ਅੰਮਿ੍ਰਤਸਰ, 16 ਸਤੰਬਰ (ਪੋਸਟ ਬਿਊਰੋ)- ਇਸ ਮਹਾਨਗਰ ਵਿੱਚ ਸਾਢੇ ਤਿੰਨ ਲੱਖ ਦੀ ਫਿਰੌਤੀ ਖਾਤਰ ਨਾਬਾਲਗ ਬੱਚੇ ਦਾ ਕਤਲ ਕਰ ਕੇ ਲਾਸ਼ ਬੋਰੀ ਵਿੱਚ ਪਾ ਕੇ ਅਪਰ ਦੁਆਬ ਨਹਿਰ ਵਿੱਚ ਸੁੱਟੀ ਗਈ ਹੈ। ਪੁਲਸ ਨੇ ਕਾਤਲ ਫੜ ਲਿਆ ਹੈ। ਮਿ੍ਰਤਕ ਦੀ ਪਛਾਣ ਰੋਹਿਤ ਉਰਫ ਰੰਜਣ (12) ਵਾਸੀ ਈਸਟ ਮੋਹਨ ਨਗਰ ਅੰਮਿ੍ਰਤਸਰ ਵਜੋਂ ਹੋਈ ਹੈ।
ਗੋਰਖ ਨਾਥ ਪਿੰਡ ਕੜਸੜ ਥਾਣਾ ਨਵਾਂ ਨਗਰ ਜ਼ਿਲਾ ਬਕਸਰ ਬਿਹਾਰ ਅਤੇ ਅੱਜਕੱਲ੍ਹ ਵਾਸੀ ਈਸਟ ਮੋਹਨ ਨਗਰ ਅੰਮਿ੍ਰਤਸਰ ਨੇ ਪੁਲਸ ਨੂੰ ਸ਼ਿਕਾਇਤ ਕੀਤੀ ਸੀ ਕਿ ਉਸ ਦਾ ਲੜਕਾ ਰੋਹਿਤ ਉਰਫ ਰੰਜਣ ਕੱਲ੍ਹ ਸ਼ਾਮ ਕਰੀਬ ਸਾਢੇ ਪੰਜ ਬਾਹਰ ਗਿਆ ਸੀ, ਪਰ ਘਰ ਨਹੀਂ ਪਰਤਿਆ। ਅਸੀਂ ਸਾਰੀ ਰਾਤ ਉਸ ਦੀ ਭਾਲ ਕਰਦੇ ਰਹੇ, ਪਰ ਉਸ ਦਾ ਕਿਤੇ ਪਤਾ ਨਹੀਂ ਚੱਲ ਸਕਿਆ। ਕੱਲ੍ਹ ਸਵੇਰੇ 7.30 ਵਜੇ ਫੋਨ ਆਇਆ ਕਿ ਜੇ ਰੰਜਣ ਚਾਹੀਦਾ ਹੈ ਤਾਂ 3.50 ਲੱਖ ਰੁਪਏ ਦਾ ਪ੍ਰਬੰਧ ਕਰ ਲਵੋ। ਡੀ ਸੀ ਪੀ ਮੁਖਵਿੰਦਰ ਸਿੰਘ ਭੁੱਲਰ ਨੇ ਦੱਸਿਆ ਕਿ ਇਸ ਬਾਰੇ ਨਦੰਨ ਨਾਂਅ ਦੇ ਬੰਦੇ ਨੂੰ ਫੜਿਆ ਹੈ। ਉਸ ਨੇ ਪੁੱਛਗਿੱਛ ਦੌਰਾਨ ਦੱਸਿਆ ਕਿ ਰੰਜਣ ਗਾਲ੍ਹਾਂ ਕੱਢਣ ਲੱਗ ਗਿਆ ਸੀ, ਜਿਸ ਕਾਰਨ ਮੈਂ ਸ਼ਰਾਬ ਦੇ ਨਸ਼ੇ ਵਿੱਚ ਉਸ ਨੂੰ ਗਲਾ ਘੁੱਟ ਕੇ ਮਾਰ ਦਿੱਤਾ ਤੇ ਉਸ ਦੀ ਲਾਸ਼ ਨਹਿਰ ਵਿੱਚ ਸੁੱਟ ਦਿੱਤੀ। ਪੁਲਸ ਵੱਲੋਂ ਕਾਤਲ ਦੀ ਨਿਸ਼ਾਨਦੇਹੀ ਉਤੇ ਗੋਤਾਖੋਰ ਦੀ ਮਦਦ ਨਾਲ ਨਹਿਰ ਵਿੱਚੋਂ ਲਾਸ਼ ਬਰਾਮਦ ਕਰਨ ਦੀ ਕੋਸ਼ਿਸ਼ ਜਾਰੀ ਹੈ।