ਬੀਤੇ ਦਿਨ ਅਰਸ਼ਦ ਵਾਰਸੀ, ਸੌਰਭ ਸ਼ੁਕਲਾ ਅਤੇ ਸਾਰਾ ਲਾਰੇਨ ਸਟਾਰਰ ਫਿਲਮ ‘ਫਰਾਡ ਸਈਆਂ’ ਦਾ ਪਹਿਲਾ ਪੋਸਟ ਰਿਲੀਜ਼ ਕੀਤਾ ਗਿਆ ਹੈ। ਸੌਰਭ ਸ੍ਰੀਵਾਸਤਵ ਦੇ ਨਿਰਦੇਸ਼ਨ ਵਿੱਚ ਬਣੀ ਇਸ ਫਿਲਮ ਨੂੰ ਪ੍ਰਕਾਸ਼ ਝਾਅ ਦੀ ਬੇਟੀ ਦਿਸ਼ਾ ਪ੍ਰਕਾਸ਼ ਝਾਅ ਨੇ ਪ੍ਰੋਡਿਊਸ ਕੀਤਾ ਹੈ। ਪੋਸਟਰ ਸ਼ੇਅਰ ਕਰਦੇ ਹੋਏ ਅਰਸ਼ਦ ਵਾਰਸੀ ਨੇ ਲਿਖਿਆ ਹੈ, ‘ਖੇਡ ਹੈ ਇਹ ਗੇਮ’, ਇਹ ਫਿਲਮ 18 ਜਨਵਰੀ ਨੂੰ ਰਿਲੀਜ਼ ਹੋਵੇਗੀ।
ਇਸ ਦੇ ਨਾਲ ਪਰਿਣੀਤੀ ਚੋਪੜਾ ਤੇ ਸਿਧਾਰਥ ਮਲਹੋਤਰਾ ਸਟਾਰਰ ਫਿਲਮ ‘ਜਬਰੀਆ ਜੋੜੀ’ ਦਾ ਟ੍ਰੇਲਰ ਰਿਲੀਜ਼ ਕੀਤਾ ਗਿਆ ਹੈ। ਇਹ ਫਿਲਮ 17 ਮਈ ਨੂੰ ਰਿਲੀਜ਼ ਹੋਵੇਗੀ। ਫਿਲਮ ਦੇ ਮੇਕਰਜ਼ ਨੇ ਨਵਾਂ ਪੋਸਟਰ ਸ਼ੇਅਰ ਕਰਦੇ ਹੋਏ ਇਹ ਜਾਣਕਾਰੀ ਦਿੱਤੀ ਹੈ। ਉਥੇ ਹੀ ਪਰਿਣੀਤੀ ਚੋਪੜਾ ਨੇ ਇਸ ਨੂੰ ਆਪਣੇ ਟਵਿੱਟਰ ਅਕਾਊਂਟ 'ਤੇ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ, ‘‘ਅਸੀਂ ਆ ਰਹੇ ਹਾਂ, ਅਗਲੇ ਸਾਲ ਕਰਾਂਗੇ ਜ਼ਬਰਦਸਤ ਧਮਾਲ, ਇੰਤਜ਼ਾਰ ਕਰੋ ‘ਜਬਰੀਆ ਜੋੜੀ’।” ਏਕਤਾ ਕਪੂਰ ਦੇ ਬੈਨਰ ਹੇਠ ਬਣੀ ਇਹ ਫਿਲਮ ਬਿਹਾਰ ਵਿੱਚ ਪ੍ਰਚਲਿਤ ‘ਪਕੜਵਾ ਵਿਆਹ’ ਉਤੇ ਆਧਾਰਤ ਹੈ।