ਤਾਮਿਲ ਨਿਰਦੇਸ਼ਕ ਸੰਕਰ ਦੇ ਨਿਰਦੇਸ਼ਨ ਹੇਠ 2005 ਵਿੱਚ ਆਈ ਮਸ਼ਹੂਰ ਤਮਿਲ ਫਿਲਮ ‘ਅੰਨੀਯਾਨ’ ਦੇ ਰੀਮੇਕ ਵਿੱਚ ਰਣਵੀਰ ਸਿੰਘ ਕੰਮ ਕਰਨ ਜਾ ਰਹੇ ਹਨ, ਜਿਸ ਵਿੱਚ ਪਹਿਲਾਂ ਵਿਕਰਮ ਨੇ ਕੰਮ ਕੀਤਾ ਸੀ। ਇਹ ਫਿਲਮ ਅਗਲੇ ਸਾਲ ਰਿਲੀਜ਼ ਹੋਣ ਦੀ ਸੰਭਾਵਨਾ ਹੈ। ਉੱਤਰੀ ਭਾਰਤੀ ਭਾਰਤ ਵਿੱਚ ਵਿਸਾਖੀ ਤੇ ਤਾਮਿਲ ਨਾਡੂ ਵਿੱਚ ਪੁਥਾਂਡੂ ਦੇ ਤਿਉਹਾਰ ਮੌਕੇ ਇਸ ਅਣਟਾਈਟਲਡ ਫਿਲਮ ਦਾ ਐਲਾਨ ਕੀਤਾ ਗਿਆ ਹੈ।
ਰਣਵੀਰ ਨੇ ਕਿਹਾ, ‘‘ਮੈਂ ਬਹੁਤ ਖੁਸ਼ ਹਾਂ ਕਿ ਮੈਨੂੰ ਸ਼ੰਕਰ ਸਰ ਦੀ ਸਿਨੇਮਾ ਪ੍ਰਤੀ ਦੂਰ ਅੰਦੇਸ਼ੀ ਸੋਚ ਦਾ ਹਿੱਸਾ ਬਣਨ ਦਾ ਮੌਕਾ ਮਿਲਿਆ ਹੈ। ਉਹ ਆਦਰਸ਼ ਇਨਸਾਨ ਹਨ, ਜਿਨ੍ਹਾਂ ਸਾਨੂੰ ਦਿਖਾਇਆ ਕਿ ਪਰਦੇ 'ਤੇ ਕੋਈ ਵੀ ਸੁਫਨਾ ਇੰਨਾ ਵੱਡਾ ਨਹੀਂ ਕਿ ਉਸ ਨੂੰ ਪ੍ਰਾਪਤ ਨਾ ਕੀਤਾ ਜਾ ਸਕੇ। ਮੈਂ ਹਮੇਸ਼ਾ ਆਸ ਕੀਤੀ ਤੇ ਸੁਫਨਾ ਦੇਖਿਆ ਸੀ ਕਿ ਮੈਨੂੰ ਉਨ੍ਹਾਂ ਨਾਲ ਮਿਲ ਕੇ ਕੰਮ ਕਰਨ ਦਾ ਮੌਕਾ ਮਿਲਗਾ ਅਤੇ ਮੈਨੂੰ ਪੱਕਾ ਯਕੀਨ ਹੈ ਕਿ ਅਸੀਂ ਇਕੱਠੇ ਧਮਾਲ ਪਾਵਾਂਗੇ।”