ਚੇਨਈ, 18 ਅਕਤੂਬਰ (ਪੋਸਟ ਬਿਊਰੋ)- ਹਿੰਦੂ ਧਾਰਮਿਕ ਅਤੇ ਧਰਮਾਰਥ ਬੰਦੋਬਸਤੀ (ਐਚ ਐਂਡ ਸੀ ਈ) ਵਿਭਾਗ ਵੱਲੋਂ ਆਪਣੇ ਕਾਲਜ ਵਿੱਚ ਵੱਖ-ਵੱਖ ਅਹੁਦਿਆਂ ਲਈ ਸਿਰਫ ਹਿੰਦੂਆਂ ਨੂੰ ਨੌਕਰੀ ਦਾ ਸੱਦਾ ਦੇਣ ਦੇ ਇੱਕ ਇਸ਼ਤਿਹਾਰ ਨੇ ਇਸ ਰਾਜ ਵਿੱਚ ਹੰਗਾਮਾ ਖੜ੍ਹਾ ਕਰ ਦਿੱਤਾ ਹੈ। ਇਸ ਇਸ਼ਤਿਹਾਰ ਵਿਰੁੱਧ ਕਈ ਵਿਅਕਤੀ ਅਤੇ ਸੰਗਠਨ ਬੋਲ ਰਹੇ ਹਨ। 13 ਅਕਤੂਬਰ ਨੂੰ ਵੱਖ-ਵੱਖ ਅਖਬਾਰਾਂ ਵਿੱਚ ਛਾਪੇ ਗਏ ਇਸ਼ਤਿਹਾਰ ਵਿੱਚ ਕੋਲਾਥੁਰ ਦੇ ਅਰੁਲਮਿੰਗੁ ਕਪਾਲੇਸ਼ਵਰ ਆਰਟਸ ਐਂਡ ਸਾਇੰਸ ਸਰਕਾਰੀ ਕਾਲਜ ਦੇ ਵੱਖ-ਵੱਖ ਟੀਚਿੰਗ ਅਤੇ ਨਾਨ ਟੀਚਿੰਗ ਅਹੁਦਿਆਂ ਲਈ ਅਰਜ਼ੀਆਂ ਮੰਗੀਆਂ ਗਈਆਂ ਹਨ। ਇਸ ਵਿੱਚ ਕਿਹਾ ਗਿਆ ਹੈ ਕਿ ਇਹ ਅਹੁਦੇ ਸਿਰਫ ਹਿੰਦੂਆਂ ਲਈ ਹਨ।
ਮੀਡੀਆ ਰਿਪੋਰਟਾਂ ਮੁਤਾਬਕ ਐਚ ਆਰ ਐਂਡ ਸੀ ਈ ਵਿਭਾਗ 2021-22 ਤਕ ਆਪਣੇ ਚਾਰ ਨਵੇਂ ਕਾਲਜ ਖੋਲ੍ਹ ਰਿਹਾ ਹੈ। ਇਸ਼ਤਿਹਾਰ ਵਿੱਚ ਬੀ ਕਾਮ, ਬੀ ਬੀ ਏ, ਬੀ ਐਸ ਸੀ ਕੰਪਿਊਟਰ ਸਾਇੰਸ, ਬੀ ਸੀ ਏ, ਤਾਮਿਲ, ਅੰਗੇਰਜ਼ੀ ਗਣਿਤ ਸਿਲੇਬਸ ਪੜ੍ਹਾਉਣ ਲਈ ਸਹਾਇਕ ਪ੍ਰੋਫੈਸਰ ਦੇ ਅਹੁਦੇ ਦੇ ਨਾਲ-ਨਾਲ ਸਰੀਰਕ ਸਿੱਖਿਆ ਡਾਇਰੈਕਟਰ ਅਤੇ ਲਾਇਬ੍ਰੇਰੀਅਨ ਲਈ ਵਾਕ-ਇਨ-ਇੰਟਰਵਿਊ ਕਰ ਰਿਹਾ ਹੈ।ਦਫਤਰੀ ਸਹਾਇਕ, ਜੂਨੀਅਰ ਸਹਾਇਕ, ਚੌਕੀਦਾਰ ਅਤੇ ਸਵੀਪਰ ਸਮੇਤ ਨਾਨ-ਟੀਚਿੰਗ ਮੁਲਾਜ਼ਮਾਂ ਲਈ ਵਾਕ-ਇਨ-ਇੰਟਰਵਿਊ ਹੋਈ ਸੀ। ਇਸ਼ਤਿਹਾਰ ਵਿੱਚ ਕਿਹਾ ਗਿਆ ਹੈ ਕਿ ਅਹੁਦਿਆਂ ਲਈ ਸਿਰਫ ਹਿੰਦੂਆਂ ਨੂੰ ਅਰਜ਼ੀ ਦੇਣ ਦੀ ਆਗਿਆ ਹੈ। ਇਸ ਕਾਰਨ ਵੱਡਾ ਹੰਗਾਮਾ ਖੜ੍ਹਾ ਹੋ ਗਿਆ ਹੈ।