ਜਲੰਧਰ, 27 ਮਾਰਚ (ਪੋਸਟ ਬਿਊਰੋ)- ਥਾਣਾ-8 ਹੇਠਲੀ ਇੰਡਸਟਰੀਅਲ ਐਸਟੇਟ ਮੱਛੀ ਮਾਰਕੀਟ ਦੇ ਕੋਲ ਹਾਈਵੇ ਉੱਤੇ ਦੇਰ ਰਾਤ ਕਿਸੇ ਅਣਪਛਾਤੇ ਵਾਹਨ ਦੀ ਟੱਕਰ ਨਾਲ ਸੜਕ ਪਾਰ ਕਰਦੇ 35 ਸਾਲਾ ਵਿਅਕਤੀ ਦੀ ਮੌਤ ਹੋ ਗਈ ਤੇ ਵਾਹਨ ਚਾਲਕ ਫਰਾਰ ਹੋ ਗਿਆ। ਪੁਲਸ ਨੇ ਅਣਪਛਾਤੇ ਦੋਸ਼ੀ ਦੇ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਬਿਹਾਰ ਦੇ ਜ਼ਿਲ੍ਹਾ ਰੋਹਤਾਸ ਦੇ ਵਸਨੀਕ ਬਿਹਾਰ ਚੌਧਰੀਕੱਲ੍ਹ ਦੇਰ ਰਾਤ ਗੁੱਝਾਪੀਰ ਦੇ ਆਪਣੇ ਕਮਰੇ ਤੋਂ ਕਿਸੇ ਕੰਮ ਨੂੰਗਿਆ ਤਾ ਲੰਮਾ ਪਿੰਡ ਚੌਕ ਦੇ ਗੁੱਝਾਪੀਰ ਵਾਲੀ ਸਾਈਡ ਤੋਂ ਇੰਡਸਟਰੀਅਲ ਐਸਟੇਟ ਵੱਲ ਸੜਕ ਪਾਰ ਕਰਨ ਲੱਗਾ ਤਾਂ ਕਿਸੇ ਅਣਪਛਾਤੇ ਵਾਹਨ ਨੇ ਉਸ ਨੂੰ ਬੁਰੀ ਤਰ੍ਹਾਂ ਨਾਲ ਕੁਚਲ ਦਿੱਤਾ। ਟੱਕਰ ਦੇ ਬਾਅਦ ਉਹ ਦੇਰ ਰਾਤ ਤੱਕ ਸੜਕ ਉੱਤੇ ਪਿਆ ਰਿਹਾ, ਜਿਸ ਨਾਲ ਉਸਦੀ ਮੌਤ ਹੋ ਗਈ। ਘਟਨਾ ਬਾਰੇ ਉਦੋਂ ਪਤਾ ਲੱਗਾ, ਜਦੋਂ ਇੰਡਸਟਰੀਅਲ ਐਸਟੇਟ ਕੋਲ ਇੱਕ ਦੁਕਾਨਦਾਰ ਸਵੇਰੇ ਆਪਣੀ ਦੁਕਾਨ ਖੋਲ੍ਹਣ ਗਿਆ। ਉਸ ਨੇ ਪੁਲਸ ਕੰਟਰੋਲ ਰੂਮ ਨੂੰ ਸੂਚਨਾ ਦਿੱਤੀ ਤਾਂ ਪੁਲਸ ਨੇ ਓਥੇ ਆਣ ਕੇ ਜਾਂਚ ਸ਼ੁਰੂ ਕੀਤੀ। ਥਾਣਾ-8 ਦੀ ਪੁਲਸ ਨੇ ਪਰਚਾ ਦਰਜ ਕਰ ਲਿਆ ਹੈ।