Welcome to Canadian Punjabi Post
Follow us on

18

April 2021
ਪੰਜਾਬ

ਅਪਾਹਜ ਲੜਕੀ ਨਾਲ ਦੋਸਤੀ ਕਰ ਕੇ ਸੰਬੰਧ ਬਣਾਉਣ ਪਿਛੋਂ ਵਿਆਹ ਕਰਨ ਤੋਂ ਮੁੱਕਰਿਆ

April 01, 2021 03:07 AM

* ਪਟਿਆਲਾ ਪੁਲਸ ਨੇ ਜ਼ੀਰੋ ਕੇਸ ਦਰਜ ਕਰ ਕੇ ਜਲੰਧਰ ਭੇਜਿਆ

ਜਲੰਧਰ, 31 ਮਾਰਚ (ਪੋਸਟ ਬਿਊਰੋ)- ਸੋਸ਼ਲ ਮੀਡੀਆ ਉੱਤੇ ਇਕ ਅਪਾਹਜ ਲੜਕੀ ਨਾਲ ਦੋਸਤੀ ਕਰ ਕੇ ਖੁਦ ਨੂੰ ਆਰਥਿਕ ਪੱਖੋਂ ਕਮਜ਼ੋਰ ਦੱਸ ਕੇ ਪਹਿਲਾਂ ਦੋਸ਼ੀ ਨੇ ਦੋ ਲੱਖ ਰੁਪਏ ਤੱਕ ਮਦਦ ਲਈ। ਫਿਰ ਵਿਆਹ ਦੀ ਪੇਸ਼ਕਸ਼ ਕਰ ਕੇ ਉਸ ਲੜਕੀ ਨਾਲ ਨੌਜਵਾਨ ਨੇ ਤਿੰਨ ਵਾਰ ਇੱਕ ਹੋਟਲ ਵਿੱਚ ਸਰੀਰਕ ਸੰਬੰਧ ਬਣਾਏ। ਇਸ ਬਾਰੇਪਟਿਆਲਾ ਦੇ ਥਾਣਾ ਸਦਰ ਦੀ ਪੁਲਸ ਨੇ ਪੀੜਤਾ ਦੀ ਸ਼ਿਕਾਇਤ ਉੱਤੇ ਬਸਤੀ ਦਾਨਿਸ਼ਮੰਦਾ, ਜਲੰਧਰ ਦੇ ਵਸਨੀਕ ਗੌਰਵ ਪ੍ਰਤਾਪ ਦੇ ਖਿਲਾਫ ਜ਼ੀਰੋ ਐਫ ਆਈ ਆਰ ਦਰਜ ਕਰ ਕੇ ਜਾਂਚ ਦੇ ਲਈ ਕੇਸਜਲੰਧਰ ਦੇ ਥਾਣਾ-ਚਾਰ ਵਿੱਚ ਭੇਜ ਦਿੱਤਾ ਹੈ, ਕਿਉਂਕਿ ਹੋਟਲ ਸ਼ਹਿਰੀ ਪੁਲਸ ਦੀ ਹੱਦ ਵਿੱਚ ਆਉਂਦਾ ਸੀ। ਇਸ ਸ਼ਿਕਾਇਤ ਵਿੱਚ ਪੀੜਤਾ ਨੇ ਗੌਰਵ ਦੀ ਮਾਂ ਤੇ ਭਰਾ ਦੀ ਭੂਮਿਕਾ ਉੱਤੇਵੀ ਉਂਗਲੀ ਉਠਾਈ ਗਈ ਹੈ, ਜਿਸ ਬਾਰੇ ਜਲੰਧਰ ਪੁਲਸ ਜਾਂਚ ਕਰ ਰਹੀ ਹੈ।
