ਗਰਮੀਆਂ ਵਿੱਚ ਤਰ੍ਹਾਂ-ਤਰ੍ਹਾਂ ਦੇ ਫਲ ਮਿਲਦੇ ਹਨ। ਤੁਸੀਂ ਇਨ੍ਹਾਂ ਫਲਾਂ ਵਿੱਚੋਂ ਕੁਝ ਨੂੰ ਖਾਣ ਤੋਂ ਇਲਾਵਾ ਹੋਰ ਕੰਮਾਂ ਲਈ ਵੀ ਵਰਤ ਸਕਦੇ ਹੋ। ਗਰਮੀਆਂ ਵਿੱਚ ਪਸੀਨਾ ਬਹੁਤ ਆਉਂਦਾ ਹੈ ਜਿਸ ਕਾਰਨ ਸਰੀਰ ਉੱਤੇ ਮੁਹਾਸੇ ਅਤੇ ਚਮੜੀ ਸੰਬੰਧੀ ਸਮੱਸਿਆਵਾਂ ਹੋ ਜਾਂਦੀਆਂ ਹਨ। ਇਨ੍ਹਾਂ ਸਮੱਸਿਆਵਾਂ ਦਾ ਹੱਲ ਤਰਬੂਜ਼ ਨਾਲ ਕੀਤਾ ਜਾ ਸਕਦਾ ਹੈ। ਅਸੀਂ ਤੁਹਾਨੂੰ ਤਰਬੂਜ਼ ਦੇ ਕੁਝ ਅਸਰਦਾਰ ਫੇਸਪੈਕ ਦੀ ਜਾਣਕਾਰੀ ਦੇ ਰਹੇ ਹਾਂ, ਜਿਨ੍ਹਾਂ ਦੀ ਵਰਤੋਂ ਨਾਲ ਤੁਹਾਨੂੰ ਠੰਢਕ ਵੀ ਮਿਲੇਗੀ ਅਤੇ ਸੁੰਦਰਤਾ ਵਿੱਚ ਵਾਧਾ ਹੋਵੇਗਾ।
* ਖੁਸ਼ਕ ਚਮੜੀ ਲਈ ਇਹ ਫੇਸਪੈਕ ਬਹੁਤ ਲਾਭਕਾਰੀ ਹੁੰਦਾ ਹੈ। ਤਰਬੂਜ਼ ਦੇ ਰਸ ਅਤੇ ਸਾਦੇ ਦਹੀਂ ਨੂੰ ਬਰਾਬਰ ਮਾਤਰਾ ਵਿੱਚ ਮਿਲਾ ਲਓ। ਇਸ ਨੂੰ ਆਪਣੀ ਗਰਦਨ ਅਤੇ ਚਿਹਰੇ ਉੱਤੇ ਲਾਓ ਅਤੇ 10 ਮਿੰਟ ਬਾਅਦ ਧੋ ਦਿਓ। ਚਿਹਰਾ ਪੂਰੀ ਤਰ੍ਹਾਂ ਨਿਖਰ ਜਾਵੇਗਾ।
* ਇਸ ਫੇਸਪੈਕ ਨੂੰ ਬਣਾਉਣ ਲਈ ਇੱਕ ਕੇਲਾ ਮਸਲ ਲਓ ਅਤੇ ਉਸ ਵਿੱਚ ਤਰਬੂਜ਼ ਦਾ ਰਸ ਮਿਲਾਓ। ਇਸ ਪੇਸਟ ਨੂੰ ਸਿਰਫ ਆਪਣੇ ਚਿਹਰੇ ਉੱਤੇ ਨਹੀਂ, ਸਗੋਂ ਪੂਰੇ ਸਰੀਰ ਉੱਤੇ ਲਗਾਓ। ਇਸ ਤਰ੍ਹਾਂ ਤੁਹਾਡੀ ਚਮੜੀ ਠੰਢੀ ਰਹੇਗੀ ਅਤੇ ਚਿਹਰੇ ਉੱਤੇ ਮੁਹਾਸੇ ਵੀ ਨਹੀਂ ਹੋਣਗੇ।
* ਇਨ੍ਹਾਂ ਦੋਵਾਂ ਫਲਾਂ ਵਿੱਚ ਵਿਟਾਮਿਨ ਅਤੇ ਖਣਿਜ ਕਾਫੀ ਮਾਤਰਾ ਵਿੱਚ ਹੁੰਦੇ ਹਨ। ਐਵੋਕਾਡੋ ਵਿੱਚ ਓਮੇਗਾ-3 ਫੈਟੀ ਐਸਿਡ ਮਿਲ ਜਾਂਦਾ ਹੈ, ਜੋ ਕਿ ਐਂਟੀ ਏਜਿੰਗ ਦਾ ਹੱਲ ਹੈ। ਤਰਬੂਜ਼ ਦੇ ਰਸ ਵਿੱਚ ਐਵੋਕਾਡੋ ਨੂੰ ਮਿਲਾਓ। ਤੁਹਾਡਾ ਫੇਸਪੈਕ ਤਿਆਰ ਹੈ।
* ਤਰਬੂਜ਼ ਹਰ ਤਰ੍ਹਾਂ ਦੀ ਚਮੜੀ ਲਈ ਫਾਇਦੇਮੰਦ ਹੁੰਦਾ ਹੈ। ਇਹ ਫੇਸਪੈਕ ਖਾਸ ਕਰ ਕੇ ਖੁਸ਼ਕ ਚਮੜੀ ਲਈ ਲਾਭਕਾਰੀ ਹੁੰਦਾ ਹੈ। ਸ਼ਹਿਦ ਨਾਲ ਚਮੜੀ ਮਾਇਸ਼ਚੁਰਾਈਜ਼ਰ ਹੁੰਦੀ ਹੈ, ਜਦ ਕਿ ਤਰਬੂਜ਼ ਚਮੜੀ ਨੂੰ ਹਾਈਡਰੇਟ ਕਰਦਾ ਹੈ ਅਤੇ ਵਾਧੂੁ ਤੇਲ ਨੂੰ ਬਾਹਰ ਕੱਢਦਾ ਹੈ।
* ਇੱਕ ਵੱਡਾ ਗਲਾਸ ਓ ਅਤੇ ਇਸ ਵਿੱਚ ਤਰਬੂਜ਼ ਦੇ ਟੁਕੜੇ ਪਾਓ। ਇਸ ਵਿੱਚ ਦੁੱਧ ਪਾਊਡਰ ਪਾਓ ਅਤੇ ਪੀਸ ਲਓ ਤਾਂ ਜੋ ਇੱਕ ਪਲਪ ਮਿਲ ਜਾਏ। ਇਸ ਨੂੰ ਆਪਣੇ ਸਰੀਰ ਅਤੇ ਚਿਹਰੇ ਉੱਤੇ ਲਗਾਓ। ਗਰਮੀਆਂ ਵਿੱਚ ਦਾਗ-ਧੱਬੇ ਦੂਰ ਕਰਨ ਲਈ ਇਹ ਵਧੀਆ ਪੈਕ ਹੈ।