ਲੰਡਨ, 16 ਅਕਤਬੂਰ (ਪੋਸਟ ਬਿਊਰੋ)- ਬ੍ਰਿਟੇਨ ਦੇ ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਨਿੱਜੀ ਲੈਬਾਂ ਵਿੱਚ ਪ੍ਰੀਖਣ ਕਰਵਾਉਣ ਵਾਲੇ 43 ਹਜ਼ਾਰ ਲੋਕਾਂ ਨੂੰ ਗ਼ਲਤ ਢੰਗ ਨਾਲ ਕੋਰੋਨਾ ਇਨਫੈਕਟਿਡ ਦੱਸਿਆ ਗਿਆ ਹੈ।
ਇਸ ਬਾਰੇ ਬ੍ਰਿਟੇਨ ਦੀ ਸਿਹਤ ਸੇਵਾ ਸੁਰੱਖਿਆ ਏਜੰਸੀ ਦੇ ਮੁਤਾਬਕ ਇੰਗਲੈਂਡ ਦੇ ਵੂਲਵਰਹੈਂਪਟਨ ਦੇ ਇਮੈਂਸਾ ਹੈਲਥ ਕਲੀਨਿਕ ਲੈਬ ਵਿੱਚ ਸਵੈਬ ਦੇ ਨਮੂਨੇ ਦਾ ਗ਼ਲਤ ਨਤੀਜਾ ਕੱਢ ਕੇ 40 ਹਜ਼ਾਰ ਤੋਂ ਵੱਧ ਮਰੀਜ਼ਾਂ ਨੂੰ ਪੀ ਸੀ ਆਰ ਟੈਸਟ ਵਿੱਚ ਗ਼ਲਤ ਤਰੀਕੇ ਨਾਲ ਕੋਰੋਨਾ ਇਨਫੈਕਟਿਡ ਨਹੀਂ ਮੰਨਿਆ ਗਿਆ।
ਇਸ ਦੌਰਾਨ ਇਟਲੀ ਵਿੱਚ ਮੁਜ਼ਾਹਰੇ ਦੌਰਾਨ ਕੋਰੋਨਾ ਤੋਂ ਬਚਾਅ ਦੇ ਉਪਾਵਾਂ ਵਿੱਚ ਰੁਕਾਵਟ ਪਈ ਹੈ। ਕੱਲ੍ਹ ਸਾਰੇ ਮੁਲਾਜ਼ਮਾਂ (ਘਰੇਲੂ ਸਹਾਇਕਾਂ ਤੋਂ ਮੈਜਿਸਟ੍ਰੇਟ ਤੱਕ) ਨੂੰ ਸਿਹਤ ਪਾਸ ਦਿਖਾ ਕੇ ਆਪਣੇ ਕੰਮ ਉੱਤੇ ਜਾਣ ਨੂੰ ਕਿਹਾ ਗਿਆ ਸੀ। ਇਸ ਦੇ ਖ਼ਿਲਾਫ਼ ਜਾਰੀ ਵਿਰੋਧ ਮੁਜ਼ਾਹਰਿਆਂ ਕਾਰਨ ਸਕੂਲਾਂ ਵਿੱਚ ਛੇਤੀ ਛੁੱਟੀ ਕਰ ਦਿੱਤੀ ਗਈ ਤੇ ਰੋਮ ਵਿੱਚ ਵੱਖ-ਵੱਖ ਅੰਬੈਸੀਆਂ ਨੇ ਹਿੰਸਾ ਦੇ ਖ਼ਦਸ਼ੇ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਵਿਸ਼ੇਸ਼ ਐਡਵਾਇਜ਼ਰੀ ਜਾਰੀ ਕੀਤੀ ਸੀ।