ਬਾਲੀਵੁੱਡ ਅਭਿਨੇਤਰੀ ਰਾਧਿਕਾ ਮਦਾਨ ਦਾ ਸਾਲਾਂ ਪੁਰਾਣਾ ਸੁਫਨਾ ਆਖਰ ਪੂਰਾ ਹੋ ਗਿਆ ਹੈ। ਉਹ ਕਾਫੀ ਸਮੇਂ ਤੋਂ ਰਣਬੀਰ ਕਪੂਰ ਨਾਲ ਫਿਲਮ ਕਰਨਾ ਚਾਹੰੁਦੀ ਸੀ। ਇਸੇ ਦੌਰਾਨ ਇਹ ਖਬਰ ਹੈ ਕਿ ਰਾਧਿਕਾ ਤੇ ਰਣਬੀਰ ਨੂੰ ਇਕੱਠੇ ਫਿਲਮ ਦੇ ਸੈੱਟ ਉਤੇ ਦੇਖਿਆ ਗਿਆ ਹੈ। ਕੁਝ ਦਿਨ ਪਹਿਲਾਂ ਰਾਧਿਕਾ ਨੇ ਇੱਛਾ ਜ਼ਾਹਰ ਕਰਦੇ ਹੋਏ ਕਿਹਾ ਸੀ ਕਿ ਉਹ ਰਣਬੀਰ ਨਾਲ ਕੰਮ ਕਰਨਾ ਚਾਹੁੰਦੀ ਹੈ ਤੇ ਤਾਜ਼ਾ ਖਬਰ ਹੈ ਕਿ ਰਾਧਿਕਾ ਤੇ ਰਣਬੀਰ ਇੱਕ ਐਡ ਫਿਲਮ ਦੀ ਸ਼ੂਟਿੰਗ ਕਰ ਰਹੇ ਹਨ। ਇਸ ਗੱਲ ਦਾ ਖੁਲਾਸਾ ਨਹੀਂ ਹੋ ਸਕਿਆ, ਪਰ ਕਹਿੰਦੇ ਹਨ ਕਿ ਇੰਡੀਅਨ ਡ੍ਰੈਸ ਦੀ ਆਨਲਾਈਨ ਸ਼ਾਪਿੰਗ ਦੇ ਲਈ ਦੋਵੇਂ ਸਿਤਾਰੇ ਇਕੱਠੇ ਆਏ ਹਨ, ਜਿਸ ਵਿੱਚ ਰਾਧਿਕਾ ਦੁਲਹਨ ਵਾਲੇ ਲੁਕ ਵਿੱਚ ਨਜ਼ਰ ਆ ਰਹੀ ਹੈ ਅਤੇ ਰਣਬੀਰ ਕਪੂਰ ਪਿੰਕ ਅਤੇ ਵ੍ਹਾਈਟ ਕਲਰ ਦੇ ਪੇਸਟਲ ਸ਼ੇਡਸ ਵਿੱਚ ਧੂਮ ਮਚਾਉਂਦੇ ਹੋਏ ਨਜ਼ਰ ਆ ਰਹੇ ਹਨ।
ਸਾਲ 2019 ਵਿੱਚ ਹਿੱਟ ਫਿਲਮ ‘ਮਰਦ ਕੋ ਦਰਦ ਨਹੀਂ ਹੋਤਾ’ ਦੇ ਪ੍ਰਮੋਸ਼ਨ ਦੌਰਾਨ ਜਦ ਰਾਧਿਕਾ ਤੋਂ ਪੁੱਛਿਆ ਗਿਆ ਕਿ ਉਹ ਬਾਲੀਵੁੱਡ ਇੰਡਸਟਰੀ ਵਿੱਚ ਕਿਸ ਨਾਲ ਕੰਮ ਕਰਨਾ ਚਾਹੁੰਦੀ ਹੈ ਤਾਂ ਰਾਧਿਕਾ ਕਹਿੰਦੀ ਸੀ ਕਿ ਉਹ ਕਿਸੇ ਵੀ ਸਟਾਰਸ ਨਾਲ ਕੰਮ ਕਰਨ ਨੂੰ ਤਿਆਰ ਹੈ। ਨਾਲ ਉਸ ਨੇ ਕਿਹਾ ਸੀ ਕਿ ਰਣਬੀਰ ਕਪੂਰ ਨਾਲ ਕੰਮ ਕਰਨ ਦਾ ਸੁਫਨਾ ਹੈ। ਵਰਕ ਫਰੰਟ ਪੱਖੋਂ ਰਣਬੀਰ ਦੀ ਫਿਲਮ ‘ਬ੍ਰਹਮਾਸਤਰ’ ਜਲਦੀ ਰਿਲੀਜ਼ ਹੋਣ ਵਾਲੀ ਹੈ, ਜਿਸ ਵਿੱਚ ਉਹ ਆਲੀਆ ਭੱਟ ਅਤੇ ਅਮਿਤਾਭ ਬੱਚਨ ਨਾਲ ਨਜ਼ਰ ਆਏਗਾ।