ਕਲਾਕਾਰ ਅਤੇ ਰੀਅਲ ਲਾਈਫ ਵਿੱਚ ਪਤੀ-ਪਤਨੀ ਗੁਰਮੀਤ ਚੌਧਰੀ ਤੇ ਦੇਬੀਨਾ ਬੈਨਰਜੀ ਨੇ ਕਰੀਬ 11 ਸਾਲ ਬਾਅਦ ਇੱਕ ਦੂਸਰੇ ਨਾਲ ਕੰਮ ਕੀਤਾ। ਦੋਵੇਂ ਪਿੱਛੇ ਜਿਹੇ ਰਿਲੀਜ਼ ਹੋਈ ਸ਼ਾਰਟ ਫਿਲਮ ‘ਸ਼ੁਭੋ ਬਿਜੋਇ’ਵਿੱਚ ਨਜ਼ਰ ਆਏ ਹਨ। ਇਸ ਤੋਂ ਪਹਿਲਾਂ ਦੋਵੇਂ ‘ਰਾਮਾਇਣ’ ਸੀਰੀਅਲ ਵਿੱਚ ਰਾਮ ਅਤੇ ਸੀਤਾ ਦੇ ਕਿਰਦਾਰ ਵਿੱਚ ਦਿੱਸੇ ਸਨ। 11 ਸਾਲ ਬਾਅਦ ਦੋਬਾਰਾ ਇਕੱਠੇ ਕੰਮ ਕਰਨ ਬਾਰੇ ਦੇਬਿਨਾ ਦਾ ਕਹਿਣਾ ਹੈ, ‘ਪਹਿਲਾਂ ਅਸੀਂ ਇੰਨੇ ਮੈਚਿਓਰ ਨਹੀਂ ਸੀ, ਕਈ ਵਾਰ ਨਾਰਾਜ਼ ਹੋ ਜਾਂਦੇ ਸੀ। ਇਸ ਵੇਲੇ ਏਦਾਂ ਨਹੀਂ ਹੈ। ਸਾਨੂੰ ਸਮਝ ਆ ਗਿਆ ਹੈ ਕਿ ਸਾਡਾ ਕੰਮ ਕਰਨ ਦਾ ਤਰੀਕਾ ਅਲੱਗ ਹੈ, ਅਸੀਂ ਆਪਣੀ ਤਿਆਰੀ ਅਲੱਗ-ਅਲੱਗ ਕਰਦੇ ਹਾਂ, ਤਦ ਹੀ ਕੰਮ ਵਿੱਚ ਨਵਾਂਪਣ ਆਉਂਦਾ ਹੈ।’
ਗੁਰਮੀਤ ਨੇ ਕਿਹਾ, ‘ਸ਼ਾਰਟ ਫਿਲਮ ਦੀ ਖਾਸੀਅਤ ਇਹ ਹੁੰਦੀ ਹੈ ਕਿ ਘੱਟ ਸਮੇਂ ਵਿੱਚ ਤੁਹਾਨੂੰ ਚੰਗਾ ਕੰਮ ਕਰ ਕੇ ਦਿਖਾਉਣ ਦਾ ਮੌਕਾ ਮਿਲਦਾ ਹੈ। ਆਪਣਾ ਟੈਲੇਂਟ ਵੱਧ ਤੋਂ ਵੱਧ ਲੋਕਾਂ ਤੱਕ ਪਹੁੰਚਾ ਸਕਦੇ ਹੋ। ਇਸ ਸ਼ਾਰਟ ਫਿਲਮ ਵਿੱਚ ਮੈਂ ਨੇਤਰਹੀਣ ਦਾ ਕਿਰਦਾਰ ਨਿਭਾਇਆ ਹੈ। ਅੱਜ ਕੱਲ੍ਹ ਲੋਕ ਵਰਲਡ ਸਿਨੇਮਾ ਦੇਖ ਰਹੇ ਹਨ। ਇਸ ਲਈ ਮੈਨੂੰ ਆਪਣੀ ਤਿਆਰੀ ਕਰਨੀ ਪਈ। ਅੱਖਾਂ ਬੰਦ ਕਰ ਕੇ ਨੇਤਰਹੀਣ ਦੀ ਐਕਟਿੰਗ ਨਹੀਂ ਕਰ ਸਕਦੇ। ਚਾਰ ਦਿਨਾਂ ਵਿੱਚ ਇਸ ਫਿਲਮ ਦੀ ਸ਼ੂਟਿੰਗ ਹੋਈ ਹੈ, ਪਰ ਮੇਰੀ ਟਰੇਨਿੰਗ ਸੱਤ ਦਿਨ ਚੱਲੀ ਸੀ। ਜੋ ਦੇਖ ਨਹੀਂ ਸਕਦੇ ਹਨ, ਉਹ ਕਿਵੇਂ ਚੱਲਦੇ ਹਨ, ਨੋਟ ਜਾਂ ਸਿੱਕਾ ਕਿਵੇਂ ਪਛਾਣਦੇ ਹਨ, ਇਹ ਸਭ ਸਿੱਖ ਕੇ ਮੈਂ ਸ਼ੂਟਿੰਗ ਸ਼ੁਰੂ ਕੀਤੀ ਸੀ।’