ਪਟਿਆਲਾ ਦੇ ਇੱਕ ਪਿੰਡ ਦੀ ਵਸਨੀਕ ਲੜਕੀ ਨੇ 25 ਨਵੰਬਰ ਨੂੰ ਐਸ ਐਸ ਪੀ (ਰੂਰਲ) ਪਟਿਆਲਾ ਨੂੰ ਇੱਕ ਸ਼ਿਕਾਇਤ ਦੇ ਕੇ ਕਿਹਾ ਕਿ ਉਹ ਸੱਜੇ ਹੱਥ ਤੋਂ ਅਪਾਹਜ ਹੈ। ਚਾਰ ਸਾਲ ਪਹਿਲਾਂ ਸੋਸ਼ਲ ਮੀਡੀਆ ਰਾਹੀਂ ਉਸ ਦੀ ਦੋਸਤੀ ਬਸਤੀ ਦਾਨਿਸ਼ਮੰਦਾਂ, ਜਲੰਧਰ ਦੇ ਗੌਰਵ ਨਾਲ ਹੋਈ ਤਾਂ ਉਸ ਨੇ ਆਰਥਿਕ ਹਾਲਤ ਠੀਕ ਨਾ ਹੋਣ ਦਾ ਕਹਿ ਕੇ ਥੋੜ੍ਹੇ-ਥੋੜ੍ਹੇ ਕਰ ਕੇ ਦੋ ਲੱਖ ਰੁਪਏ ਲਏ। ਫਿਰ ਉਸ ਨੇ ਆਪਣੀ ਮਾਂ ਅਤੇ ਭਰਾ ਨੂੰ ਮਿਲਣ ਦੀ ਗੱਲ ਕਹਿ ਕੇ ਉਸ ਨੂੰ ਫੁੱਟਬਾਲ ਚੌਕ ਦੇ ਨੇੜੇ ਇੱਕ ਹੋਟਲ ਵਿੱਚ ਸੱਦਿਆ, ਪਰ ਉਨ੍ਹਾਂ ਨਾਲ ਮਿਲਵਾਇਆ ਨਹੀਂ। ਹੋਟਲ ਵਿੱਚ ਉਸ ਨਾਲ ਸੰਬੰਧ ਬਣਾਏ ਅਤੇ ਕਿਹਾ ਕਿ ਉਹ ਜਲਦੀ ਵਿਆਹ ਕਰ ਲਏਗਾ। ਫਿਰ ਉਸ ਦੀ ਫਗਵਾੜਾ ਦੀ ਅਦਾਲਤ ਵਿੱਚ ਸਰਕਾਰੀ ਨੌਕਰੀ ਲੱਗ ਗਈ ਤਾਂ ਉਸ ਨੇ ਵਿਆਹ ਤੋਂ ਇਨਕਾਰ ਕਰ ਦਿੱਤਾ ਅਤੇ ਮਾਂ ਅਤੇ ਭਰਾ ਵੀ ਬਦਲ ਗਏ। ਫੋਨ ਕੀਤਾ ਤਾਂ ਗੌਰਵ ਨੇ ਕਿਹਾ ਕਿ ਮੇਰੀ ਜੱਜ ਤੋਂ ਲੈ ਕੇ ਸੀਨੀਅਰ ਅਧਿਕਾਰੀ ਤੱਕ ਸਿੱਧੀ ਗੱਲ ਹੈ ਅਤੇ ਉਸ ਨੂੰ ਜਾਨ ਤੋਂ ਮਾਰਨ ਦੀ ਧਮਕੀ ਦਿੱਤੀ। ਲੜਕੀ ਦੀ ਸ਼ਿਕਾਇਤ ਉੱਤੇ ਥਾਣਾ ਸਦਰ (ਪਟਿਆਲਾ) ਦੇ ਐਸ ਐਚ ਓ ਕਰਮਜੀਤ ਸਿੰਘ ਨੇ ਜਾਂਚ ਲਈ ਹੋਟਲ ਪਹੁੰਚ ਕੀਤੀ ਤਾਂ ਹੋਟਲ ਮੈਨੇਜਰ ਦਲੀਪ ਕੁਮਾਰ ਨੇ ਗੌਰਵ ਅਤੇ ਲੜਕੀ ਦੇ ਹੋਟਲ ਵਿੱਚ ਆਉਣ ਦਾ ਰਿਕਾਰਡ ਦੇ ਦਿੱਤਾ।

