ਲੰਡਨ, 7 ਅਕਤੂਬਰ, (ਪੋਸਟ ਬਿਊਰੋ)-ਭਾਰਤ ਸਰਕਾਰ ਵੱਲੋਂਸਖਤ ਸਟੈਂਡ ਲਏ ਜਾਣ ਪਿੱਛੋਂ ਬ੍ਰਿਟੇਨ ਦੀ ਸਰਕਾਰ ਨੂੰ ਝੁਕਣਾ ਪਿਆ ਹੈ ਤੇ ਉਸ ਨੇ ਨਰਮ ਰੁਖ ਧਾਰਨ ਕਰਦੇ ਹੋਏ ਇਕਾਂਤਵਾਸ ਨਿਯਮ ਬਦਲੇ ਹਨ। ਬ੍ਰਿਟੇਨ ਸਰਕਾਰ ਨੇ ਪੂਰੀ ਤਰ੍ਹਾਂ ਟੀਕਾਕਰਨ ਕਰਵਾ ਚੁੱਕੇ ਭਾਰਤੀ ਲੋਕਾਂ ਲਈ 11 ਅਕਤੂਬਰ ਤੋਂ ਇਕਾਂਤਵਾਸ ਦੇ ਨਿਯਮ ਹਟਾ ਦਿੱਤੇ ਹਨ। ਭਾਰਤਵਿੱਚ ਬ੍ਰਿਟਿਸ਼ ਹਾਈ ਕਮਿਸ਼ਨਰ ਐਲੇਕਸ ਐਲਿਸ ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ।
ਇਸ ਸੰਬੰਧ ਵਿੱਚ ਬ੍ਰਿਟਿਸ਼ ਹਾਈ ਕਮਿਸ਼ਨਰ ਐਲੇਕਸ ਐਲਿਸ ਨੇ ਅੱਜ ਵੀਰਵਾਰ ਐਲਾਨ ਕੀਤਾ ਕਿ ਬ੍ਰਿਟੇਨ ਨੇ ਭਾਰਤੀ ਯਾਤਰੀਆਂ ਨੂੰ ਛੋਟ ਦੇਣ ਦਾ ਫੈਸਲਾ ਕੀਤਾ ਹੈ ਤਾਂ ਜੋ ਕੋਵਿਸ਼ੀਲਡ ਜਾਂ ਬ੍ਰਿਟਿਸ਼ ਸਰਕਾਰ ਵੱਲੋਂ ਮਨਜ਼ੂਰ ਕਿਸੇ ਹੋਰਵੈਕਸੀਨ ਨਾਲ ਫੁਲੀ-ਵੈਕਸੀਨਿਟੇਡ ਭਾਰਤੀ ਲੋਕਾਂ ਨੂੰ 11 ਅਕਤੂਬਰ ਤੋਂ ਬ੍ਰਿਟੇਨਵਿੱਚਜਾਣ ਉੱਤੇ ਇਕਾਂਤਵਾਸ ਤੋਂ ਛੋਟ ਦਿੱਤੀ ਜਾਵੇਗੀ।ਅਸਲ ਵਿੱਚ ਬ੍ਰਿਟੇਨ ਨੇ ਕੋਵਿਡ ਕੇਸਾਂ ਕਾਰਨਤੱਕ ਫੁਲੀ ਵੈਕਸੀਨਿਟੇਡ ਭਾਰਤੀ ਲੋਕਾਂ ਨੂੰ ਵੀ 10 ਦਿਨ ਇਕਾਂਤਵਾਸਵਿੱਚਰੱਖਣ ਦਾ ਨਿਯਮ ਰੱਖਿਆ ਸੀ। ਭਾਰਤ ਦੇ ਕੋਵਿਡ-19 ਵੈਕਸੀਨ ਸਰਟੀਫਿਕੇਸ਼ਨ ਬਾਰੇ ਬ੍ਰਿਟੇਨ ਨੂੰ ਕੁਝ ਇਤਰਾਜ਼ ਸੀ। ਬ੍ਰਿਟੇਨ ਨੇ ਪਹਿਲਾਂ ਸੀਰਮ ਇੰਸਟੀਚਿਊਟ ਆਫ ਇੰਡੀਆ ਦੀ ਕੋਵਿਸ਼ੀਲਡ ਦੀ ਵੈਕਸੀਨ ਨੂੰ ਮਾਨਤਾ ਦੇਣ ਤੋਂ ਇਨਕਾਰ ਕਰ ਦਿੱਤਾ ਸੀ, ਪਰ ਭਾਰਤ ਦੇ ਸਖਤ ਰੁੱਖ ਪਿੱਛੋਂ ਇਸ ਨੇ 22 ਸਤੰਬਰ ਨੂੰ ਆਪਣੇ ਦਿਸ਼ਾ-ਨਿਰਦੇਸ਼ਵਿੱਚ ਬਦਲਾਅ ਕੀਤਾ ਅਤੇ ਵੈਕਸੀਨ ਨੂੰ ਸ਼ਾਮਲ ਕੀਤਾ ਗਿਆ ਹੈ।