ਸਮੱਗਰੀ-ਦੋ ਕੱਪ ਬਾਸਮਤੀ ਚੌਲ ਸਾਫ ਕਰ ਕੇ ਪਾਣੀ ਵਿੱਚ ਭਿਉਂ ਦਿਓ। ਚਾਰੀ ਗਰਾਮ ਮੱਖਣ, ਦੋ ਵੱਡੇ ਚਮਚ ਕੱਦੂਕਸ ਕਰ ਕੇ ਤਲਿਆ ਹੋਇਆ ਪਿਆਜ਼, ਇੱਕ ਕੱਪ ਸੰਤਰੇ ਦਾ ਰਸ, ਨਮਕ ਸਵਾਦ ਅਨੁਸਾਰ, ਹਰਾ ਪੁਦੀਨਾ ਕੱਟਿਆ ਹੋਇਆ, ਪਾਣੀ ਛਿੜਕਣ ਲਈ ਅੰਦਾਜ਼ੇ ਮੁਤਾਬਕ।
ਵਿਧੀ-ਮੱਖਣ ਨੂੰ ਗਰਮ ਕਰ ਕੇ ਉਸ ਵਿੱਚ ਚੌਲਾਂ ਨੂੰ ਦੋ ਮਿੰਟ ਤੱਕ ਭੁੰਨ ਲਓ। ਪਿਆਜ਼, ਨਮਕ ਤੇ ਸੰਤਰੇ ਦਾ ਰਸ ਪਾਓ। ਅੰਦਾਜ਼ੇ ਮੁਤਾਬਕ ਪਾਣੀ ਪਾਓ ਤੇ ਮੱਧਮ ਸੇਕ ਉੱਤੇ ਰੱਖੋ। ਪਾਣੀ ਨੂੰ ਸੁੱਕ ਜਾਣ ਅਤੇ ਚੌਲ ਨਰਮ ਹੋਣ ਤੱਕ ਪਕਾਓ। ਫਿਰ ਕੱਟੇ ਹੋਏ ਪੁਦੀਨੇ ਨਾਲ ਗਾਰਨਿਸ਼ ਕਰ ਕੇ ਗਰਮਾ-ਗਰਮ ਪਰੋਸੋ।