Have something to say? Post your comment
ਹੋਰ ਪੰਜਾਬ ਖ਼ਬਰਾਂ
ਮੱਧ ਪ੍ਰਦੇਸ਼ ਤੋਂ ਚਲਾਏ ਜਾ ਰਹੇ ਗੈਂਗ ਦਾ ਪੰਜਾਬ ਪੁਲਸ ਵੱਲੋਂ ਪਰਦਾਫਾਸ਼
ਮੌੜ ਮੰਡੀ ਬੰਬ ਧਮਾਕਾ ਕੇਸ ਵਿੱਚ ਐਸ ਆਈ ਟੀ ਦੀ ਜਾਂਚ ਤੋਂ ਹਾਈ ਕੋਰਟ ਸੰਤੁਸ਼ਟ
ਕੋਟਕਪੂਰਾ ਕੇਸ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਵੱਲੋਂ ਸੱਦੀ ਮੀਟਿੰਗ ਬੇਨਤੀਜਾ ਰਹੀ
ਜੇ ਬੇਅਦਬੀ ਅਤੇ ਕੋਟਕਪੂਰਾ ਤੇ ਬਹਿਬਲ ਕਲਾਂ ਗੋਲੀ ਕਾਂਡ ਦੀ ਤਫ਼ਤੀਸ਼ੀ ਰਿਪੋਰਟ ਸਰਕਾਰ ਨੇ ਜਨਤਕ ਨਾ ਕੀਤੀ ਤਾਂ ਕੈਪਟਨ ਦਾ ਹਸ਼ਰ ਬਾਦਲਾਂ ਤੋਂ ਵੀ ਮਾੜਾ ਹੋਵੇਗਾ : ਬੀਰ ਦਵਿੰਦਰ ਸਿੰਘ
ਕੈਪਟਨ ਅਮਰਿੰਦਰ ਸਿੰਘ ਦੇ ਆਦੇਸ਼ਾਂ 'ਤੇ ਵਿੱਤ ਵਿਭਾਗ ਨੇ ਆੜ੍ਹਤੀਆਂ ਦੀ 151.45 ਕਰੋੜ ਰੁਪਏ ਦੀ ਬਕਾਇਆ ਰਾਸ਼ੀ ਜਾਰੀ ਕੀਤੀ
ਮੱਛੀ ਪਾਲਣ ਅਫਸਰ ਦੀਆਂ 27 ਅਸਾਮੀਆਂ ਭਰਨ ਲਈ ਇਸ਼ਤਿਹਾਰ ਜਾਰੀ
ਮੁੱਖ ਮੰਤਰੀ ਕੋਵਿਡ ਰਾਹਤ ਫੰਡ ਦੇ ਪੈਸਿਆਂ ਦਾ ਹਿਸਾਬ ਦੇਣ ਕੈਪਟਨ ਅਮਰਿੰਦਰ ਸਿੰਘ : ਭਗਵੰਤ ਮਾਨ
ਸੁਨੀਲ ਜਾਖੜ ਨੇ ਕਿਹਾ: ਕੋਟਕਪੂਰਾ ਅਤੇ ਬਹਿਬਲ ਕਲਾਂ ਕਾਂਡ ਦੀ ਜਾਂਚ ਨੂੰ ਅੰਜਾਮ ਤੱਕ ਪਹੁੰਚਾਏਗੀ ਕਾਂਗਰਸ ਸਰਕਾਰ
ਮੁੱਖ ਮੰਤਰੀ ਨੇ ਅਪ੍ਰੈਲ ਦੇ ਅੰਤ ਤੱਕ 45 ਸਾਲ ਤੋਂ ਵੱਧ ਉਮਰ ਦੀ ਆਬਾਦੀ ਨੂੰ ਟੀਕਾਕਰਨ ਹੇਠ ਲਿਆਉਣ ਲਈ ਰੋਜ਼ਾਨਾ 2 ਲੱਖ ਦਾ ਟੀਚਾ ਮਿੱਥਿਆ
ਸਿੰਗਲਾ ਦੇ ਨਿਰਦੇਸ਼ਾਂ ’ਤੇ ਸਿੱਖਿਆ ਵਿਭਾਗ ਦੀ ਦਾਖਲਾ ਮੁਹਿੰਮ ਦੇ ਨਾਲ ਨਾਲ ਆਨ ਲਾਈਨ ਸਿੱਖਿਆ ਨੇ ਵੀ ਤੇਜ਼ੀ ਫੜੀ