ਸਮੱਗਰੀ-ਮੈਦਾ 100 ਗਰਾਮ, ਨਮਕ ਅਤੇ ਮਿਰਚ ਸਵਾਦ ਅਨੁਸਾਰ, ਹਰਾ ਧਨੀਆ, ਘਿਓ, ਗਰਮ ਮਸਾਲਾ, ਹਰੀਆਂ ਸਬਜ਼ੀਆਂ (ਪੱਤਾ ਗੋਭੀ, ਪਿਆਜ਼, ਫਰਾਂਸਬੀਨ, ਸ਼ਿਮਲਾ ਮਿਰਚ, ਟਮੈਟੋ ਸੌਸ ਆਦਿ)।
ਵਿਧੀ-ਸਭ ਤੋਂ ਪਹਿਲਾਂ ਇੱਕ ਬਾਉਲ ਵਿੱਚ ਛਾਣਿਆ ਹੋਇਆ ਮੈਦਾ ਪਾਓ। ਫਿਰ ਇਸ ਵਿੱਚ ਥੋੜ੍ਹਾ ਜਿਹਾ ਪਾਣੀ ਮਿਲਾ ਲਓ। ਇਸ ਨੂੰ ਜ਼ਿਆਦਾ ਪਤਲਾ ਨਹੀਂ ਕਰਨਾ, ਘੋਲ ਥੋੜ੍ਹਾ ਗਾੜ੍ਹਾ ਰੱਖਣਾ ਹੈ। ਇਸ ਮਿਸ਼ਰਣ ਦੇ ਪੂੜੇ ਬਣਾਓ। ਇਨ੍ਹਾਂ ਨੂੰ ਇੱਕ ਪਾਸੇ ਤੋਂ ਸੇਕ ਲਓ ਤੇ ਦੂਜੇ ਪਾਸਾ ਸਫੈਦ ਹੋਣਾ ਚਾਹੀਦਾ ਹੈ। ਇੱਕ ਪੈਨ ਵਿੱਚ ਘਿਓ ਪਾ ਕੇ ਗਰਮ ਕਰੋ। ਉਸ ਵਿੱਚ ਬੰਦ ਗੋਭੀ, ਫਰਾਂਸਬੀਨ, ਪਿਆਜ਼, ਨਮਕ, ਮਿਰਚ ਅਤੇ ਗਰਮ ਮਸਾਲਾ ਪਾ ਕੇ ਚੰਗੀ ਤਰ੍ਹਾਂ ਭੁੰਨੋ। ਇਸ ਵਿੱਚ ਟਮੈਟੋ ਸੌਸ, ਚਿੱਲੀ ਸੌਸ ਮਿਲਾ ਲਓ। ਪੂੜਿਆਂ ਦੇ ਸੇਕੇ ਹੋਏ ਭਾਗ ਉੱਤੇ ਇਹ ਮਿਸ਼ਰਣ ਪਾਓ ਅਤੇ ਰੋਲ ਬਣਾ ਲਵੋ। ਥੋੜ੍ਹੇ ਜਿਹੇ ਮੈਦਾ ਦਾ ਜ਼ਿਆਦਾ ਗਾੜ੍ਹਾ ਘੋਲ ਬਣਾਓ ਤੇ ਮੈਦੇ ਦੇ ਰੋਲ ਨੂੰ ਇਸ ਮੈਦੇ ਵਿੱਚ ਇੱਕ ਪਾਸੇ ਤੋਂ ਚਿਪਕਾਉਂਦੇ ਹੋਏ ਬੰਦ ਕਰ ਦਿਓ। ਫਿਰ ਥੋੜ੍ਹੀ ਦੇਰ ਤੱਕ ਇਨ੍ਹਾਂ ਨੂੰ ਰੱਖ ਲਓ ਅਤੇ 10-15 ਮਿੰਟ ਬਾਅਦ ਇਨ੍ਹਾਂ ਨੂੰ ਕੜਾਹੀ ਵਿੱਚ ਪਾ ਲਓ। ਤਿਆਰ ਹਨ ਤੁਹਾਡੇ ਸਪਰਿੰਗ ਰੋਲ।