ਕਾਨਪੁਰ, 4 ਅਪ੍ਰੈਲ (ਪੋਸਟ ਬਿਊਰੋ)- ਭਾਰਤ ਵਿੱਚ ਕੋਰੋਨਾ ਵਾਇਰਸ ਦੇ ਕੇਸ ਦਿਨੋਂ-ਦਿਨ ਵਧੀ ਜਾਂਦੇ ਹਨ। ਇਸ ਦੀ ਰੋਕਥਾਮ ਲਈ ਦੇਸ਼ ਵਿੱਚ ਟੀਕਾਕਰਨ ਪ੍ਰਕਿਰਿਆ ਕਾਫੀ ਜ਼ੋਰਾਂ ਨਾਲ ਚੱਲ ਰਹੀ ਹੈ, ਪਰ ਇਸ ਦੌਰਾਨ ਲਾਪਰਵਾਹੀ ਦੀ ਜੋ ਤਸਵੀਰ ਦਿੱਸਦੀ ਹੈ, ਉਹ ਕਾਫੀ ਹੈਰਾਨ ਕਰਨ ਵਾਲੀ ਹੈ।
ਉਤਰ ਪ੍ਰਦੇਸ਼ ਦੇ ਇੱਕ ਸਿਹਤ ਕੇਂਦਰ ਵਿੱਚ ਮੋਬਾਈਲ ਉੱਤੇ ਗੱਲ ਕਰਨ ਦੇ ਚੱਕਰ ਵਿੱਚ ਨਰਸ ਨੇ ਇੱਕ ਔਰਤ ਨੂੰ ਇੱਕੋ ਸਮੇਂ ਦੋ ਵਾਰ ਕੋਵਿਡ ਦਾ ਟੀਕਾ ਲਾ ਦਿੱਤਾ। ਪਤਾ ਲੱਗਾ ਹੈ ਕਿ ਕਾਨਪੁਰ ਦੇ ਇੱਕ ਦਿਹਾਤੀ ਕੇਂਦਰ ਮੰਡੋਲੀ ਦੇ ਮੁੱਢਲੇ ਸਿਹਤ ਕੇਂਦਰ ਵਿੱਚਨਰਸ ਅਰਚਨਾ ਦੀ ਵੈਕਸੀਨ ਲਾਉਣ ਦੀ ਜ਼ਿੰਮੇਵਾਰੀ ਸੀ, ਉਸ ਨੇ ਫੋਨ ਉੱਤੇ ਗੱਲ ਕਰਨ ਦੇ ਚੱਕਰ ਵਿੱਚਕਮਲੇਸ਼ ਨਾਂਅ ਦੀ ਔਰਤ ਨੂੰ ਦੋ ਵਾਰ ਟੀਕਾ ਲਾ ਦਿੱਤਾ। ਦੋ ਵਾਰ ਟੀਕਾ ਲੱਗਣ ਨਾਲ ਉਸ ਦੇ ਹੱਥ ਵਿੱਚ ਸੋਜ ਆ ਗਈ ਅਤੇ ਉਸ ਨੂੰ ਦਰਦ ਹੋਣ ਲੱਗ ਪਿਆ ਤਾਂ ਔਰਤ ਨੇ ਪੁੱਛਿਆ ਕਿ ਉਸ ਨੇ ਦੋ ਵਾਰ ਟੀਕਾ ਕਿਉਂ ਲਾਇਆ ਹੈ ਤਾਂ ਨਰਸ ਨੇ ਕਹਿ ਦਿੱਤਾ ਕਿ ਗਲਤੀ ਨਾਲ ਲੱਗ ਗਿਆ, ਇੰਨਾ ਹੀ ਨਹੀਂ ਉਸ ਨੇ ਪੀੜਤ ਔਰਤ ਨੂੰ ਫਿਟਕਾਰ ਵੀ ਲਾਈ।