ਓਨਟਾਰੀਓ, 7 ਅਕਤੂਬਰ (ਪੋਸਟ ਬਿਊਰੋ) : ਬੁੱਧਵਾਰ ਨੂੰ ਕਾਫੀ ਦੇਰ ਸਰਵਿਸ ਵਿੱਚ ਵਿਘਣ ਪੈਣ ਤੋਂ ਬਾਅਦ ਓਨਟਾਰੀਓ, ਕਿਊਬਿਕ ਤੇ ਮੈਨੀਟੋਬਾ ਦੇ ਟੈਲਅਸ ਕਸਟਮਰਜ਼ ਲਈ ਇੱਕ ਵਾਰੀ ਫਿਰ ਸੈਲੂਲਰ ਸੇਵਾਵਾਂ ਸ਼ੁਰੂ ਹੋ ਗਈਆਂ।
ਕਈ ਟੈਲਅਸ ਕਸਟਮਰਜ਼ ਵੱਲੋਂ ਇਹ ਸਿ਼ਕਾਇਤ ਕੀਤੀ ਗਈ ਸੀ ਕਿ ਉਨ੍ਹਾਂ ਦੇ ਫੋਨਜ਼ ਉੱਤੇ ਕੋਈ ਸਰਵਿਸ ਨਹੀਂ ਮਿਲ ਰਹੀ ਤੇ ਨਾ ਹੀ ਉਹ ਕੋਈ ਕਾਲ ਕਰ ਪਾ ਰਹੇ ਹਨ ਤੇ ਨਾ ਹੀ ਉਨ੍ਹਾਂ ਦੇ ਮੈਸੇਜ ਹੀ ਅੱਗੇ ਜਾ ਰਹੇ ਹਨ। ਟੈਲਅਸ ਦੇ ਇੱਕ ਬੁਲਾਰੇ ਨੇ ਦੱਸਿਆ ਕਿ ਸ਼ਾਮੀਂ 6:00 ਵਜੇ ਸਾਰੇ ਕਸਟਮਰਜ਼ ਲਈ ਸੇਵਾਵਾਂ ਬਹਾਲ ਕਰ ਦਿੱਤੀਆਂ ਗਈਆਂ।
ਕੰਪਨੀ ਨੇ ਆਖਿਆ ਕਿ ਸੇਵਾਵਾਂ ਵਿੱਚ ਵਿਘਣ ਪੈਣ ਲਈ ਉਹ ਆਪਣੇ ਸਾਰੇ ਗਾਹਕਾਂ ਤੋਂ ਮੁਆਫੀ ਮੰਗਦੀ ਹੈ। ਸੇਵਾਵਾਂ ਵਿੱਚ ਵਿਘਣ ਪੈਣ ਦੇ ਕਾਰਨ ਦੀ ਜਾਣਕਾਰੀ ਨਹੀਂ ਦਿੱਤੀ ਗਈ।