ਬੈਂਗਲੁਰੂ, 27 ਸਤੰਬਰ, (ਪੋਸਟ ਬਿਊਰੋ)- ਭਾਰਤ ਸਰਕਾਰ ਦੇ ਖੇਤੀਬਾੜੀ ਕਾਨੂੰਨਾਂ ਵਿਰੁੱਧ ਅੱਜ ਕਿਸਾਨਾਂ ਨੇ ਜਦੋਂ ਦੇਸ਼ਵਿਚ ਭਾਰਤ ਬੰਦ ਦਾ ਸੱਦਾ ਦਿੱਤਾ ਤਾਂ ਇਸ ਦੌਰਾਨ ਕਰਨਾਟਕਾ ਦੀ ਰਾਜਧਾਨੀ ਬੈਂਗਲੁਰੂ ਵਿਚ ਇੱਕ ਕਿਸਾਨ ਨੇਤਾ ਵੱਲੋਂਐੱਸ ਯੂ ਵੀ ਗੱਡੀ ਪੁਲਸ ਦੇ ਐੱਸ ਪੀ ਪੱਧਰ ਦੇ ਅਫਸਰ ਡੀ ਸੀ ਪੀ ਦੇ ਪੈਰ ਉੱਤੇ ਚੜ੍ਹਾ ਦਿੱਤੀ ਗਈ।ਸਮਾਂ ਰਹਿੰਦੇ ਤੋਂ ਹੋਰ ਪੁਲਸ ਮੁਲਾਜ਼ਮਾਂ ਨੇ ਡੀ ਸੀ ਪੀਦਾ ਪੈਰ ਉਸ ਕਾਰ ਦੇ ਪਹੀਏ ਹੇਠੋਂ ਖਿੱਚ ਲਿਆ।ਬੈਂਗਲੁਰੂ ਵਿਚ ਹੋਈ ਇਸ ਘਟਨਾ ਦੌਰਾਨਡੀ ਸੀ ਪੀ ਧਰਮੇਂਦਰ ਕੁਮਾਰ ਮੀਨਾ ਨੂੰ ਹੱਲਕੀ ਸੱਟ ਲੱਗੀ ਹੈ।
ਇਹ ਓਦੋਂ ਹੋਇਆ, ਜਦੋਂ ਵਿਰੋਧ ਪ੍ਰਦਰਸ਼ਨ ਚੱਲ ਰਿਹਾ ਸੀਤੇਡੀ ਸੀ ਪੀ ਅਤੇ ਹੋਰ ਪੁਲਸ ਵਾਲੇ ਤੁਮਕੁਰ ਰੋਡ ਉੱਤੇ ਬਣੇ ਗੋਰਾਗੁੰਟੇ ਪਾਲਿਆ ਜੰਕਸ਼ਨ ਉੱਤੇਖੜੇ ਸਨ। ਇਨ੍ਹਾਂ ਪੁਲਿਸ ਮੁਲਾਜ਼ਮਾਂ ਦਾ ਕੰਮ ਕਿਸਾਨਾਂ ਨੂੰ ਸ਼ਹਿਰ ਵਿੱਚਵੜਨ ਤੋਂ ਰੋਕਣਾ ਸੀ। ਇਸ ਦੌਰਾਨ ਇੱਕ ਐੱਸ ਯੂ ਵੀ ਨੇ ਸ਼ਹਿਰ ਵਿਚ ਜਾਣ ਦੀ ਕੋਸ਼ਿਸ਼ ਕੀਤੀ ਤਾਂ ਓਥੇ ਖੜ੍ਹੇ ਪੁਲਸ ਤੇ ਹੋਰ ਅਧਿਕਾਰੀਆਂ ਨੇ ਐੱਸ ਯੂ ਵੀਰੋਕਣ ਦੀ ਕੋਸ਼ਿਸ਼ ਕੀਤੀ, ਜਿਸ ਦੌਰਾਨ ਕਾਰ ਡੀ ਸੀ ਪੀ ਧਰਮਿੰਦਰ ਕੁਮਾਰ ਦੇ ਪੈਰ ਉੱਤੇ ਚੜ੍ਹ ਗਈ।ਡੀ ਸੀ ਪੀ ਨੂੰ ਫਸਟ-ਏਡ ਦੀ ਸਹੂਲਤ ਦਿੱਤੀ ਗਈ, ਪਰਸੱਟ ਜਿ਼ਆਦਾ ਗੰਭੀਰ ਨਹੀਂ ਸੀ। ਪੁਲਸ ਨੇ ਗੱਡੀ ਜ਼ਬਤ ਕਰ ਲਈ ਅਤੇ ਅਤੇ ਕਿਸਾਨ ਆਗੂ ਦੇ ਡਰਾਈਵਰ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।