ਟੋਰਾਂਟੋ, 29 ਮਾਰਚ (ਪੋਸਟ ਬਿਊਰੋ) : ਟੋਰਾਂਟੋ ਪਬਲਿਕ ਹੈਲਥ (ਟੀ ਪੀ ਐਚ) ਵੱਲੋਂ ਕਰੋਨਾਵਾਇਰਸ ਆਊਟਬ੍ਰੇਕ ਕਾਰਨ ਤਿੰਨ ਸਕੂਲਾਂ ਨੂੰ ਬੰਦ ਕਰ ਦਿੱਤਾ ਗਿਆ ਹੈ।
ਟੀ ਪੀ ਐਚ ਨੇ ਆਖਿਆ ਕਿ ਸਕਾਰਬੌਰੋ ਵਿੱਚ ਸੇਂਟ ਡੌਮੀਨਿਕ ਸੈਵੀਓ ਕੈਥੋਲਿਕ ਸਕੂਲ, ਨੌਰਥ ਯੌਰਕ ਦੇ ਬ੍ਰਾਇਨ ਪਬਲਿਕ ਸਕੂਲ ਤੇ ਵਿਕਟੋਰੀਆ ਵਿਲੇਜ ਪਬਲਿਕ ਸਕੂਲ ਦੇੇ ਸਾਰੇ ਵਿਦਿਆਰਥੀਆਂ ਨੂੰ ਆਰਜ਼ੀ ਤੌਰ ਉੱਤੇ ਸਕੂਲ ਨਾ ਆਉਣ ਦੀ ਹਦਾਇਤ ਦਿੱਤੀ ਗਈ ਹੈ। ਟੀਪੀਐਚ ਨੇ ਆਖਿਆ ਕਿ ਸਕੂਲ ਸੋਮਵਾਰ ਤੋਂ ਬੰਦ ਕੀਤੇ ਜਾਣਗੇ।
ਐਤਵਾਰ ਸ਼ਾਮ ਨੂੰ ਕੀਤੇ ਗਏ ਟਵੀਟ ਵਿੱਚ ਟੋਰਾਂਟੋ ਡਿਸਟ੍ਰਿਕਟ ਸਕੂਲ ਬੋਰਡ ਨੇ ਆਖਿਆ ਕਿ ਜਦੋਂ ਤੱਕ ਟੀ ਪੀ ਐਚ ਜਾਂਚ ਨਹੀਂ ਕਰ ਲੈਂਦੀ ਉਦੋਂ ਤੱਕ ਬ੍ਰਾਇਨ ਪਬਲਿਕ ਸਕੂਲ ਤੇ ਵਿਕਟੋਰੀਆ ਵਿਲੇਜ ਪਬਲਿਕ ਸਕੂਲ ਦੇ ਵਿਦਿਆਰਥੀ ਰਿਮੋਟ ਲਰਨਿੰਗ ਹੀ ਕਰਨਗੇ।