ਸਮੱਗਰੀ-100 ਗਰਾਮ ਚੌਲ, ਪਾਣੀ ਲੋੜ ਅਨੁਸਾਰ, ਘਿਓ ਦੋ ਟੀ ਸਪੂਨ, ਕਾਜੂ 10-12, ਕਿਸ਼ਮਿਸ਼-2, ਦੁੱਧ ਇੱਕ ਲੀਟਰ, ਇਲਾਇਚੀ ਪਾਊਡਰ ਅੱਧਾ ਚਮਚ, ਗੁੜ 120 ਗਰਾਮ, ਪਾਣੀ 110 ਮਿਲੀਲੀਟਰ, ਬਦਾਮ।
ਵਿਧੀ-ਸਭ ਤੋਂ ਪਹਿਲਾਂ 100 ਗਰਾਮ ਚੌਲਾਂ ਨੂੰ ਤੀਹ ਮਿੰਟ ਲਈ ਪਾਣੀ ਵਿੱਚ ਭਿਉਂ ਦਿਓ। ਇੱਕ ਫਰਾਈਪੈਨ ਵਿੱਚ ਦੋ ਟੀ ਸਪੂਨ ਘਿਓ ਗਰਮ ਕਰ ਕੇ ਇਸ ਵਿੱਚ 10-12 ਕਾਜੂ ਤੇ ਦੋ ਟੀ ਸਪੂਨ ਕਿਸ਼ਮਿਸ਼ ਨੂੰ ਦੋ-ਤਿੰਨ ਮਿੰਟ ਤੱਕ ਬਰਾਊਨ ਹੋਣ ਤੱਕ ਫਰਾਈ ਕਰੋ। ਦੂਜੇ ਫਰਾਈਪੈਨ ਵਿੱਚ ਇੱਕ ਲੀਟਰ ਦੁੱਧ ਤੇ ਭਿੱਜੇ ਹੋਏ ਚੌਲਾਂ ਨੂੰ ਘੱਟ ਗੈਸ ਉੱਤੇ ਤਦ ਤੱਕ ਪੱਕਣ ਦਿਓ, ਜਦੋਂ ਤੱਕ ਉਹ ਮਿਕਸ ਨਾ ਹੋ ਜਾਣ। ਇਸ ਵਿੱਚ ਅੱਧਾ ਟੀ ਸਪੂਨ ਇਲਾਇਚੀ ਪਾਊਡਰ ਅਤੇ ਫਰਾਈ ਕੀਤੇ ਡਰਾਈ ਫਰੂਟ ਪਾ ਕੇ ਇੱਕ-ਦੋ ਮਿੰਟ ਤੱਕ ਪਕਾਓ। ਫਰਾਈਪੈਨ ਵਿੱਚ 120 ਗਰਾਮ ਗੁੜ ਅਤੇ 110 ਮਿਲੀਲੀਟਰ ਪਾਣੀ ਨੂੰ ਪਕਾ ਕੇ ਚਾਸ਼ਨੀ ਬਣਾਓ। ਚਾਸ਼ਨੀ ਬਣਾਉਣ ਤੋਂ ਬਾਅਦ ਇਸ ਨੂੰ ਖੀਰ ਵਿੱਚ ਪਾਓ ਅਤੇ ਤਿੰਨ-ਚਾਰ ਮਿੰਟ ਲਈ ਪੱਕਣ ਦਿਓ। ਤੁਹਾਡੀ ਗੁੜ ਦੀ ਖੀਰ ਬਣ ਕੇ ਤਿਆਰ ਹੈ।