Welcome to Canadian Punjabi Post
Follow us on

22

April 2021
ਟੋਰਾਂਟੋ/ਜੀਟੀਏ

ਓਨਟਾਰੀਓ ਵਿੱਚ ਗ੍ਰੇਅ ਜ਼ੋਨ ਰੀਜਨਜ਼ ਵਿੱਚ ਵਾਲ ਕਟਵਾਉਣ ਤੇ ਆਊਟਡੋਰ ਫਿੱਟਨੈੱਸ ਕਲਾਸਾਂ ਜਲਦ ਕੀਤੀਆਂ ਜਾਣਗੀਆਂ ਸ਼ੁਰੂ

March 27, 2021 12:30 AM

ਟੋਰਾਂਟੋ, 26 ਮਾਰਚ (ਪੋਸਟ ਬਿਊਰੋ) : ਓਨਟਾਰੀਓ ਸਰਕਾਰ ਵੱਲੋਂ ਗ੍ਰੇਅ ਜ਼ੋਨ ਵਿੱਚ ਵਾਲ ਕਟਵਾਉਣ ਤੇ ਆਊਟਡੋਰ ਫਿੱਟਨੈੱਸ ਕਲਾਸਾਂ ਸ਼ੁਰੂ ਕਰਨ ਦੀ ਇਜਾਜ਼ਤ ਦਿੱਤੀ ਜਾਵੇਗੀ ਤੇ ਹੈਮਿਲਟਨ ਵਿੱਚ ਮੁੜ ਲਾਕਡਾਊਨ ਲਾਇਆ ਜਾਵੇਗਾ।
ਸ਼ੁੱਕਰਵਾਰ ਨੂੰ ਜਾਰੀ ਕੀਤੀ ਗਈ ਇੱਕ ਨਿਊਜ਼ ਰਲੀਜ਼ ਵਿੱਚ ਸਰਕਾਰ ਨੇ ਆਖਿਆ ਕਿ ਪਰਸਨਲ ਕੇਅਰ ਸਰਵਿਸਿਜ਼ ਜਿਵੇਂ ਕਿ ਨਾਈ ਦੀ ਦੁਕਾਨ, ਹੇਅਰ ਐਂਡ ਨੇਲ ਸੈਲੌਂ, ਬੌਡੀ ਆਰਟ ਅਸਟੈਬਲਿਸ਼ਮੈਂਟਸ ਨੂੰ ਅਪੁਆਇੰਟਮੈਂਟ ਦੇ ਆਧਾਰ ਉੱਤੇ ਕੰਮ ਕਰਨ ਦੀ ਇਜਾਜ਼ਤ ਦਿੱਤੀ ਜਾਵੇਗੀ। 12 ਅਪਰੈਲ ਤੋਂ ਇਨ੍ਹਾਂ ਥਾਂਵਾਂ ਨੂੰ 25 ਫੀ ਸਦੀ ਤੋਂ ਵੀ ਘੱਟ ਦੀ ਸਮਰੱਥਾ ਨਾਲ ਚਲਾਉਣ ਦੀ ਖੁੱਲ੍ਹ ਦਿੱਤੀ ਜਾਵੇਗੀ। ਇਸ ਤੋਂ ਇਲਾਵਾ ਆਊਟਡੋਰ ਫਿੱਟਨੈੱਸ ਕਲਾਸਾਂ 29 ਮਾਰਚ ਤੋਂ 10 ਵਿਅਕਤੀਆਂ ਦੀ ਸਮਰੱਥਾ ਨਾਲ ਸ਼ੁਰੂ ਕਰਨ ਦੀ ਇਜਾਜ਼ਤ ਦਿੱਤੀ ਜਾਵੇਗੀ।
ਇਨ੍ਹਾਂ ਤਬਦੀਲੀਆਂ ਉੱਤੇ ਅਜੇ ਓਨਟਾਰੀਓ ਦੇ ਲੈਫਟੀਨੈਂਟ ਗਵਰਨਰ ਵੱਲੋਂ ਮੋਹਰ ਲਾਈ ਜਾਣੀ ਬਾਕੀ ਹੈ। ਹੈਮਿਲਟਨ ਵਿੱਚ ਮੁੜ ਲਾਕਡਾਊਨ ਲਾਏ ਜਾਣ ਦਾ ਫੈਸਲਾ ਸਿਟੀ ਵਿੱਚ ਕੋਵਿਡ-19 ਕੇਸਾਂ ਦੀ ਦਰ 37·6 ਫੀ ਸਦੀ ਹੋਣ ਕਾਰਨ ਲਿਆ ਗਿਆ। ਇਸ ਤੋਂ ਇਲਾਵਾ ਈਸਟਰਨ ਓਨਟਾਰੀਓ ਨੂੰ ਵੀ ਆਰੇਂਜ ਲੈਵਲ ਤੋਂ ਰੈੱਡ ਲੈਵਲ ਵਿੱਚ ਤਬਦੀਲ ਕੀਤਾ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਗ੍ਰੇਅ ਜ਼ੋਨ ਵਿਚਲੇ ਮਰੀਨਾਜ਼ ਤੇ ਬੋਟਿੰਗ ਕਲੱਬ ਨੂੰ ਕਲੱਬਹਾਊਸ ਜਾਂ ਰੈਸਟੋਰੈਂਟਸ, ਬਾਰ ਤੇ ਹੋਰ ਫੂਡ ਤੇ ਡਰਿੰਕ ਅਸਟੈਬਲਿਸ਼ਮੈਂਟ ਨੂੰ ਆਊਟਡੋਰ ਡਾਈਨਿੰਗ ਲਈ ਸੋਮਵਾਰ ਤੋਂ ਇਜਾਜ਼ਤ ਦਿੱਤੀ ਜਾ ਰਹੀ ਹੈ। ਇਨ੍ਹਾਂ ਨੂੰ ਲੋਕਾਂ ਦੀ ਗਿਣਤੀ ਸੀਮਤ ਹੀ ਰੱਖਣੀ ਹੋਵੇਗੀ।

