ਇਸਲਾਮਾਬਾਦ, 17 ਅਕਤੂਬਰ (ਪੋਸਟ ਬਿਊਰੋ)- ਚੀਨ ਨੇ ਆਪਣੇ ਸਦਾ-ਬਹਾਰ ਮਿੱਤਰ ਪਾਕਿਸਤਾਨ ਨੂੰ ਅੱਖਾਂ ਦਿਖਾ ਕੇ ਸ਼ਰਤ ਰੱਖੀ ਹੈ ਕਿ ਜਦੋਂ ਤਕ ਇੰਜੀਨੀਅਰਾਂ ਦੀ ਮੌਤ ਉੱਤੇ 285 ਕਰੋੜ ਰੁਪਏ ਦੇ ਮੁਆਵਜ਼ੇ ਦਾ ਭੁਗਤਾਨ ਨਹੀਂ ਹੋ ਜਾਂਦਾ, ਓਦੋਂ ਤਕ ਬਿਜਲੀ ਪ੍ਰੋਜੈਕਟ ਦਾਸੂ ਡੈਮ ਦਾ ਕੰਮ ਦੁਬਾਰਾ ਸ਼ੁਰੂ ਨਹੀਂ ਹੋਵੇਗਾ।
ਜਲ ਸਰੋਤ ਮੰਤਰਾਲੇ ਦੇ ਸੈਕਟਰੀ ਡਾਕਟਰ ਸ਼ਾਹਜੇਬ ਖਾਨ ਬੰਗਸ ਦੇਦੱਸਣ ਮੁਤਾਬਕ ਚੀਨੀ ਇੰਜੀਨੀਅਰਾਂ ਉੱਤੇਜੁਲਾਈ ਵਿੱਚ ਹਮਲੇ ਤੋਂ ਬਾਅਦ ਪ੍ਰੋਜੈਕਟ ਵਿੱਚ ਸਿਵਲ ਉਸਾਰੀ ਦਾ ਕੰਮ ਠੱਪ ਹੈ। ਵਿਦੇਸ਼ ਮੰਤਰਾਲਾ, ਵਿੱਤ ਮੰਤਰਾਲਾ, ਅੰਦਰੂਨੀ ਮੰਤਰਾਲਾ, ਜਲ ਸਰੋਤ ਮੰਤਰਾਲਾ ਅਤੇ ਚੀਨੀ ਦੂਤਘਰ ਮੁਆਵਜ਼ੇ ਦੇ ਪੈਕੇਜ ਦੇ ਨਾਲ ਪ੍ਰੋਜੈਕਟ ਉੱਤੇ ਫਿਰ ਤੋਂ ਕਾਰਜ ਸ਼ੁਰੂ ਕਰਨ ਸਬੰਧੀ ਕੰਮ ਕਰ ਰਹੇ ਹਨ।ਸੂਤਰਾਂ ਮੁਤਾਬਕ ਸਬੰਧਤ ਮੰਤਰਾਲਿਆਂ ਦੇ ਸੈਕਟਰੀਆਂ ਦੀ ਕਮੇਟੀ ਚੀਨੀ ਸਰਕਾਰ ਵੱਲੋਂ ਮੰਗੇ ਗਏ ਮੁਆਵਜ਼ੇ ਦੀ ਮਾਤਰਾ ਬਾਰੇ ਚਰਚਾ ਕਰ ਰਹੀ ਹੈ। ਸੂਤਰਾਂ ਮੁਤਾਬਕ ਇਸ ਮਾਮਲੇ ਬਾਰੇ ਕਮੇਟੀ ਨੇ ਇੱਕ ਉਪ ਕਮੇਟੀ ਬਣਾਈ ਹੈ, ਜਿਸ ਵਿੱਚ ਸਾਰੇ ਸਬੰਧਤ ਮੰਤਰਾਲੇ ਸ਼ਾਮਲ ਹਨ।
ਵਰਨਣ ਯੋਗ ਹੈ ਕਿ 14 ਜੁਲਾਈ ਨੂੰ ਵਿਸਫੋਟਕ ਪਦਾਰਥਾਂ ਨਾਲ ਲੱਦੀ ਇੱਕ ਕਾਰ ਨਾਲ ਟੱਕਰ ਪਿੱਛੋਂ ਕੰਮ ਉੱਤੇ ਜਾਦੀ ਬੱਸ ਦਰਿਆ ਵਿੱਚ ਡਿੱਗ ਗਈ ਤੇ ਇਸ ਵਿੱਚ ਨੌਂ ਚੀਨੀ ਇੰਜੀਨੀਅਰ, ਦੋ ਸਥਾਨਕ ਤੇ ਫਰੰਟੀਅਰ ਫੋਰਸ (ਐਫ ਸੀ) ਦੇ ਦੋ ਮੁਲਾਜ਼ਮਾਂ ਸਮੇਤ 13 ਲੋਕ ਮਾਰੇ ਗਏ ਸਨ ਅਤੇ ਦੋ ਦਰਜਨ ਤੋਂ ਵੱਧ ਜ਼ਖਮੀ ਹੋਏ ਸਨ।ਸੂਤਰਾਂ ਮੁਤਾਬਕ ਜਲ ਸਰੋਤਮੰਤਰਾਲੇ ਦੇ ਸੈਕਟਰੀ ਨੂੰ ਆਸ ਹੈ ਕਿ ਮੁਆਵਜ਼ੇ ਦੇ ਮੁੱਦੇ ਨੂੰ ਇੱਕ-ਦੋ ਹਫਤੇ ਦੇ ਅੰਦਰ ਹੱਲ ਕਰ ਲਿਆ ਜਾਵੇਗਾ। ਇਸ ਦੇ ਬਾਅਦ ਸਾਈਟ ਉੱਤੇ ਸਿਵਲ ਵਰਕ ਫਿਰ ਤੋਂ ਸ਼ੁਰੂ ਹੋ ਜਾਏਗਾ।