ਲੰਡਨ, 13 ਅਕਤੂਬਰ (ਪੋਸਟ ਬਿਊਰੋ)- ਹਰ ਕੋਈ ਆਪਣੇ ਚਾਹੁਣ ਵਾਲਿਆਂ ਦੀ ਲੰਬੀ ਉਮਰ ਦੀ ਕਾਮਨਾ ਕਰਦਾ ਹੈ, ਪਰ ਇਹ ਹੁੰਦਾ ਨਹੀਂ, ਫਿਰ ਵੀ ਦੁਨੀਆ ਵਿੱਚ ਦੋ ਪਿੰਡ ਅਜਿਹੇ ਹਨ, ਜਿੱਥੇ ਔਰਤਾਂ ਦੀ ਉਮਰ ਐਕਸਪੈਕਟੈਂਸੀ ਔਸਤ 95 ਸਾਲ ਹੈ। ਰਿਪੋਰਟ ਮੁਤਾਬਕ ਇੱਥੋਂ ਦੀਆਂ ਔਰਤਾਂ ਏਥੇ ਮਰਦਾਂ ਤੋਂ ਵੱਧ ਸਮਾਂ ਜਿਉਂਦੀਆਂ ਹਨ।
ਇਹ ਦੋਵੇਂ ਪਿੰਡ ਇੰਗਲੈਂਡ ਵਿੱਚ ਮੌਜੂਦ ਹਨ। ਇੱਕ ਰਿਪੋਰਟ ਮੁਤਾਬਕ ਇੰਗਲੈਂਡ ਦੇ ਡੇਟਲਿੰਗ ਤੇ ਥਰਨਹਸ ਪਿੰਡਾਂ ਵਿੱਚ ਲਾਈਫ ਐਕਸਪੈਕਟੈਂਸੀ ਇੰਨੀ ਹੈ ਕਿ ਉਸ ਬਾਰੇ ਜਾਣ ਕੇ ਹਰ ਕੋਈ ਹੈਰਾਨ ਹੋ ਜਾਏ। ਇਨ੍ਹਾਂ ਦੋਵਾਂ ਪਿੰਡਾਂ ਵਿਚ ਔਰਤਾਂ ਦੀ ਔਸਤ ਉਮਰ 95 ਸਾਲ ਹੈ। ਪੂਰੇ ਬ੍ਰਿਟੇਨ ਵਿੱਚ ਲੋਕਾਂ ਦਾ ਔਸਤ ਜੀਵਨ 83 ਸਾਲ ਹੈ। ਇਸ ਹਿਸਾਬ ਨਾਲ ਇੰਗਲੈਂਡ ਦੇ ਦੋਵਾਂ ਪਿੰਡਾਂ ਵਿੱਚ ਔਰਤਾਂ 12 ਸਾਲ ਵੱਧ ਜਿਊਂਦੀਆਂ ਹਨ। ਉਥੋਂ ਦੇ ਮਰਦ ਘੱਟੋ-ਘੱਟ 86 ਸਾਲ ਜਿਊਂਦੇ ਹਨ। ਇਸ ਰਿਪੋਰਟ ਮੁਤਾਬਕ ਇੰਗਲੈਂਡ ਦੇ ਇਨ੍ਹਾਂ ਦੋ ਪਿੰਡਾਂ ਦੇ ਲੋਕ ਸਭ ਤੋਂ ਲੰਬੇ ਸਮੇਂ ਤਕ ਜਿਉਂਦੇ ਹਨ। ਇਨ੍ਹਾਂ ਦੋਵਾਂ ਵਿੱਚ ਪਬ ਅਤੇ ਦਫਤਰ ਵਿੱਚ ਸਮੋਕਿੰਗ ਦੀ ਪਾਬੰਦੀ ਹੈ। ਦੋਵਾਂ ਪਿੰਡਾਂ ਦੇ ਲੋਕਾਂ ਨੇ ਸਾਰੇ ਦੇਸ਼ ਵਿੱਚ ਇਹ ਸਿਸਟਮ ਲਾਗੂ ਹੋਣ ਤੋਂ ਸੱਤ ਸਾਲ ਪਹਿਲਾਂ ਏਥੇ ਲਾਗੂ ਕਰ ਦਿੱਤਾ ਸੀ। ਡੈਟਲਿੰਗ ਵਿੱਚ ਤਕਰੀਬਨ 800 ਲੋਕ ਰਹਿੰਦੇ ਹਨ।