੁਤਾਬਕ ਉਹ ਬਿਲਕੁੱਲ ਡਰ ਗਿਆ ਅਤੇ ਚੁੱਪ ਹੋ ਕੇ ਬੈਠ ਗਿਆ। ਇਸ ਪਿੱਛੋਂ ਨੌਜਵਾਨਾਂ ਨੇ ਤਿਜ਼ੋਰੀ ਖੋਲ੍ਹੀ ਅਤੇ ਉਸ ਵਿੱਚ ਸਾਰੇ ਗਹਿਣੇ ਕੱਢਣ ਲਏ ਅਤੇ ਦਰਾਜ਼ ਅਤੇ ਉਸਦੀ ਜੇਬ ਵਿੱਚ ਪਿਆ ਕੈਸ਼ ਵੀ ਕੱਢ ਲਿਆ। ਲੁਟੇਰਿਆਂ ਨੇ ਜਾਂਦੇ ਹੋਏ ਉਸ ਨੂੰ ਧਮਕਾਇਆ ਕਿ ਜੇ ਪੁਲਸ ਨੂੰ ਬੁਲਾਇਆ ਤਾਂ ਚੰਗਾ ਨਹੀਂ ਹੋਵੇਗਾ। ਇਸ ਪਿੱਛੋਂ ਉਹ ਬਾਹਰ ਗਏ ਤਾਂ ਉਨ੍ਹਾਂ ਦਾ ਤੀਸਰਾ ਸਾਥੀ ਪਹਿਲਾਂ ਤੋਂ ਬਾਈਕ ਸਟਾਰਟ ਕਰ ਖੜ੍ਹਾ ਸੀ। ਤਿੰਨੇ ਜਣੇ ਇੱਕ ਬਾਈਕ ਉੱਤੇ ਬੈਠ ਕੇ ਹੰਭੜਾਂ ਵੱਲ ਚਲੇ ਗਏ। ਕਿਰਨ ਮੁਤਾਬਕ ਲੁਟੇਰੇ ਕਰੀਬ ਤਿੰਨ ਲੱਖ ਦਾ ਕੈਸ਼ ਅਤੇ ਕਰੀਬ ਸੱਤ ਲੱਖ ਦੇ ਗਹਿਣੇ ਲੈ ਗਏ।