   

 

Have something to say? Post your comment
ਹੋਰ ਟੋਰਾਂਟੋ/ਜੀਟੀਏ ਖ਼ਬਰਾਂ
ਪੇਡ ਸਿੱਕ ਡੇਅਜ਼ ਪ੍ਰੋਗਰਾਮ ਵਿੱਚ ਸੁਧਾਰ ਬਾਬਤ ਜਲਦ ਐਲਾਨ ਕਰੇਗੀ ਫੋਰਡ ਸਰਕਾਰ
ਸਟਾਫ ਮੈਂਬਰ ਦੇ ਕੋਵਿਡ-19 ਪਾਜ਼ੀਟਿਵ ਆਉਣ ਤੋਂ ਬਾਅਦ ਆਈਸੋਲੇਟ ਕਰ ਰਹੇ ਹਨ ਫੋਰਡ
ਪਿੱਕਰਿੰਗ ਤੇ ਐਜੈਕਸ ਵਿੱਚ ਹੁਣ 18 ਪਲੱਸ ਲੋਕਾਂ ਦੀ ਵੀ ਹੋ ਸਕੇਗੀ ਵੈਕਸੀਨੇਸ਼ਨ
ਟੋਰਾਂਟੋ ਤੇ ਪੀਲ ਵਿੱਚ ਅਸੈਂਸ਼ੀਅਲ ਕੰਮ ਵਾਲੀਆਂ ਥਾਂਵਾਂ ਲਈ ਨਵੇਂ ਮਾਪਦੰਡ ਲਾਗੂ ਕਰਨ ਦਾ ਐਲਾਨ
ਓਨਟਾਰੀਓ ਦੀਆਂ ਕਈ ਫਾਰਮੇਸੀਜ਼ 24/7 ਕਰਨਗੀਆਂ ਟੀਕਾਕਰਣ
ਇੰਟਰਨੈਸ਼ਨਲ ਡਰੱਗ ਸਮਗਲਿੰਗ ਨੈੱਟਵਰਕ ਦਾ ਪਰਦਾਫਾਸ਼, 25 ਤੋਂ ਵੱਧ ਚਾਰਜ
ਯੌਰਕ ਵਿੱਚ ਹੌਟ ਸਪੌਟਸ ਉੱਤੇ 35 ਤੇ ਇਸ ਤੋਂ ਵੱਧ ਉਮਰ ਦੇ ਲੋਕਾਂ ਨੂੰ ਵੀ ਲੱਗ ਸਕੇਗੀ ਕੋਵਿਡ-19 ਵੈਕਸੀਨ
ਬਜਟ ਵਿੱਚ ਸਾਰੇ ਪੱਖਾਂ ਦਾ ਰੱਖਿਆ ਗਿਆ ਹੈ ਧਿਆਨ : ਰੂਬੀ ਸਹੋਤਾ
ਇਨਕਮ ਟੈਕਸ ਭਰਨ ਵਿੱਚ ਦੇਰੀ ਕਾਰਨ ਕੋਵਿਡ-19 ਵਿੱਤੀ ਮਦਦ ਹਾਸਲ ਕਰਨ ਵਿੱਚ ਪੈ ਸਕਦਾ ਹੈ ਅੜਿੱਕਾ : ਸੀ ਆਰ ਏ
ਵਾਅਨ ਵਿੱਚ ਛੇ ਵਿਅਕਤੀਆਂ ਨੂੰ ਲਾਇਆ ਗਿਆ ਸੇਲੀਨ ਦਾ ਟੀਕਾ